Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 241

निशीथ - छेदसूत्रम् -३-१६/१०९६
-
- कमेसु त्ति-पदेसुजा रेणू सा संधारभूमीए परिसइति, उवकरणे वा लग्गति, अबहुमानी अविनओ य संघट्टिए कओ, अन्नं च उच्छूवणे रक्खियव्वे वतिं रक्खति न भंजणं देति, तस्स रक्खणे उच्छुवणं रक्खितं चेव, एवं संधारगस्स असंघट्टणे गुरुस्स देहातियां दूरातो चेव परिहरिता। संजमायविराहणा य, आयरियं च अवमन्नंतेन संजमो विराहिओ । कहं ? जेन तम्मि चेव णाणदंसणचरित्ताणि अधीणाणि - "जे यावि मंदे त्ति गुरुं०" वृत्तं । आयविराहणा-जाए देवयाए आयरिया परिग्गहिता सा विराहेज, अन्नो वा कोइ आयरिय पक्खित्तो साधू उट्ठेज्जा, तत्य असंखडादी दोसा ||
[भा. ५७८४ ] बितियपदमणप्पज्झे, न खमे अविकोविते व अप्पज्झे । खित्तादोसण्णं वा, खामे आउट्टिया वा वि ॥
चू- अणप्पज्झो सो वा अजाणंतो न खामेति, आयरियं वा खितादिचित्तं सारवेंतो दित्तचित्तं वा उच्च संघट्टेज्जा, ओसन्नं वा “मं एए ओसण्णमिति परिभवंति” त्ति उज्जमेज्जा, एवं आउट्ठियाए वि संघट्टेज्जा पच्छा खमावेइ ॥
२३८
मू. (१०९७) जे भिक्खू पमाणाइरित्तं वा गणणाइरित्तं वा उवहिं धरेइ, धरेतं वा सातिज्जति।। [भा. ५७८५ ] गणणा पमाणेण य, हीनतिरित्तं व जो धरेज्जाहि । ओहोवग्गह उवही, सो पावति आणमादीणि ।।
चू-उवधी दुविहो - ओहोवही उवग्गहितो य । एक्केक्को तिविहो - जहन्नो मज्झिमो उक्कोसो य । तत्थ एक्क्के गणणापमाणं पमाणपमाणं च तं हीनं अधिकं वा जो धरेति । तत्थ ओहओसुत्तभणियं चउलहुं । विभगतो - अन्न अत्थेण उवधिनिष्फण्णं भारभयपरितावणादी दोसा, जम्हा एते दोसा तम्हा न हीनातिरित्तं धरयव्वं ॥ जिन-थेराणं गणणातिपमाणेण जाणणत्थं भण्णति[भा. ५७८६ ] पत्तं पत्ताबंधो पायट्टवणं च पायकेसरिया । पडलाइ रत्ताणं, च गुच्छओ पायनिज्जोगो ॥ - इमं जिनकप्पियाणं सरीरोवहिप्पमाणं[भा. ५७८८ ]
तिन्नेव य पच्छागा, रयहरणं चेव होइ मुहपोत्ती । एसो दुवालस विहो, उवही जिनकप्पियाणं तु ॥ जहन्नमज्झिमुकोसाण कप्पाण य प्यमाणं
[ भा. ५७८९ ] चत्तारि उ उक्कोसा, मज्झिमगा जहन्नगा वि चत्तारि । कप्पानं तु पमाणं, संडासो दो य रयणीओ ॥
चू- संडासो त्ति कुडंडो, रयणि त्ति दो हत्था, एयं दीहत्तणेण, वित्थरेण दिवड्ढ रयणिं । अहवा - जिनकप्पियाणं कप्पपरिमाणं दीहत्तणेण संडासो वित्थारेण दोन्नि रयणीओ, एस आदेसो वक्खमाणो ॥ इमं पत्तगबंधस्स पमाणप्पमाणं
[भा. ५७९० ]
पत्ताबंधपमाणं, भाणपमाणेण होइ कायव्वं । जह गठिम्मि कयम्मी, कोणा चउरंगुला होंति ॥
चू- जं च समचउरंसं तस्स जा बाहिरतो परिही तेन भायणप्पमाणेण पत्तगबंधो कायव्वो, जं पुण विसमं तस्स जा परिही महंततरी तेनप्पमाणेण पत्तगबंधो कायव्वो, अहवा - गंठीए कयाए