Page Text
________________
१८०
आवश्यक- मूलसूत्रम् - २ - ४ / २६ रोह सज्जो ठिओ, एवं बारस वरिसा जाया रोहिज्जंतस्स, एत्थ य रोहए हल्लविहल्ला सेयणएण निग्गया बलं मारेंति दिवे दिवे, कोणिओवि परिखिज्जइ हत्थिणा, चिंतेइ को उवाओ जेण मारिजेज्जा ?, कुमारामच्चा भणति - जइ नवरं हत्थी मारिज्जइ, अमरिसिओ भणइ मारिज्जउ, ताहे इंगालखड्डा कया, ताहे सेयणओ ओहिणा पेच्छइ न वोलेइ खड्डु, कुमारा भणंति-तुज्झ निमित्तं इमं आवई पत्ता तोवि निच्छसि ?, ताहे से यणएण खंधाओ ओयारिया, सो य ताए खड्डाए पडिओ मओ रयणप्पहाए नेरइओ उववन्नो, तेवि कुमारा सामिस्स सीसत्ति वोसिरंति देवयाए साहरिया जत्थ भयवं तित्थयरो विहरइ, तहिव नयरी न पडइ, कोणियस्स चिंता, ताहे कूलवालगस्स रुठ्ठा देवया आगासे भणइ
'समणे जइ कूलवालए मागहियं गणियं लगेहिती । लाया य असोगचंद, वेसालिं नगरं गहिस्सइ ।।
सुणेंतओ चेव चंपं गओ कूलवालयं पुच्छइ, कहियं, मागाहिया सदाविया विडसाविया जाया, पहाविया का तीसे उप्पत्ती जहा नमोक्कारे पारिणासियबुद्धीए थूमेत्ति'सिद्धसिलायलगमणं खुड्डुगसिललोट्टणा य विक्खंभो । सावो मिच्छावाइत्ति निग्गओ कूलवालतवो ।। तावसपल्ली नइवारणं च कोहे य कोणिए कहणं । मागहिगमनं वंदन मोदगअइसार आननया ।। पडिचरणोभासणया कोणियगणियत्ति गमननिग्गमनं । सालि जहा घेप्पइ उदिक्ख जओ गवेसामि || वेसालिगमण मग्गण साईकारावणे य आउट्टा । थूम नरिंदनिवारण इट्टगनिक्कालणविनासो || पडियागमने रोहण गद्दभहलवाहणापइन्नाय । चेडगनिग्गम वहपरिणओ य माया उवालद्धो ।।
कोणिओ भइ चेडग ? किं करेमि ?, जाव पुक्खरिणीओ उठ्ठेमि ताव मा नगरी अतीहि, तेन पडिवन्नं, चेडगो सव्वलोहियं पडिमं गलए बंधिऊण उइन्नो, धरणेण सभवणं नीओ कालगओ देवलोगं गओ, वेसालिजनो सव्वो महेसरेण नीलवंतंमि साहरिओ । को महेसरोत्ति ?, तस्सेव चेडगस्स धूया सुट्ठा वेगा पव्वइया, सा उवस्सयस्संतो आयावेइ, इओ य पेढालगो नाम परिव्वायओ विज्जासिद्धो विज्जाउ दाउकामो पुरिसं मग्गइ, जइ बंभचारिणीए पुत्तो होज्जा तो समत्थो होज्जा, तं आयावेंतीं दडूणं धूमिगावामोहं काऊण विज्जाविवज्जासो तत्थ सेरितु काले जाए गब्भे अतिसयणाणीहिं कहियं न या कामविकारो जाओ, सङ्घयकुले वड्डाविओ, समोसरणं गओ साहुणीहिं सह, तत्थ य कालसंदीवो वंदित्ता सामिं पुच्छइकओ मे भयं ?, सामिणा भणियं - एयाओ सच्चतीओ, ताहे तस्स मूलं गओ, • अवन्नाए भणइ- अरे तुमं मरी मारेहिसित्ति पाएसु बला पाडिओ, संवडिओ, परिव्वायगेण तेन संजतीणं हिओ, विज्जाओ सिक्खाविओ, महारोहिणिं च साहेइ, इमं सत्तमं भवं, पंचसु मारिओ, छड्ढे छम्मासावसेसाउएण नेच्छिया, अह साहेत्तुमाराद्धो अनाहमडए चितियं काऊण उज्जालेत्ता अल्लचंमं वियडित्ता वामेण अंगुट्ठएण ताव चंकमइ जाव कठ्ठाणि जलंति, एत्थंतरे कालसंदीवो आगओ कठ्ठाणि छुम्भइ, सत्तरते गए देवया सयं उवट्ठिया-मा विग्धं करेहि, अहं एयस्स सिज्झिउकामा, सिद्धा भणइ
Jain Education International
For Private & Personal Use Only
www.jainelibrary.org
| SR No. | 003329 |
| Book Title | Agam Suttani Satikam Part 25 Aavashyaka |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 356 |
| Language | Prakrit, Sanskrit |
| Classification | Book_Devnagari, Agam, Canon, & agam_aavashyak |
| File Size | 19 MB |