Page Text
________________
शतकं - ३, वर्ग:-, उद्देशक:- 9
१६७
गमो भानियव्यो जाव अग्गमहिसीओ, सच्चे णं एसमट्टे, सेव भंते २ तच्चे गोयमे ! वायुभूती अनगारे समणं भगवं महावीरं वंदइ नमंसइ २ जेणेव दोघे गोयमे अग्गिभूती अनगारे तेणेव उवागच्छइ २ दोघं गो० अग्गिभूतिं अनगारं वंदइ नम॑सति २ एयमहं सम्मं विनएणं भूजो २ खामेति ।
वृ. 'अट्ठवागरणं' ति अपृष्टे सति प्रतिपादनं ।
मू. (१५५) तए णं से तचे गोयमे वाउभूति अनगारे दोघेणं गोयमेणं अग्गिभूतीनामेणं अनगारेणं सद्धिं जेणेव समणे भगवं महावीरे जाव पज्जुवासमाणे एवं वयासि-जति णं भंते ! चमरे असुरिंदे असुराया एवंमहिड्डीए जाव एवतियं च णंपभू विकुव्वित्ते बली णं भंते! चइरोयणिंदे वइरोयणराया केमहिड्डीए जाव केवइयं च णं पभू विकुव्वित्तए ?
गोयमा ! बली णं वइरोयणिंदे वइरोयणराया महिड्डीए जाव महानुभागं, से णं तत्थ तीसाए भवणावाससयसहस्साणं सट्टीए सामानियसाहस्सीणं सेसं जहा चमरस्स तहा बलियस्सवि नेयव्वं, नवरं सातिरेगं केवलकप्पं जंबूद्दीवंति भानियव्वं, सेसं तं चैव निरवसेसं नेयव्वं, नवरं नाणत्तं जानियव्वं भवणेहिं सामानिएहिं, सेवं भंते २ त्ति तच्चे गोयमे वायुभूति जाव विहरति ।
भंते त्ति भगवं दोच्चे गोयमे अग्गिभूतीअनगारे समणं भगवं महावीरं वंदइ २ एवं वदासीजइणं भंते! बली वइरोयणिंदे वइरोयणराया एमहिड्डीए जाव एवइयं च णं पभू विकुव्वित्तए धरणे णं भंते! नागकुमारिंदै नागकुमारराया केमहिड्डीए जाव केवतियं च णं पभू विकुव्वित्तए गोयमा ! धरणेणं नागकुमारिंदै नागकुमारराया एमहिड्डीए जाव से णं तत्थ चोयालीसाए भवणावाससयसहस्साणं छण्हं सामानियसाहस्सीणं तायत्तीसाए तायत्तीसगाणं चउण्हं लोगपालाणं छण्हं अग्गमहिसीणं सपरिवाराणं तिण्हं परिसाणं सत्तण्हं अनियाणं सत्तण्हं अनियाहिवईणं चउवीसाए आयरक्खदेवसाहस्सीणं अन्नेसिं च जाव विहरइ, एवतियं च णं पभू विउव्वित्तए से जहानामए-जुवतिं जुवाणे जाव पभू केवलकप्पं जंबूद्दीवं २ जाव तिरियं संखेजे दीवसमुद्दे बहूहिं नागकुमारीहिं जाव विउव्विस्संति वा ।
सामानिया तायत्तीसलोगपालग्ग महिसीओ य तहेव जहा चमरस्स, एवं धरणे णं नागकुमारराया महिड्डिए जाव एवतियं जहा चमरे तहा धरणेवि, नवरं संखेज्जे दीवसमुद्दे भानियव्वं, एवं जाव धनियकुमारा वाणमंतरा जोइसियावि, नवरं दाहिनिल्ले सव्वे अग्गिभूती पुच्छति, उत्तरिल्ले सव्वे वाउभूति पुच्छइ, भंतेत्ति भगवं दोच्चे गोयमे अग्गिभूती अनगारे समणं भगवं म० वंदति नम॑सति २ एवं वयासी-जति णं भंते! जोइसिंदे जोतिसराया एवंमहिड्डीए जाव एवतियं चणं पभू विकुव्वित्तए सक्के णं भंते! देविंदे देवराया केमहिड्डीए जाव केवतियं च णं पभू विउव्वित्तए
गोयमा ! सक्के णं देविंदे देवराया महिहीए जाव महानुभागे, से णं तत्थ बत्तीसाए विमाणावाससयसहस्साणंचउरासीए सामानियसाहस्सीणं जाव चउण्हं चउरासीणं आयरक्ख (देव) साहस्सीणं अन्नेसिं च जाव विहरइ, एवंमहिड्डीए जाब एवतियं च णं पभू विकुव्वित्तए, एवं जहेव चमरस्स तहेव भानियव्यं, नवरं दो केवलकप्पे जंबूद्दीवे २ अवसेसं तं चेव, एस णं गोयमा ! सक्कस्स देविदस्स देवरन्नो इमेयारूवे विसए विंसयमेत्ते णं बुइए नो चेव णं संपत्तीए विउव्विंसु वा विउव्वति वा विउव्विरसति वा ।
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |