Page Text
________________
अध्ययनं-४- [नि. १२८४]
१७९ भत्तं वारियं, पाणियं न देइ, ताहे चेल्लणा कहवि कुम्मासे वाले हिं बंधित्ता सयाउंच सुरं पवेसेइ, सा किर धोवइ सयवारे सुरा पाणियं सव्वं होइ । अन्नया तस्स पउमावईए देवीए पुत्तो उदायितकुमारो जेमंतस्स उच्छंगे ठिओ, सोथाले मुत्तेति, नचालेइमा दूमिज्जिहित्ति (जत्तिए) मुत्तियं तत्तियं कूरं अवनेइ, मायंभणति-अम्मो! अन्नस्सवि कस्सविपुत्तो एप्पिओ अत्थि?, मायाएसोभणिओदुरात्मन् तव अंगुली किमिए वमंती पिया मुहे काऊण अच्छियाइओ, इयरहा तुमं रोवंतो अच्छियाइओ, ताहे चित्तंमउयंजायं, भणइ-किह?, तोखाइ पुणमम गुलमोयए पेसेइ?,देवी भणइ-मएते कया, जंतुमं सदा पिइवेरिओ उदरे आरद्धोत्ति सव्वं कहेइ, तहावि तुज्झ पिया न विरज्जइ, सो तुमे पिया एवं वसनं पाविओ, तस्स अरती जाया, सुणेतओ चेव उट्ठाय लोहदंडं गहाय नियलणि भंजामित्ति पहाविओ, रक्खवालगा नेहेणं भणंति-एस सो पावो लोहदंडं गहाय एइत्ति, सेणिएण चिंतियं-न नजइ कुमारेण मारेहितित्ति तालउडं विसं खइयं जाव एइ ताव मओ, सुट्टयरं अधिती जाया ताहे डहिऊणघरमागओरजधुरामुक्कतत्तीओतंचेव चिंतंतोअच्छइ, कुमारामच्चेहिं चिंतियं-नट्ठरज्जं होइत्ति तंबिए सासणे लिहिता अक्खराणि जुन्नं काऊण राइणो उवनीयं, एवं पिउणो कीरइ पिंडदाणादी, नित्थारिजइ, तप्पभिति पिंडनिवेयणा पवत्ता, एवं कालेण विसोगो जाओ, पुणरवि सयणपरिभोए य पियसंतिए दळूण अद्धिती होद्दित्ति तओ निग्गओ चंपारायहाणी करेइ, ते हल्लविहल्ला सेयणएण गंधहत्थिणा समं सभवणेसु य उज्जानेसु य पुक्खरिणीएसु अभिरमंति, सोवि हत्थी अंतेउरियाए अभिरमावेइ, ते य पउमावई पेच्छइ, नयरमज्झेण य ते हल्लविहल्ला हारेण कुंडलेहि य देवदुसेण विभूसिया हत्थिखंधवरगया दटूण अद्धितिं पगया कोणियं विन्नवेइ, सो नेच्छइ पिउणा दिन्नंति, ___ एवंबहुसो २ भणंतीए चित्तं उप्पन्नं, अन्नया हल्लविहल्ले भणइ-रज्जं अलु अद्धणबिर्गिचामोसेयणगं मम देह, तेहिमा सुरक्खं चिंतियं देमोत्तिभणंतिगया सभवणं,एक्काएस्तीएसअंतेउरपरिवारा वेसालिं अज्जमूलं गया, कोणियस्स कहियं-नट्ठाकुमारा, तेन चिंतियं-तेवि न जाया हत्थीविनत्थि, चेडयस्स दुयं पेसइ, अमरिसिओ, जइगया कुमारा गया नाम, हत्थिं पेसेह, चेडगोभणइ-जहा तुममम नत्तुओ तहा एएवि, कह इयाणिं सरणागयाण हरामि, न देमित्ति दूओ पडिगओ, कहियं च, पुणोवि दुयं पठ्ठवेइ-देह, नदेहतोजुझसज्जा होह एमित्ति, भणइ-जहा तेरुच्चइ,ताहे कोणिएणकालाइया कुमारा दसवि आवाहिया, तत्थेक्कक्कस्स तिन्नि २ हत्थिसहस्सा तिन्नि २ आससहस्सा तिन्नि २ रहसहस्सा तिन्नि २ मनुस्सकोडिओ कोणियस्सवि एत्तियं सव्वाणिवि तित्तीसं ३३, तं सोऊण चेडएण अट्ठारसगणरायाणो मेलिया, एवं तेचेडएणसमंएगूणवीसंरायाणो, तेसिपितिन्नि २ हत्थिसहस्साणि तह चेव नवरं सव्वं संखेवेण सत्तावन्नं, ताहे जुद्धं संपलग्गं, कोणियस्स कालो दंडणायगो, दो वूहा काया,कोणियस्स गरुडवूहोचेडगस्ससागरवूहो, सो जुझंतो कालो ताव गओजावचेडगो, चेडएण य एगस्स य सरस्स अभिग्गहो कओ, सो य अमोहो, तेन सो कालो मारिओ, भग्गं कोणियवलं, पडिनियत्तासए २ आवासे गया, __ एवं दसहि दिवसेहिं दसवि मारिया चेडएण कालादीया, एक्कारसमे दिवसे कोणिओ अट्ठमभत्तं गिण्हइ, सक्कचमरा आगया, सक्को भणइ-चेडगोसावगोत्ति अहं न पहरामि नवरं सारक्खामि, एत्थ दो संगामा महासिलाकंडओ रहमुसलो भाणियव्वो जहा पन्नत्तीए, ते किर चमरेण चिउव्विया, ताहे चेडगस्स सरोवइरपडिरुवगे अप्फिडिओ, गणरायाणो नट्ठा सणयरेसुगया, चेडगोवि वेसालिंगओ,
Jain Education International
For Private & Personal Use Only
www.jainelibrary.org
| SR No. | 003329 |
| Book Title | Agam Suttani Satikam Part 25 Aavashyaka |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 356 |
| Language | Prakrit, Sanskrit |
| Classification | Book_Devnagari, Agam, Canon, & agam_aavashyak |
| File Size | 19 MB |