Page Text
________________
१६६
भगवती अङ्गसूत्रं ३/-/१/१५३
समोहणति २ पभू णं गोयमा ! चमरस्स असुरिंदस्स असुररन्नो एगमेगे सामानिए देवे केवलकप्पं जंबूद्दीवं २ बहूहिं असुरकुमारेहिं देवेहिं देवीहि य आइनं वितिकिन्नं उवत्थडं संथडं फुडं अवगाढावगाढं करेत्तए ।
अदुत्तरं चणं गोयमा ! पभू चमरस्स असुरिंदस्स असुररन्नो एगमेगे सामानियदेवे तिरियमसंखेजे दीवसमुद्दे बहूहिं असुरकुमारेहिं देवेहिं देवीहि य आइन्ने वितिकिन्ने उवत्थडे संथडे फुडे अवगाढावगाढे करेत्तए, एसणंगोयमा ! चमरस्स असुरिंदरस असुररन्नो एगमेगस्स सामानियदेवस्स अयमेयारूवे विसर विसयमेत्ते बहुए नो चेव णं संपत्तीए विकुव्विसु वा विकुव्वति वा विकुव्विस्संति वा । जति णं भंते ! चमरस्स असुरिंदस्स असुरन्नो सामानिया देवा एवंमहिड्डिया जाव एवतियं च णं पभू विकुव्वित्तए चमरस्स णं भंते! असुरिंदस्स असुररनो तायत्तीसिया देवा केमहिड्डीया ? तायत्तीसिया देवा जहा सामानिया तहा नेयव्वा, लोयपाला तहेव, नवरं संखेज्जा दीवसमुद्दा भानियव्वा बहूहिं असुरकुमारेहिं २ आइने जाव विउव्विस्संति वा । जति णं भंते ! चमरस्स असुरिंदस्स असुररन्नो लोगपाला देवा एवंमहिड्डीया जाव एवतियं च णं पभू विउब्वित्तए ।
चमरस्स णं भंते! असुरिंदरस असुरन्नो अग्गमहिसीओ देवीओ केमहिड्डीयाओ जाव केवतियं च णं पभू विकुव्वित्तए ?, गोयमा ! चमरस्स णं असुरिंदस्स असुररनो अग्गमहिसीओ महिड्डियाओ जाव महानुभागाओ, ताओ णं तत्थ साणं २ भवणाणं साणं २ सामानियसाहस्सीणं साणं २ महत्तरियाणं साणं २ परिसाणं जाव एमहिड्डियाओ अन्नं जहा लोगपालाणं अपरिसेसं । सेवं भंते ! २त्ति ।
वृ. 'नवरं संखेजा दीवसमुद्द' त्ति लोकपालादीनां सामानिकेभ्योऽल्पतरर्द्धिकत्वेनाल्पतरत्वाद्वैक्रियकरणलब्धेरिति ।
मू. (१५४) भगवं दोच्चे गोयमे समणं भगवं महावीरं बंदइ नमसइ २ जेणेव तच्चे गोयमे वायुभूतिअनगारे तेणेव उवागच्छति २ त गोयमं वायुभूतिं अनगारं एवं वदासि एवं खलु गोयमा ! चमरे असुरिदे असुरराया एवंमहिड्डीए तं चैव एवं सव्वं अपुट्ठवागरणं नेयव्वं अपरिसेसियं जाव अग्गमहिसीणं वत्तव्वया समत्ता ।
तणं सेतो गोयमे वायुभूती अनगारे दोस्स गोयमस्स अग्गिभूइस्स अनगारस्स एवमाइक्खमाणस्स भा०प० परू० एयमहं नो सद्दहइ नो पत्तियइ नो रोयइ एयमठ्ठे असद्दहमाणे अपत्तियमाणे अरोएमाणे उट्टाए उट्ठेइ २ जेणेव समणे भगवं महावीरे तेणेव उवागच्छि जाव पज्जुवासमाणे एवं वयासी एवं खलु भंते! दोचे गोयमे अग्निभूति अनगारे मम एवमातिक्खइ भासइ पन्नवेइ परूवेइ एवं खलु गोयमा ! चमरे असुरिंदे असुरराया महिड्डीए जाव महानुभावे से णं तत्थ चोत्तीसाए भवणावाससयसहस्साणं एवं तं चैव सव्वं अपरिसेसं भानियव्वं जाव अग्गमहिसीणं वत्तव्वया समत्ता, से कहमेयं भंते ! ?
-एवं गोयमादि समणे भगवं महावीरे तच्चं गोयमं वाउभूतिं अनगारं एवं वदासि जन्नं गोयमा ! दोघे गो० अग्गिभूइ अनगारे तव एवमातिक्खइ ४- एवं खलु गोयमा ! चमरे ३ महिड्डिए एवं तं चैव सव्वं जाव अग्गमहिसीणं वत्तव्वया समत्ता, सच्चे णं एसमट्टे, अहंपि णं गोयमा ! एवमातिक्खामि भा० प० परू०, एवं खलु गोयमा ! चमरे ३ जाव महिड्डिए सो चेव बितिओ
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |