Page Text
________________
१४०
उत्तराध्ययन- मूलसूत्रम् - १-३ / ९६ एवं प्रज्ञाप्यमानोऽपि असद्दहंतो असब्भावभावणाए अप्पाणं परं उभयं च वुग्गाहेति, साहुणो पन्नवेति परंपरेण सुयं आयरिएहि, वारिओ, जाहे न ट्ठाइ ताहे उग्घाडितो, सो हिंडतो रायगिहं गतो, महातवोतीरप्पभे पासवणे, तत्थ मणिनागो नाम नागो, तस्स चेइए ठाइ सो, तत्थ य परिसामज्झे कहेति - जहा एवं खलु जीवा एगसमएण दो किरिया वेएंति, ताहे तेन नागेन तीसे चेव परिसाए मज्झे भणितो-मा एयं पन्नवणं पन्नवेहि, न एसा पत्रवणा सुट्टु दुट्टुसेहा !, अहं एच्चिरं कालं वद्धमानसामिस्स मूले सुणामि जहा एगा किरिया वेदिज्जइ, तुमं विसिट्ठतरातो जातो?, ता छड्ड एयं वायं, मा ते दोसेण सेहामि, एयं ते न सुंदरं, भगवया एत्थ चेव समोसरिएण वागरियं, एवं सो पन्नवितो अब्भुगवतो, उवट्ठिओ भणति-मिच्छामि दुक्कडं ॥ यथा षडुलूकात् त्रैराशिकाना - मुत्पत्तिस्तथाऽऽह
नि. [ १७२ ]
पुरिमंतरंजि भुयगुह बलसिरि सिरिगुत्त रोहगुत्ते य । परिवाय पुट्टसाले घोसण पडिसेहणा वाए ।
वृ. स्पष्टा ।। सम्प्रदायस्त्वयम् - पंचसया चोयाला सिद्धिं गतस्स वीरस्स तो तेरासियदिट्ठी उप्पन्ना, अंतरंजिया नाम नयरी, तत्थ भूयगुहं नामं चेइयं, तत्थ सिरिगुत्ता नाम आयरिया ठिया, तत्थ बलसिरीनाम राया, तेसिं पुण सिरिगुत्ताणं थेराणं सेहो य रोहगुत्तो नाम, सो पुन अन्नगामे ठियल्लतो, पच्छा तत्तो एति । तत्थ य एगो परिव्वायगो पोट्टं लोहपट्टेण बंधेऊण जंबुसाहं च गहाय हिंडति, पुच्छिओ भणति - नानेणं पोट्टं फुट्टति, तो लोहपट्टेण बद्धं, जंबूसाला य जहा एत्थं जंबूद्वीवे नत्थि मम पडिवादी, ताहे तेन पडहतो नीणावितो, जहा सुन्ना परप्यवाया, तस्स य लोगेणं पोट्टसालो नामं कयं, पच्छा तेन रोहगुत्तेण वारियं मा वाएह पडहयं, अहं सेवा देमि, एवं सो डिसोहित्ता गतो आयरियाणं आलोएति, एवं मे पडहगो खोभितो, आयरिया भणंति-दुट्टु कयं, सो विज्जा-बलिओ वाएअ पराजिओऽवि विज्जाहिं उट्ठेति, आह चनि. [१७३] विच्छु सप्पे मूसग मिगी वराही य कागि पोयाई ।
याहिं विज्जाहिं सो उ परिव्वायगो कुसलो ॥
वृ. सुगमा । सो भइ - किं सक्का एत्ताहे निलोक्किउं ?, ताहे तस्स आयरिया इमातो विज्जातो सिद्धिल्लियातो दिति तस्स पडिवक्खा
नि. [ १७४ ] मोरिय नउलि बिराली वग्घी सीही य उलुगि ओवाइ ।
याओ विज्जाओ गिण्ह परिव्वायमहणीओ ॥
वृ. सगुमा ॥ रयहरणं च से अभिमंतिऊण दिन्नं, जइ अन्नंपि उट्ठेति ततो रयहरणं भमाडेज्जाहि, अजज्जो होहिसि, इंदेणऽवि न सक्का जेउं, तो एयातो विज्जातो गहाय गतो सभं, भाणियं चनेनं - एस किं जाणति ?, एयस्सेव पुव्वपक्खो होउ, परिवायतो चिंतेति--एए निउणा, अतो एयाण चैव सिद्धंतं गेहामि, जहा मम दो रासी- जीवरासी अजीवरासी य, ताहे इयरणे तिन्नि रासी कया, सो जाणइ - जहा एएण मम सिद्धंतो गहितो, तेन तस्स बुद्धिं परिभूय तिन्नि रासी ठविया - जीवा अजीवा नोजीवा य, जीवा-संसारत्थाई अजीवा-घडाई नोजीवा- घरकोलियाच्छिन्नपुच्छाई, दिट्टंतो दंडो, जहा दंडस्स आदि मज्झो अग्गं च, एवं सव्वभावावि तिविहा, एवं सो तेन निप्पिठ्ठपसिणवागरणो कतो, ताहे सो परिवायगो रुट्ठो विच्छुए मुयति, ताहे पडिमल्ले
Jain Education International
For Private & Personal Use Only
www.jainelibrary.org
| SR No. | 003332 |
| Book Title | Agam Suttani Satikam Part 28 Uttaradhyayanaani |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 388 |
| Language | Prakrit, Sanskrit |
| Classification | Book_Devnagari, Agam, Canon, & agam_uttaradhyayan |
| File Size | 19 MB |