Page Text
________________
भगवती अङ्गसूत्रं ३/-/२/१७२
निग्गच्छइ, जेणेव सभा सुहम्मा जेणेव चोप्पाले पहरणकोसे तेणेव उवागच्छइ २ त्ता फलिहरयणं परामुसइ २ एगे अबीए फलिहरयणमायाए महया अमरिसं वहमाणे चमरचंचाए रायहाणीए मज्झमज्झेणं निग्गच्छइ २ जेणेव तिगिच्छकूडे उप्पायपव्वए तेणामेव उवागच्छइ २ ता वेव्वियसमुग्धाएणं समोहणइ २ त्ता संखेजाई जोयणाई जाव उत्तरवेउन्नियरूवं विउब्बइ २ त्ता ताए उक्किट्ठाए जाव जेणेव पुढविसिलापट्टए जेणेव मम अंतेइ तेणेव उवागच्छति २ मम तिक्खुत्तो आवाहिणं पयाहिणं करेति जाव नमंसित्ता एवं वयासी
१८४
इच्छामि णं भंते! तुब्भं नीसाए सक्कं देविंदं देवरायं सयमेव अच्चासादित्तएत्तिकड्ड उत्तरपुरच्छिमे दिसिभागे अवक्कमइ २ वेउव्वियसमुग्धाएणं समोहणइ २ जाव दोचंपि वेउव्वियसमुग्धाएं समोहणइ २ एगं महं घोरं घोरागारं भीमं भीमागारं भासुरं भयाणीयं गंभीरं उत्तासणयं कालडरतमासरासिसंकासं जोयणसयसाहस्सीयं महाबोदिविउव्वइ २ अप्फोडेइ २ वग्गइ २ गज्जइ २ हयहेसियं करेइ २ हत्थगुलगुलाइयं करेइ २ रहघणघणाइयं करेइ २ पायदद्दरगं करेइ २ भूमिचवेडयं दलयइ २ सीहनादं नदइ २ उच्छोलेइ २ पच्छोलेइ २ तिपई छिंदइ २ वामं भुयं ऊसवेइ २ दाहिणहत्थपदेसिणीए य अंगुट्टणहेण य वितिरिच्छमुहं विडंबेइ २ महया २ सद्देणं २ कलकलरवेणं करेइ
एगे अबीए फलिहरयणमायाए उड्डुं वेहासं उप्पइए, खोभंते चेव अहेलोयं कंपेमाणे च मेयनितलं आकट्टे (साकडं) तेव तिरियलोयं फोडेमाणेव अंबरतलं कत्थइ गज्जूंतो कत्थ विजुयायंते कत्थइ वासं वासमाणे कत्थइ रउग्धायं पकरेमाणे कत्थइ तमुक्कायं पकरेमाणे वाणमंतरदेवे वित्तासेमाणे जोइसिए देवे दुहा विभयभाणे २ आयरक्खे देवे विपलायमाणे २ फलिहरयणं अंबरतलंसि वियट्टमाणे २ विउज्झाएमाणे २ ताए उक्किट्ठाए जावे तिरियमसंखेज्जाणं दीवसमुद्दाणं मज्झं मज्झेणं वीयीवयमाणे २ जेणेव सोहम्मे कप्पे जेणेव सोहम्मवडेंसए विमाणे जेणेव सभा सुधम्माना तेणेव उवागच्छइ २ एगं पायं पउमवरवेइयाए करेइ एवं पायं सभाए सुहम्माए करेइ फलिहरयणेणं महया २ सद्देणं तिक्खुत्तो इंदकीलं आउडेइ २ एवं व्यासी
कहिणं भो ! सक्के देविंदे देवराया ? कहि णं ताओ चउरासीइ सामानियसाहस्सीओ ? जाव कहि णं ताओ चत्तारि चउरासीइओ आयरक्खदेवसाहस्सीओ ? कहि णं ताओ अनेगाओ अच्छराकोडीओ अज्ज हणामि अज्ज महेभि अज्ज वहेमि अज्ज ममं अवसाओ अच्छराओ वसमुवणसंतुत्तिकट्टु तं अनिट्टं अकंतं अप्पियं असु० अमणु० अमणा० फरुसं गिरं निसिरइ, तए णं से सक्के देविंदे देवराया तं अनिट्टं जाव अमणामं अस्सुयपुव्वं फरुसं गिरं सोचा निसम्म आसुरुते जाव मिसिमिसेमाणे तिवलियं भिउडिं निडाले साहड चमरं असुरिंदं असुररायं एवं वदासी-ह भो चमरा! असुरिंदा ! असुरराया ! अपत्थियपत्थया ! जाव हीणपुन्नचाउद्दसा अज्जं न भवसि नाहि ते सुहमत्थीत्तिकट्टु तत्थेव सीहासनवरगए वज्रं परामुसइ २ तं जलतं फुडंतं तडतडतं उक्कासहस्साई विनम्यमाणं जालासहस्साइं पहुंचमाणं इंगालसहस्साइं पविक्खिरमाणं २ फुलिंगजालामालासहस्सेहिं चक्खुविक्खेवदिट्ठिपडिधायं पकरेमाणं हुयवहअइरेगतेयदिप्पंतं जतिणवेगं फुल्लकिंसुयसमाणं महब्भयं भयंकरं चमरस्स असुरिंदरस असुररनो बहाए बज्रं निसिरइ ।
तते से चमरे असुरिंदें असुरराया तं जलतं जाव भयंकरं वज्रमभिमुहं आवयमाणं पासइ पासइत्ता झियाति पिहाइ झियायित्ता पिहाइत्ता तहेव संभग्गमउडविडए सालंबहत्थाभरमे
For Private & Personal Use Only
www.jainelibrary.org
Jain Education International
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |