Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 240

उद्देशक : १६, मूलं-१०९५, [भा. ५७७९]
२३७
चू-मझे ठितो जनस्स परिवारिओ जइ भुंजइ, अहवा- समंता परिवारिओ दोण्हं तिण्हं वा जइ मज्झगओ भुंजइ, सव्वप्पगारेहिं चउलहुं, गिहिभायणेय न भुंजियव्वं तत्थ भुंजतो आयाराओ भस्सइ । “कंसेसुकंसपाएसु" - सिलोगो । मत्तगचड्डुगादिसुय जंतस्स उड्डाहो भवति, कंजियदवेण य उड्डाहो, इयरेण आउक्कायविराहणा, बहुदवेण य कुरुकुयकरणेण उप्पिलावणादि दोसा, जम्हा एवमादिदोसा तम्हा एतेहिं सद्धिं परिवेढिएण वा न भुंजियव्वं ।। [भा.५७८०] बितियपद सेहसाहारणे य गेलण्ण रायदुढे य ।
आहार तेन अद्धाण रोहए भयलंभे तत्थेव ।। चू- पुव्वसंथुतो पच्छासंथुतो वा पुव्वं एगभायणो आसी, से तस्स नेहेण आगतो जति न भुंजति तो विपरिणमति, अतो सेहेण समं भुंजति, परिवेढितोवि तेसागएसु मा एतेसिं संका भविस्सति- “किं एस अप्पसागारियं समुद्दिसति त्ति अम्हे बाहिं करेतिं" बाहिभावं गच्छे अतो परिवेढितो भुंजति । साहारणं वा लद्धं तं न चेव भुंजियव्वं, अह अक्खडं ओमं ताहे घेत्तुं वीसं भुंजति, अह दाया न देइ, ते वा न देंति, ताहे तेहिं चेव सद्धिं परिवुडो वा भुंजति । गिलाणो वा वेजस्स पुरतो समुद्दिसेज्जा, जयणाए कुरुकुयंकरेज्जा । रायदुढे रायपुरिसेहिं निजंतो तेहिं परिवेढितो मुंजेज्जा । आहारतेनगेसु तेसिं पुरओ भुंजेज्ज । अद्धाणतेणसावयभया सत्थस्स मज्झे चेव भुंजति। रोहगे सव्वेसिं एक्का वसही होज्जा, बोहिगादिभए जनेन सह कंदराइसु अच्छति, तत्थ तेसिं पुरतो समुद्दिसेज्ज । ओमे कहिंचि सत्तागारेतत्येव जंताणलब्भति, भायणेसुन लब्भति तत्थेव भुजेज्जा। सागारिए एको परिवेसणं करे चड्डगाइसु संतरं संभुंजति, नाउंदुविहदवेण कुरुकुयं करेइ सव्वेसु जहासंभवं । एसा जयणा॥
मू. (१०९६) जे भिक्खू आयरिय-उवज्झायाणं सेजासंथारगं पाएणं संघट्टेत्ता हत्थेणं अणणुन्नवेत्ता धारयमाणो गच्छति, गच्छंतं वा सातिजइ॥
चू- आचार्य एव उपाध्याय आयरिय-उवज्झाओ भण्णति, केसिंचि आयरिओ केसिंचि आयरिअउवज्झातो । अहवा - जहा आयरयस्स तहा उवज्झायस्स वि न संघट्टेजति । पातो सव्वाऽफरिसित्ति अविनतो। हत्थेणअणणुन्नवति-न हस्तेन स्पृष्टा नमस्कारयति मिथ्यादुष्कृतं चन भाषते, तस्स चउलहुं । सेज्जासंथारग्गहणातो इमे वि गहिया[भा.५७८१] आहार उवहि देहं, गुरुणो संघट्टियाण पादेहि ।
जे भिक्खन खामेति, सोपावति आणमादीणि॥ चू-आहारे त्ति-जत्थ मत्तगे भत्तं धारितं, उवहि तति - कप्पादी, सेसं कंठं॥ कहं पुन संघट्टेति? भण्णति[भा.५७८२] पविसंते निक्खमंते, य चंकमंते व वावरते वा ।
चेट्ठनिवण्णाऽऽउंटण, पसारयंते व संघट्टे ॥ चू-पंथे वा चंकमंतो विस्सामणादिवावारं करेंतो, सेसं कंठं ।। चोदगाह - "जुत्तं आहारउवधिदेहस्सय अघट्टणं । संथारगभूमी किंन संघट्टिजति? को वा उवकरणातिसंघट्टिएसु दोसो ?, आचार्य आह[भा.५७८३] कमरेणु अबहुमानो, अविनय परितावणा य हत्थादी ।
संथारग्गहणमआ, उच्छुवणस्सेव वति रक्खा ॥