Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 402

उद्देशक : २०, मूलं - १३८१, [भा. ६५१७]
३९९
आनत्तो, नगरं हिंडाविज्जति । इतो य अस्स हत्थी मुक्का, अट्ठारसपयतिपरिवारो दिट्ठो मूलदेवो । अस्सेण हेसियं पट्ठी च उड्डिया, हत्थिणा गुलुगुलावियं गंधोदगं च करेण घेत्तुं अभिसित्तो खंधे य उड्डिओ, सामुद्दपाढएहिं य आइट्ठों एस राय त्ति । तस्स चोरियअवराहा सव्वे मुक्का रज्जे ठविओ । एस दितो । इमो उवनओ - एगस्स बहुसुयस्स अहवा-पच्छित्तदंडो गुरुसंकप्पितो गच्छे आयरिओ कालगतो, सोय साधू आयरियजोग्गो त्ति आयरिओ ठविओ, विगडच्छेयसुत्तत्थतदुभयादीहि संगहो कायव्वो, ताहे जं सक्केति वोढुं तं दिज्जति, अह न सक्केति तो से सव्वं मुंचति, एवं दोसा एगत्तमावन्ना ॥
चोदगाह - साधूक्तं दोसेगत्तकारणं, किं इमाए एद्दहमेत्तीए ठवणारोवणआकट्ठिविकट्ठीए इतो पंच इतो दस त्ति पच्छित्ता घेत्तुं दिज्जंति, जुत्तं गुरुणा आगममणुसरित्ता जं पच्छित्तं आरुहं तं ठवणारोवणमंतरेण एक्कसरा हंदि इमं पच्छित्तं एवं दिज्जउ । आचार्याह
[ भा. ६५१८]
[ भा. ६५१९]
चोदग पुरिसा दुविहा, वणिए मरुए निहीण दिट्टंतो । दोह वि पच्चयकरणं, सव्वे सफला कया मासा ।। मरुगसमाणो उ गुरू, पूइज्जति मुच्चते य से सव्वं । साहू वणिओ व जहा, वाहिज्जति सव्वपच्छित्तं ।। सुबडूहि वि मासेहिं छण्हं मासाण परं न दायव्वं । अविकोवितस्स एवं विकोविए अन्नहा होति ।। वीसं वीसं भंडी, वणमरुसव्वाओ तुल्ल भंडीओ । वीसतिभाओ सुक्कं, वणमरुसव्वाओ तुल्ल भंडीओ ॥
[ भा. ६५२०]
[ भा. ६५२१]
4
चू- हे चोदग! पुरिसा दुविहा गोया अगीयत्था य । तत्थ गीयत्थाणं अगीयपरिणामगाण य आवण्णाणं जतियं दायव्वं तं विना आकट्ठिविकट्ठीए दिज्जति । तत्थ दिट्टंतो वणिएणं । तस्स वीसं भंडीओ एगजातियभंडभरियाओ य सव्वाओ समभराओ, तस्स य गच्छतो सुंकठाणे सुंकिओ उवट्ठितो- “सुंकं देहि’”त्ति । वणिओ भणति किं दायव्वं ? सुंकितो भण्णति - वीसतिभाओ । ताहे तेन वणिएण सुकिएण य परिच्छित्ता, मा ओरुहणपञ्च्चारुहणंतेसु वक्खेवो भविस्सति त्ति काउं एक्का भंडी सुंके दिन्ना । एवं सव्वेसिं गीयत्थाणं अगीयपरिणामगाण य विना आकट्ठिविकट्ठीए दिनति । जे पुण अगीयत्था अपरिणामगा य अतिपरिणाभगा य ते जति छण्ह मासाणं परेण आवन्ना, तेसिं दोण्ह वि पच्चयकरणट्ठा सव्वे मासा ठेवणारोवणविहाणेण सफला काउं दिजंति । एत्थ दितो - मुक्खमरुओ, तस्स वीसं भंडी ओ एक्कभंडतुल्लभराओ । सुंकितेण भणिओ-एक्कभंडीभंड दाउं वच्चसु, किमहोतारणवक्खेवेण । मुक्खमरुओ भणति - ओहरेत्ता एक्केक्काओ वीसतिभागो गेण्हसु, संकिएण तस्स पच्चयट्ठा ओहरेत्ता एक्केक्किओ वीसतिभागो गहितो । मरुगसरिच्छा अगीता, सुंकियसरिसो गुरू || अहवा - निहिदिट्ठतो इमेसु कज्जेसु अकज्जेसु य जताजएसु उवसंघरिज्जति, जओ इमं भणति
[भा. ६५२२] अहवा वणिमरुएण य, निहिलंभनिवेदणे वणियदंडो ।
मरुए पूयविसजण, इय कज्जमकज्ज जतमजते ॥
चू- एक्केणं वणिएणं निही उक्खणिओ, तं अन्नेहिं नाउं रन्नो निवेइयं, वणिओ दंडिओ निही