________________
५३४
भगवती अङ्गसूत्रं १०/-/३/४८२
-: शतकं - १० उद्देशकः - ३ :
द्वितीयोद्देशकान्ते देवत्वमुक्तम्, अथ तृतीये देवस्वरूपमभिधीयते, इत्येवंसम्बन्ध
स्यास्येदमादिसूत्रम्
मू. (४८२) रायगिहे जाव एवं वयासी- आइडीए णं भंते! देवे जाव चत्तारि पंच देवावासंतराइं वीतिकंते तेण परं परिट्टीए ?, हंता गोयमा ! आइडीए णं तं चेव, एवं असुरकुमारेवि, नवरं असुरकुमारावासंतराई सेसं तं चैव, एवं एएणं कमेणं जाब धणियकुमारे, एवं वाणमंतरे जोइसवेमाणिय जाव तेण परं परिड्डीए ।
अप्पडिए णं भंते! देवे से महड्डियस्स देवस्स मज्झमज्झेणं वीइवइज्जा ?, नो तिणट्टे समट्टे समिड्डीए णं भंते! देवे समड्डियस्स देवस्स मज्झंमज्झेणं वीइवएज्जा ?, नो तिणट्टे समट्टे, पमत्तं पुण वीइवएज्जा ।
से णं भंते! किं विमोहित्ता पभू अविमोहित्ता पभू?, गोयमा ! विमोहेत्ता पभू नो अविमोहेत्ता पभू। से भंते! किं पुव्विं विमोहेत्ता पच्छा वीइवएजा पुव्विं वीइवएत्ता पच्छ विमोहेज्जा ?, गोयमा पुव्विं विमोहेत्ता पच्छा वीइवएजा नो पुबिं वीवइत्ता पच्छा विमोहेज्जा । महिड्डीए णं भंते! देवे अप्पड्डियस्स देवरस मज्झंमज्झेणं वीइवएजा ? हंता, वीइवएज्जा ।
से गं भंते! किं विमोहित्ता पभू अविमोहेत्ता पभू?, गोयमा ! विमोहेत्तावि पभू अविमोहेत्तावि पभू । से भंते! किं पुव्विं विमोहेत्ता पच्छा वीइवइज्जा पुव्विं वीइवइत्ता पच्छा विमोहेज्जा ?, गोयमा पुव्वि वा विमोहेत्ता पच्छा वीइवएज्जा पुव्विं वा वीइवएत्ता पच्छा विमोहेजा ।
अप्पिड्डिए णं भंते! असुरकुमारे महड्डीयस्स असुरकुमारस्स मज्झंमज्झेणं वीइवएज्जा ?, नो इट्टे समट्टे, एवं असुरकुमारेवि तिन्नि आलावगा भाणियव्या जहा ओहिएणं देवेण भणिया, एवं जाव धणियकुमाराणं, वाणमंतरजोइसियवेमाणिएणं एवं चेव ।
अप्पहिए णं भंते! देवे महिड्डियाए देवीए मझंमज्झेणं वीइवएज्जा ?, नो इणट्टे समट्ठे, समड्डिए णं भंते! देवे समिडीयाए देवीए मज्झमज्झेणं० एवं तहेव देवेण य देवीण य दंडओ भाणियव्वो जाव वेमाणियाए । अप्पड़िया णं भंते! देवी महड्डीयस्स देवरस मज्झमज्झेणं एवं एसोवि तइओ दंडओ भाणियव्वो जाव महड़िया वैमाणिणी अप्पडियस्स वेमाणियस्स मज्झमज्झेणं वीइवएज्जा ?, हंता वीइवएज्जा ।
अप्पड्डिया गं भंते! देवी महिड्डियाए देवीए मज्झमज्झेण वीइवएज्जा ?, नो इणट्टे समट्टे, एवं समडिया देवी समड्डियाए देवीए तहेव, महड्डियावि देवी अप्पड्डियाए देवीए तहेव, एवं एक्केके तिन्नि २ आलावगा भाणियव्व जाव महड्डिया णं भंते! वैमाणिणी अप्पड्डियाए वेमाणिणीए मज्झमज्झेणं वीइवएज्जा ?, हंता वीइवएजा ।
सा भंते! किं विमोहित्ता पभूतहेव जाव पुब्बिं वा वीइवइत्ता पच्छा विमोहेजा एए क्तारि दंडगा ॥
वृ. 'रायगिहे’इत्यादि, ‘आइड्डीए णं' ति आत्मद्धर्या स्वकीयशक्त्या, अथवाऽऽत्मन एव ऋद्धिर्यस्यासावात्मर्द्धिकः देवे' त्ति सामान्यः 'देवावासंतराई' ति देवावासविशेषान् 'वीइक्कंते' त्ति 'व्यतिक्रान्तः' लङ्घितवान् क्वचिद् व्यतिव्रजतीति पाठः, 'तेण परं 'ति ततः परं 'परिड्डीए' त्ति
Jain Education International
For Private & Personal Use Only
www.jainelibrary.org