________________
भगवती अङ्गसूत्रं (२) १२/-/१/५३०
तणं समणे भगवं महावीरे तेसिं समणोवासगाणं तीसे य महति० धम्मकहा जाव परिसा पडिगया, तए णं ते समणोवासगा समणस्स भगवओ महावीरस्स अंतियं धम्मं सोचा निसम्म हट्ट समणं भ० म० वं० न० वं० न० पसिणाई पुच्छंति प० अट्ठाई परियादियंति अ० २ अट्ठाए उट्ठेति उ०२ समणस्स भ० महा० अंतियाओ कोट्टयाओ चेइयाओ पड़िनि०प० २ जेणेव सावत्थी नगरी तेणेव पहारेत्थ गमणाए ।
५२
वृ. तत्र प्रथमोद्देशके किञ्चिल्लिख्यते
मू. (५३१) तए णं से संखे समणोवासए ते समणोवासए एवं वयासी तुज्झेणं देवाणुप्पिया विउलं असणं पाणं खाइमं साइमं उवक्खडावेह, तए णं अम्हे तं विपुलं असणं पाणं खाइमं साइमं आसाएमाणा विसाएमाणा परिभुंजेमाणा परिभाएमाणा पक्खियं पोसहं पडिजागरमाणा विहरिस्सामो । तए णं ते समणोवासगा संखस्स समणो एयमट्टं विनएणं पडिसुगंति, तए णं तस्स संखस्स समणोवासगस्स अयमेयारूवे अब्भत्थिए जाव समुप्पज्जित्था - नो खलु मे सेयं तं विउलं असणं जाव साइमं अस्साएमाणस्स ४ पक्खियं पोसहं पडिजागरमाणस्स विहरित्तए ।
सेयं खलु मे पोसहसालाए पोसहियस्स बंभचारिस्स उम्मुक्क मणिसुवन्नस्स ववगयमालावनगविलेवणस्स निक्खित्तसत्थमुसस्स एगस्स अबिइयस्स दब्भसंधारोवगयस्स पक्खियं पोसहं पडिजागरमाणस्स विहरित्तएत्तिकट्टु एवं संपेहेति २ जेणेव सावत्थीनगरी जेणेव सए गिहे जेणेव उप्पला समणोवासिया तेणेव उवा० २ उप्पलं समणोवासियं आपुच्छइ २ जेणेव पोसहसाला तेणेव उवागच्छइ २ पोसहसालं अणुपविसइ २ पोसहसालं पमज्जइ पो० २ उच्चारपासवणभूमीं पडिलेहेइ उ० २ दब्भसंथारगं संथरतिदव्भ० २ दब्भसंथारगं दुरूहइ दु० २ पोसहसालाए पोसहिए बंभयारी जाव पक्खियं पोसहं पडिजागरमाणे विहरति ।
तए णं ते समणीवासगा जेणेव सावत्थी नगरी जेणेव साइं गिहाई तेणेव उवाग० २ विपुलं असनं पाणं खाइमं साइं उवक्खडावेंति उ० २ अन्नमन्ने सद्दावेति अ० २ एवं वयासी एवं खलु देवाणुप्पिया! अम्हेहिं से विउले असणपाणखाइमसाइमेउवक्खडाविए, संखेय णं समणोवासए नो हव्वमागच्छइ, तं सेयं खलु देवाणुप्पिया ! अम्हं संखं समणोवासगं सद्दावेत्तए ।
तएण से पोक्खली समणोवासए ते समणोवासए एवं वयासी -अच्छहणं तुज्झे देवाणुपिया सुनिव्युया वीसत्था अहनं संखं समणोवासगं सद्दावेमित्तिकट्टु तेसिं समणोवासगाणं अंतियाओ पडिनिक्खमति प० २ सावत्थीए नगरीए मज्झमज्झेणं जेणेव संखस्स समणोवासगस्स गिहे तेणेव उवाग० २ संखस्स समणोवासगस्स गिहं अणुपविट्टे ।
तए णं सा उप्पला समणोवासिया पोक्खलिं समणोवासयं एज्रमाणं पासइ पा० २ हट्ठतुट्ठ० आसणाओ अब्भुट्ठेइ अ० २त्ता सत्तट्ट पयाई अणुगच्छइ २ पोक्खलिं समणोवासगं वंदति नम॑सति वं० न० आसणेणं उवनिमंतेइ आ० २ एवं व्यासी-संदिसंतुणं देवाणुप्पिया! किमागमणप्पयोयणं तए णं से पोक्खली समणोवासए उप्पलं समणोवासयं एवं वयासी-कहिनं देवाणुप्पिए संखे समणोवासए ?, तए णं सा उप्पला समणोवासिया पोक्खलं समणोवासयं एवं बयासी एवं खलु देवाणुप्पिया ! संखे समणोवासए पोसहसालाए पोसहिए बंभयारी जाव विहर इ ।
तणं से पोक्खली समणोवासए जेणेव पोसहसाला जेणेव संखे समणोवासए तेणेव
For Private & Personal Use Only
www.jainelibrary.org
Jain Education International