Page Text
________________
४६८
भगवतीअङ्गसूत्रं ९/-/३१/४५० अनन्तरं केवल्यादिवचनाश्रवणे यत्स्यात्तदुक्तमथ तच्छ्रवणे यत्स्यात्तदाह
मू. (४५०) सोचाणं भंते ! केवलिस्स वा जाव तप्पक्खियउवासियाए वा केवलिपन्नत्तं धम्म लभेजा सवणयाए?, गोयमा! सोचाणं केवलिस वा जाव अत्यैगतिए केवलिपन्नत्तं धम्म एवं जाव चेव असोचाए वत्तव्वया सा चेव सोच्चाएवि भाणियव्वा, नवरं अभिलावो सोचेति, सेसंतं चेव निरवसेसंजाव जस्सणं मणपञ्जवनाणवरणिज्जाणं कम्माणं खओवसमे कडे भवइ जस्सणं केवलनाणावरणिजाणं कम्माणं खए कडे भवइ ।।
से णं सोचाकेवलिस्स वा जाव उवासियाए वा केवलिपन्नत्तं धम्म लब्भइ सवणयाए केवलं बोहिं बुज्झेजाजाव केवलनाणं उप्पाडेजा, तस्सणं अट्ठमंअट्टमेणं अनिक्खित्तेणंतवोकम्मेणं अप्पाणं भावेमाणस्स पगइभद्दयाए तहेवजाव गवेसणं करेमाणस्स ओहिणाणे समुप्पजइ, सेणं तेणं ओहिनाणेणं समुप्पनेणं जहन्नेणं अंगुलस्स असंखेजइभागं उक्कोसेणं असंखेजाई अलोए लोयप्पमाणमेत्ताइ खण्डाइं जाणइ पासइ ।
सेणंभंते! कतिसुलेस्सासुहोजा?, गोयमा! छसुलेस्सासु होज्जा, तंजहा-कण्हलेसाए जाव सुक्कलेसाए।
सेणं भंते ! कतिसु नाणेसु होजा?, गोयमा! तिसु वा चउसु वा होजा, तिसु होजमाणे तिसु आभिनिबोहियनाणसुयनाणओहिनाणेसु होजा, चउसु होजा माणे आभि० सुय० ओहि० मणप० होजा।
से णं भंते ! किं सयोगी होजा अयोगी होजा?, एवं जोगोवओगो संघयणं संठाणं उच्चत्तं आउयं च, एयाणि सव्वाणि जहा असोचाए तहेव भाणियव्वाणि।
से णं भंते ! किं सवेदए०? पुच्छा, गोयमा! सवेदए वा होजा अवेदए वा, जइ अवेदए होज्जा किं उवसंतवेयए होना खीणवेयए होजा?, गोयमा ! नो उवसंतवेदए होज्जा खीणवेदए होजा, जइ सवेदए होजा किं इत्थीवेदए होजा पुरिसवेइए होज्जा नपुंसगवेदए वा होजा पुरिसनपुंसगवेदए होजा?,पुच्छा, गोयमा! इत्थीवेदए वा होजा पुरिसवेदए वा होजा पुरिसनपुंसगवेदए होला ।
सेणंभंते ! किं सकसाई होजा अकसाई वा होजा?, गोयमा! सकसाई वा होजा अकसाई वा होजा, जई अकसाई होजा किं उवसंतकसाई होजा खीणकसाई होजा?, गोयमा नो उवसंतकसाई होजा खीणकसाई होजा,
___जई सकसाई होजा। से णं भंते ! कतिसु कसाएसु होजा?, गोयमा! चउसु वा दोसुवा एक्कमि वा होजा, चउसु होज्जमाणे चउसु संजलणकोहमाणमायालोभेसु होज्जा, तिसु होज्जमाणे तिसु संजलणमाणमायालोभेसु होजा, दोसु होजमाणे दोसु संजलणमायालोभेसु होजा, एगमि होजमाणे एगमि संजलणे लोभे होज्जा।
तस्सणंभंते! केवतियाअन्झवसाणा पन्नता?, गोयमा! असंखेजा, एवंजहा असोचाए तहेव जाव केवलवरनाणदंसणे समुपज्जइ, सेणं भंते ! केवलिपन्नत्ते धम्मं आघवेज वा पन्नवेज वा परवेज वा?, हंता आघवेज वा पन्नवेज वा परवेज वा।
से गं भंते ! पव्वावेज वा मुंडावेज वा?, हंता गोयमा ! पव्वावेज वा मुंडावेज वा, तस्स
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |