Page Text
________________
३९८
निशीथ-छेदसूत्रम् -३-२०/१३८१
चिंतेइ अन्ने वि मे बहू अवराहा अत्थि, ते वि मे नाउं एसमं पुणो पिट्टेहिति त्ति इमेणं से ते सव्वे
कमि । भणाति
गावी पीता वासी, त हारिता भायणं पि ते भिन्नं । अज्जेव ममं सुहतं, करेहि पडवो वि ते हरिओ ।।
चू- गावी वच्छेण पीया, कंसभायणमण्णं वा भग्गं, एवमादिअवराहे से एक्कसरा कहिएसु तेन सा तं एक्कवारं पिट्टिता। एवं लोउत्तरे वि अनेगावराहपदावण्णेसुएगो पच्छित्तदंडो अविरुद्धो ॥ अधवा एत्थेव आलोयणत्थे इमो दिट्टंतो
[भा. ६५१५]
[ भा. ६५१४]
नेगासु चोरियासू, मारणडंडो न सेसगा डंडा । एवं नेगपदेसु वि, एगो डंडो न उ विरुद्धो ॥
चू- एगो चोरो । तेन य बहुगागीता चोरिया कयाओ । कस्स ति भायणं हरियं, कस्स ति पडओ, कस्स ति हिरण्णं, कस्स ति सुवण्णं । अन्नया तेन राउले खत्तं खयं, रयणा गहिया, हिओ य सो आरक्खेण रन्नो उवट्ठविओ ।
तस्समयं अन्ने उवट्ठिता भणंति - अम्ह वि एतेण हडं ति । रन्ना रयणहारि त्ति काउंसेसचोरियाओ य नाउं तस्स मारणदंडो एक्को आणत्ता, सेसचोरियदंडा तत्थेव पविट्ठा। एवं लोउत्तरे वि अनेगपदेसु एगडंडो अविकुट्ठो | बितियभंगे मायाविणो पुणो आलोएंतस्स अन्नं पि पच्छित्तं दिज्जति । एवं जत्तिया वारा माई आलोएति तत्तिया पच्छित्ता। ततियभंगे असढस्स जद्दिवसं आलोयणा समायाति तद्दिवसं एगपच्चित्तं दिजति । चरिमभंगे तेन निसेज्जा कया आलोइयं च भणति य सम्मत्ता मम आलोयणा, दिन्नं पच्छित्तं, उट्ठिता गुरू, पुणो संभरियं तक्खणं चेव निसज्जं काउं पुणो य आलोइयं, ता गुरू असढ भति तं चेव ते पच्छित्तं, असढभावां अन्नं न देइ | अहवा साधूणं देवसियालोयणकाले गुरूणं अनेग निसिज्जा साधूणं अनेगा आलोयणाओष एवं आलोयणं पडुच्च एगत्तमावन्ना ॥
-
इदानं दुब्बलं पडु भण्णति । तत्थ भंडीचउक्कभंगदिट्टंतो । भंडी बलिया बइल्ला बलिया, एवं चउक्कभंगो । पढमभंगे बहु आरिभिजति, सेसेसु तिसु भंगेसु इमा विभासा - बितिय भंगे जं इल्ला सक्कति कड्डिउं तत्तियं आरुभिज्जति । ततियभंगे जेन भंडी न भज्जति । चरिमभंगे उभयं पि जत्तियं तरति तत्तियं आरुभिज्जति । एयस्सिमो उवणओ
[भा. ६५१६]
संघयणं जह सगडं, धिती उ धुज्जेहि होति उवनीतो । बिय तिय चरिमे भंगे, तं विज्जति जं तरति वोढुं ॥
चू- सगडसरिच्छं सघयणं, धितियबलं बइल्लतुल्लं, एत्थ वि चउभंगो । पढमे सव्वं दिज्जति, बिति धितिअनुरूवं, ततिए संघयणानूरूवं, चरिमे उभायनुरूवं, जं तरति तत्तियं दिज्जति ।। एवं दुब्बलं पडच्च दोसाणं एगत्तं । इदानिं आयरियं पडुच्च भण्णति, “सामिपत्तेयतेणम्मि" त्ति - [भा. ६५१७] निवमरण मूलदेवी, आसऽहिवासे य पट्ठि न तु डंडो । संकप्पियगुरुदंडो, मुंचति जं वा तरति वोढुं ॥
चू- एत्थ नगरे राया अपुत्तो मओ, तत्थ य रायचिंतगेहिं देवयाराधननिमित्तं अस्सो य हत्थी य अहियासिओ । इओ य मूलदेवो चोरियं करेंतो गहिओ, तेहिं रज्जचिंतगेहिं वज्झो
-
Jain Education International
For Private & Personal Use Only
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |