Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 426

उद्देशक : २०, मूलं - १३८७, [भा. ६५९८]
४२३
चू- आलवणपदातो जाव संघाडपदं एते अतिचरतस्स परिहारियस्स मासगुरुं, अह भत्तं देति संभुंजति वा तो दोसु विचउगुरुगा भवंति । कप्पट्ठितो सो इमं करेति[भा. ६५९९] कितिकम्मं तु पडिच्छति, परिण्णपडिपुच्छणं पि से देति । सो वि य गुरुमुवचिट्ठति, उदंतमवि पुच्छितो कहए ।
चू-कितिकम्मं ति वंदनं तं जति परिहारितो देति तो गुरू पडिच्छति, आलोयणं पि पडिच्छति, परिण्ण त्ति-पच्चूसे अवरण्हे वा पञ्चक्खाणं से करेति, सुत्तत्थे पडिपुच्छं देति । “सो वि य” त्तिपरिहारितो "गुरु" आयरिया ते अब्भुट्ठानिदिविनएण “उवचिट्ठति" - विनयं करोतीत्यर्थः । "उदतं" - सरीर वट्टमाणी वत्ता तं गुरुणा पुछितो कहेति । एवं ठवियाए “दोसु ठविएसु" त्ति - कप्पट्ठितै अनुपरिहारिए य । सो परिहारिओ कया इ भीतो होज “कहमहं आलावणादीहिं गच्छवजितो गागी इमं उग्गतवं काहामि ? एत्तियं वा कालं गमिस्सामि ? "त्ति एवं भीओ अगडादिदितेहिं आसासेयव्वो ।
जहा-कोति अगडे पडितो कहमुत्तरिस्सामि त्ति भीओ ताहे सो तडत्येहिं आसासिज्जतिमा तुमं बीहेहि, वयं तुमं उत्तारेमो, एस रज्जू आनिज्जइ, एवमासासिउं निब्मओ ताहं बंधति । अह सो भण्णति- “मओ एस वराओ, न एयं कोइ उत्तारेइ", ताहे सो णिरासो अंगे मुयति, मरति य । एवं परिहारितो वि आसासेयव्वो । जहा कोइ नदीए अनुसोयं वत्तंतो भीओ ताहे सो तडत्थेहिं आसासितो थाह बंधइ । अनासासितो निरासो भया मरति ।
-
जहा वा कस्स राया रुट्ठो ताहे भीओ मारिज्जिहामि त्ति ताहे सो अन्नेहिं आसासिज्जति- "मा बीहि, राया वि अन्नायं न करेति", एवं सो न विद्दाति । अह सो भण्णति - "विनट्ठो सि" ताहे विपज्जाते । एवं परिहारित्तो वि भाणियव्वो मा भीओ मारिज्जिहामि त्ति ताहे सो अन्नेहिं आसासिजत्ति -“मा बीहेहि, राया वि अन्नायं न करेति", एवं सोन विद्दाति । अह सो भण्णति - " विनट्ठो सि" ताहे पिपज्जति । एवं परिहारित्तो वि भाणियव्वो - मा भीहि, अहं ते वंदनदायणादिसु कप्पट्ठितो, एस ते तवोकिलंतस्स असमत्थस्स अनुपरिहारिओ । एवं आसासितो तवं वहंतो किलामिओ विरियायारं अहावेंतो परिहारितो अन्नतरं किरियं काउमसमत्यो अनुहरियारियस्स पुरओ इम भणाति -
[भा. ६६०० ]
उद्वेज निसीएज्जा, भिक्खं हिंडेज भंडगं पेहे ।
कुविय पियबंधवस्स व, करेइ इतरो वि तुसिणीओ ॥
चू- जइ उट्ठेउन सक्कति ताहे भण्णइ उट्ठेज्जामि, ताहे अनुपरिहारितो उट्ठवेइ । एवं निसिएज्जामि । भिक्खायरियाए जं न सक्केति भिक्खरगहणादि सव्वं करेति । अह सव्वहा भिक्खं हिंडिउं न सक्केति ताहे भणाति - भिक्खं हिंडिज्जामि । एवं उत्तरे अनुपरिहारितो से हिंडिउं देति, भंडगापेहणे वि साहज्जुं करेति, सवं वा पडिलेहेति । जहा कोवि प्रियबधुस्स कुवितो जं से करनिजं तं सव्वं तुहिक्को करेति तहा "इयरो” त्ति - अनुपरिहारी परिहारियस्स सव्वं करनिज्जं तुसिणीओ करेति ।। चोदगाह - जइ भयं से उप्पज्जइ, एरिसी वा अवत्था भवति, ता किं पच्छित्तं कज्जति ? किं चाह[ भा. ६६०१ ] अवसो व रायदंडो, न य एवं च होइ पच्छित्तं । संकर सरिसव सकडे, मंडव वत्थेण दिट्ठता ॥