________________
१८३
शतकं-३, वर्गः-, उद्देशकः-२ छद्रेणं अनिक्खित्तेणंतवोकम्मेणं संजमेणंतवसा अप्पाणंभावेमाणेपुव्वाणुपुट्विंचरमाणेगामाणुगामं दुइजमाणे जेणेव सुसमारपुरे नगरे जेणेव असोयवनसंडे उजाणे जेणेव असोयवरपायवे जेणेव पुढविसिलावट्टओ तेणेव उवागच्छामि २ असोगवरपायवस्स हेट्ठा पुढविसिलापट्टयंसि अट्ठमभत्तं परिगिण्हामि, दोवि पाए साहटुवग्धारियपाणी एगपोग्गलनिविट्ठदिट्ठी अनिमिसनयणे ईसिंपब्भारगएणं कारणं अहापनिहिएहिं गत्तेहिं सव्विं दिएहिं गुत्तेहिं एगाराइयं महापडिमं उवसंपञ्जित्ताणं विहरामि ।
तेणं कालेणं तेणं समएणं चमरचंचारायहाणी अनिंदा अपुरोहिया यावि होत्या, तएणं से पूरणे बालतवस्सी बहुपडिपुन्नाइंदुवालसवासाइंपरियागंपाउनित्तामासियाएसंलेहणाए अत्ताणं झूसेत्तासडिंभत्ताईअनसणाछेदेत्ता कालमासे कालं किच्चा चमरचंचाए रायहाणीए उववायसभाए जाव इंदत्ताए उववन्ने, तए णं से चमरे असुरिंदे असुरराया अहुणोववन्ने पंचविहाए पज्जत्तीए पजत्तिभावं गच्छइ, तंजहा-आहारपजत्तीए जाव भासमणपजत्तीए।
तए णं से चमरे असुरिंदे असुरराया पंचविहाए पज्जत्तीए पजत्तिभावं गए समाणे उड़े वीससाए ओहिणा आभोएइ जाव सोहम्मो कप्पो, पासइयतत्थ सक्कं देविंदं देवरायं मघवं पाकसासणं सयक्कतुं सहस्सक्खं वज्जपाणिं पुरंदरं जाव दस दिसाओ उजोवेमाणं पभासेमाणं सोहम्मे कप्पे सोहम्मवडेंसए विमाणे सकसि सीहासणंसि जाव दिव्वाई भोगभोगाई भुंजमाणं पासइ २ इमेयारूवे अज्झथिए चिंतिए पत्थिए मनोगए संकप्पे समुप्पज्जित्था-केसणं एस अपस्थियपत्थए दुरंतपंतलक्खणे हिरिसिरिपरिवजिए हीणपुग्नचाउद्दसे जन्नममंइमाए एयारूवाए दिव्वाए देविड्डीए जाव दिव्वे देवानुभावे लद्धे पत्ते अभिसमन्त्रागए उप्पिं अप्पुस्सुए दिव्वाई भोगभोगाइं भुंजमाणे विहरइ, एवं संपेहेइ २ सामानियपरिसोववन्नए देवे सद्दावेइ २ एवं वयासी
केसणंएस देवाणुप्पिया! अपत्थियपत्थएजावभुंजमाणे विहरइ?,तएणं ते सामानियपरिसोववन्नगा देवा चमरेणं असुरिदेणं असुररन्ना एवं वुत्ता समाणा हट्टतुट्ठा जाव हयहियया करयलपरिग्गहियं दसनहं सिरसावत्तं मत्यए अंजलिं कट्ट जएणं विजएणं वद्धावेति २ एवं वयासी-एसणंदेवाणुप्पिया! सक्के देविंदे देवरायाजावविहरइ,तएणंसे चमरे असुरिंदे असुरराया तेसिं सामानियपरिसोववन्नगाणंदेवाणंअंतिएएयमटुं सोचा निसम्म आसुरुत्ते रुटे कुविए चंडिक्किए मिसिमिसेमाणे ते सामानियपरिसोववत्रए देवे एवं बयासी
अन्ने खलु भो! से सक्के देविंदे देवराया अन्ने खलु भो! से चमरे असुरिंदे असुरराया, महिडीए खलु ते सके देविंदे देवराया, अप्पड्डिए खलु भो! से चमरे असुरिंदे असुरराया, तंइच्छामिणं देवाणुप्पिया! सकं देविंदं देवरायंसयमेव अच्चासादेत्तएत्तिकटु उसिणे उसिणभूएयाविहोत्था, तएणं से चमरे असुरिदे असुरराया ओहिं पउंजइ २ ममंओहिणा आभोएइ २ इमेयारूवे अज्झथिए जाव समुप्पज्जित्था-एवं खलु समणे भगवं महावीरे जंबूद्दीवै २ भारहे वासे सुसमारपुरे नगरे असोगवनसंडे उजाणे असोगवरपायवस्स अहे पुढविसिलावट्टयंसि अट्ठमभत्तं पडिगिहित्ता एगराइयं महापडिमं उवसंपज्जित्ताणं विहरति।। . तंसेयंखलुमेसमणंभगवंमहावीरं नीसाएसकंदेविंदंदेवरायंसयमेव अचासादेत्तएत्तिकटु वं संपेहेइ २ सयनिजाओ अब्भुढेइ २ ता देवदूसंपरिहेइ २ उववायसभाए पुरच्छिमिल्लेणं दारेणं
Jain Education International
For Private & Personal Use Only
www.jainelibrary.org