________________
२४३
अध्ययन-३५, [ नि. ५५१] मू.(१४४६) तहेव हिंसं अलियं, चोज्ज अब्बभसेवणं।
इच्छकामं च लोभं च, संजओ परिवज्जए । मू. (१४४७) मनोहरं चित्तधरं, मल्लधूवनवासियं ।
सकवाडं पंडरुल्लोयं, मनसावि न पत्थए । मू. (१४४८) इंदियाणि उ भिक्खुस्स, तारिसंमि उवस्सए।
दुक्कराइं [तु धारेउं] निवारेउं, कामरागविवड्ढणे ।। मू.(१४४९) सुसाणे सुन्नगारे वा, रुक्खमूले व इक्कओ।
पइरिके परकडे वा, वासं तत्थऽभिरोयए। मू.(१४५०) फासुयंमि अनाबाहे, इत्थीहिं अनभिद्दए।
तत्थ संकप्पए वासं, भिक्खू परमसंजए। मू.(१४५१) न सयं गिहाइंकुचिज्जा, नेव अन्नेहिं कारए।
गिहकम्मसमारंभे, भूयाणं दिस्सए वहो। मू.(१४५२) तसाणं थावराणं च, सुहुमाणं बायराण य ।
तम्हा गिहसमारंभं, संजओ परिवज्जए। मू.(१४५३) तहेव भत्तपानेसु, पयणे पयावणेसु य।
पाणभूयदयट्ठाए, न पए न पयावए। मू.(१४५४) जलधन्ननिस्सिया जीवा, पुढवीकट्ठनिस्सिया।
हम्मति भत्तपानेसु, तम्हा भिक्खू न पयावए। मू.(१४५५) विसप्पे सव्वओ धारे, बहुपाणविनासणे।
नत्थि जोइसमे सत्थे, तम्हा जोई न दीवए। मू.(१४५६) हिरन्नं च जायरूवं च, मनसावि न पत्थए।
समलिट्टकंचणं भिक्खू, विरए कयविक्कए। मू.(१४५७) किणंतो कइओ होइ, विक्किणंतो अवाणिओ।
कयविक्कयमि वलुतो, भिक्खू हवइ तारिसो॥ मू. (१४५८) भिक्खियव्वं न केयव्वं, भिक्खुणा भिक्खवित्तिणा।
कयविक्कओ महादोसो, भिक्खवित्ती सुहावहा ।। मू. (१४५९) समुयाणं उंछमेसिज्जा, जहासुत्तमणिदियं।
लाभालाभंमि संतठे, पिंडवायं मनी॥ मू. (१४६०) अलोलो न रसे गिद्धो, जिब्भादंतो अमुच्छिओ।
न रसट्ठाए भुंजिज्जा, जवणट्ठाए महामुनी। मू.(१४६१) अच्चणं रयणं चेव, वंदनं पूअणं तहा।
इड्डीसक्कारसम्माणं, मनसावि न पत्थए। मू.(१४६२) सुक्कं झाणं झियाइज्जा, अनियाणे अकिंचणे।
वोसट्टकाए विहरिज्जा, जाव कालस्स पज्जओ।
Jain Education International
For Private & Personal Use Only
www.jainelibrary.org
