Page Text
________________
शतकं-२, वर्गः-, उद्देशकः-५
१४९ 'सच्चे ण मित्यादि सत्योऽयमर्थः, कस्मात् ? इत्याह-'नो चेव ण'मित्यादि नैवात्मभाववक्तव्यतयाऽयमर्थः, आत्मभाव एव-स्वाभिप्राय एवन वस्तुतत्त्वंवक्तव्यो-वच्योऽभिमानाघेषां ते आत्मभाववक्तव्यास्तेषां भाव-आत्मभाववक्तव्यता-अहंमानिता तया, न वयमहंमानितयैवं ब्रूमः अपि तु परमार्थ एवायमेवंविध इति भावना ।।
मू. (१३४) तेणं कालेणं २ रायगिहे नामं नगरे जाव परिसा पडिगया, तेणं कालेणं २ समणस्स भगवओ महावीरस्स जेढे अंतेवासी इंदभूतीनाम अनगारे जाव संखित्तविउलतेयलेस्से छट्टछटेणं अनिक्खित्तेणं तवोकम्मेणं संजमेणं तवसा अप्पाणं भावेमाणे जाव विहरति ।
तए णं से भगवं गोयमे छट्टक्खमणपारणगंसि पढमाणे पोरिसीए सज्झायं करेइ बीयाए पोरिसीए झाणं झियायइ तइयाए पोरिसीए अतुरियमचवलमसंभंते मुहपोत्तियं पडिलेहेइ २ भायणाई वत्थाई पडिलेहेइ २ भायणाई पमजइ २ भायणाई उग्गाहेइ २ जेणेव समणे भगवं महावीरे तेणेव उवागच्छइ २ समणं भगवं महावीरं वंदइ नमसइ २ एवं वदासी-इच्छामि गंभंते तुब्भेहिं अब्भणुनाएछट्ठक्खमणपारणगंसि रायगिहे नगरे उच्चनीयमज्झिमाइंकुलाइंघरसमुदानस्स भिक्खायरियाए अडित्तए, अहासुहं देवाणुप्पिया ! मा पडिबंध।
तएणं भगवंगोयमे समणेणं भगवया महावीरेणं अब्भणुनाए समाणे समणस्स भगवओ महावीरस्स अंतियाओ गुणसिलाओ चेइयाओ पडिनिक्खमइ २ अतुरियमचवलमसंभंते जुगंतरपलोयणाए दिट्ठीए पुरओ रियं सोहेमाणे २ जेणेव रायगिहे नगरे तेणेव उवागच्छइ २ रायगिहे नगरे उच्चनीयमज्झिमाइंकुलाइंघरसमुदानस्स भिक्खायरियं अडइ ।
तए णं से भगवं गोयमे रायगिहे न० जाव अडमाणे बहुजणसई निसामेइ-एवं खलु देवाणुप्पिया! तुङ्गियाए नगरीए बहिया पुप्फवतीएचेएइपासावच्चिज्जाथेराभगवंतोसमणोवासएहिं इमाइंएयारूवाइं वागरणाइंयुच्छिया-संजमेणं भंते! किंफले? तवेणं भंते! किंफले?, तएणं ते थेरा भगवंतो ते समणोवासए एवं वदासी-संजमे णं अओ ! अणण्हफले तवे वोदाणफले तं चेव जाव पुवतवेणं पुव्वसंजमेणं कम्मियाए संगियाए अजो! देवा देवलोएसु उववजंति, सच्चे णं एसमढे नो चेवणं आयभाववत्तव्ययाए ।
सेकहमेयं मन्ने एवं?, तएणं समणे० गोयमे इमीसे कहाए लद्धटे समाणे जायसड्ढे जाव समुप्पन्नकोउहल्ले अहापजत्तं समुदानं गेण्हइ २ रायगिहाओ नगराओ पडिनिक्खमइ २ अतुरियं जाव सोहेमाणे जेणेव गुणसिलए चेइए जेणेच समणे भगवं महावीरे तेणेव उवा० सम० भ० महावीरस्सअदूरसामंते गमणागमणाए पडिक्कमइ एसणमणेसणं आलोएइ २ भत्तपाणं पडिदंसेइ २ समणं भ० महावीरं जाव एवं वयासी-एवं खलु भंते ! अहं तुभेहिं अब्भणुण्णाए समाणे रायगिहे नगरे उच्चनीयमज्झिमाणि कुलाणि घरसमुदाणस्स भिक्खायरियाए अडमाणे बहुजणसदं निसामेमि ।। एवं खलु देवा० तुंगियाए नगरीए बहिया पुप्फवईए चेइए पासावच्चिजा थेरा भगवंतो समणोवासएहिं इमाइं एयारूवाइं वागरणाइं पुच्छिया-संजमेणं भंते ! किंफले? तवे किंफले ? तंचेव जाव सच्चे णं एसमढे नो चेवणं आयभाववत्तव्वयाए, तं पभूणं भंते ! ते थेरा भगवंतो तेसिं समणोवासयाणं इमाइंएयारूवाइं वागरणाइं वागरित्तए उदाहु अप्पभू?
समिया णं भंते ! ते थेरा भगवंतो तेसिं समणोवासयाणं इमाइं एयारूवाई वागरणाई
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |