Page Text
________________
शतकं - ९, वर्ग:-, उद्देशक:- ३३
४९९
खत्तियकुमारं अम्मापियरो एवं वयासी इमाओ य ते जाया! विपुलकुलबालियाओ सरित्तयाओ सरिव्ययाओ सरिसलावन्नरूवजोव्वणगुणोववेयाओ सरिरसएहिंतो अ कुलेहिंतो आणियल्लियाओ कलाकुसलसव्वकाललालियसुहोचियाओ मद्दवगुणजुत्तनिउणविणओवयारपंडियवियक्खणाओ
मंजुलमियमहुरभणियविहसियविप्पेक्खियगतिविसालचिट्ठियविसारदाओं अविकलकुलसीलसालिणीओ विसुद्ध कुलवंससंताणतंतुवद्धणप्पग (ब्भु) ब्भवप्पभाविणीओ मणाणुकूलहियइछियाओ अट्ठ तुज्झ गुणवल्लहाओ उत्तमाओ निधं भावाणुत्तरसव्वंगसुंदरीओ भारियाओ ।
- तं भुंजाहि ताव जाया ! एताहिं सद्धिं विउले माणुस्सए कामभोगे, तओ पच्छा भुत्तभोगी विसयविगयवोच्छिन्नकोउहल्ले अम्हेहिं कालगएहिं जाव पव्वइहिसि । तए णं से जमाली खत्तियकुमारे अम्मापियरो एवं वयासी
तहावि णं तं अम्म ! ताओ ! जन्नं तुज्झे मम एवं वयह इमाओ ते जाया विपुलकुलजावपव्वइहिसि, एवं खलु अम्म ! ताओ ! माणुस्सयकामभोगा असुई असासया वंतासवा पित्तासवा खेलासवा सुक्कासवा सोणियासवा उच्चारपासवणखेलसिंघाणगवंतपित्तपूयसुक्कसोणियसमुब्भवा अमणुत्रदुरूवमुत्तपूइयपुरीसपुन्ना मयगंधुस्सास असुभनिस्सासाउब्वेयणगा बीभत्था अप्पकालिया लहूसगा कलमलाहिया शदुकखबहुजणसाहारणा परिकिलेस किच्छदुक्खसज्झा अबुहजननिसेविया सदा साहुगरणिजा अनंतसंसारवद्धणा कडुगफलविवागा चुडलिव्व अमुद्यमा दुक्खाणुवंधिणो सिद्धिगमणविग्घा, से केस णं जाणति अम्मताओ ! के पुव्विं गमणयाए के पच्छ गमणयाए ?, तं इच्छामि णं अम्मताओ ! जाव पव्वइत्तए ।
तए णं तं जमालिं खत्तियकुमारं अम्मापियरो एवं वयासी-इमे य ते जाया ! अजयपज्जयपिउपज्जयागए बहु हिरन्ने य सुवन्ने य कंसे य दूसे य विउलघणकणगजाव संतसार- सावएजे अलाहि जाव आसत्तमाओ कुलवंसाओ पकामं दाउँ पकामं भोत्तुं पकामं परिभाएडं तं अनुहोहि ताव जाया ! विउलेमाणुस्सए इड्डिसकारसमुदए, तओ पच्छा हूयकल्लाणे वह्नियकुलतंतु जाव पव्वइहिसि । तए णं से जमाली खत्तियकुमारे अम्मापियरो एवं वयासी
तहावि णं तं अम्मताओ ! जन्नं तुज्झे ममं एवे वदह-इमं च ते जाया ! अज्रगपजगजावपव्वइहिसि एवं खलु अम्मताओ ! हिरन्ने य सुवन्ने य जाव सावएजे अग्गिसाहिए चोरसाहिए रायसाहिए मधुसाहिए दाइयसाहिए अग्गिसामन्ने जाव दाइयसामन्ने अघुवे अनितिए असासए पुव्धिं वा पच्छा वा अवस्सविप्पजहियव्वे भविस्सइ, से केस णं जाणइ तं चैव जाव पव्वइत्तए । तए णं तं जमालिं खत्तियकुमारं अम्मताओ जाहे नो संचाएन्ति विसयानुलोमाहिं बहूहिं आघवमाहिय पन्नवणाहि य सन्नवणाहि य विन्नवणाहि य आघवेत्तए वा पनवेत्तए वा सन्नवेत्तए वा विन्नवेत्तए वा ताहे विसयपडिकूलाहिं संजमभयुव्वेयणकराहिं पन्नवणाहिं पत्रवैमाणा एवं वयासीएवं खलु जाया ! निग्गंथे पावयणे सच्चे अनुत्तरे केवले जहा आवस्सए जाव सव्वदुक्खाणमंत करेति अहीव एतदिट्टीए खुरो इव एगंतधाराए लोहमया जवा चावेयव्वा वालुयाकवले इव निस्साए गंगा वा महानदी पडिसोयगमणयाए महासमुद्दे वा भुयाहिं दुत्तरो तिक्खं कमियव्वं गरुयं लंबेयव्वं असिधारगं वतं चरियव्वं, नो खलु कप्पइ जाया ! समणाणं निग्गंथाणं अहाकम्मिएत्ति
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |