Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 189

निशीथ - छेदसूत्रम् -३-१६/१०७२ कालियदिट्ठिवाए भणितेहि, अहवा-अभणिएहिं वा सम्मोहेउं अप्पणो पासे निरुंभति-धरतीत्यर्थः । अधवा-जो एवं पन्नवेति सो चेव अबहुस्सुओ अगीयत्थो वा तरुणी मंदधम्मो वा । सेसं कंठं । [भा. ५४४९] जत्तो चुतो विहारा, तं चेव पसंसए सुलभबोही । ओसन्नविहारं पुण, पसंसए दीहसंसारी ॥
चू- जत्तो चुतो विहारा, संविग्गविहारातो चुओ तं पसंसति जो सो सुलभबोधी । जो पुण ओसन्नविहारं पसंसति सो दीहसंसारी भवति ॥
[भा. ५४५० ] बितियपदमणप्पज्झे, वएज अविकोविए व अप्पज्झे । जाणते वा वि पुणो, भयसा तव्वादिगच्छट्ठा ॥
मू. (१०७३) जे भिक्खू वुसिरातियगणातो अवुसिराइयं गणं संकमइ, संकमंतं वा साइज्जइ । । [ भा. ५४५१] वुसिरातियागणातो, जे भिक्खू संकमे अवुसिरातिं । वुसिरातिया वुसिं वा, सो पावति आणमादीणि ॥
१८६
- वुसिरातियातो वुसिराइयं चउभंगो कायव्वो । चउत्थभंगो अवत्थु । ततियभंगे अनुन्ना पढम-बितिएसु संकमो पडिसिद्धो । पढमे संकमंतस्स मासलहुं । बितिए चउलहुं । चोदगाह - "जुत्तं बितिए पडिसेहो, पढमभंगे किं पडिसेहो ? आचार्याह - तत्थ निक्कारणे पडिसेहो, कारणे पुणो पढमभंगे उवसंपदं करेति ॥ सा य उवसंपया कालं पडुच्च तिविहा इमाछम्मासे उवसंपद, जहन्न बारससमा उ मज्झिमिया ।
[भा. ५४५२ ]
आवकहा उक्कोसे, पडिच्छसीसे तु जाजीवं ॥
- उवसंपदा तिविहा- जहन्ना मज्झिमा उक्कोसा। जहन्ना छम्मासे, मज्झिमा बारसवरिसे, उक्कोसा जावज्जीवं । एवं पडिच्छगस्स सीसस्स एगविहो चेव जावज्जीवं आयरिओ न मोत्तव्वो ॥ [भा. ५४५३ ] छम्मासे अपूरेंतो, गुरुगा बारससमा चउलहुगा । तेन परं मासियं तू, मणित्तं पुण आरतो कज्जे ।।
चू- जेन पडिच्छगेणं छम्मासिया कया सो जति छम्मासे अपूरित्ता जाति तस्स चउगुरुगा । जेन बारसवरिसाकया ते अपूरित्ता जाइ चउलहुं । जेन जावज्जीवं उवसंपदा कता सो जाइ तस्स मासलहुं । छण्हं मासाणं परेण निक्कारणे गच्छंतस्स मासलहुं । जेन बारससमा उवसंपदा कया तस्स वि छम्मासे अपूरेंतस्स चउगुरुगा चेव । बारसमातो परेण निक्कारणे मासलहुं । जेन जावज्जीवोवसंपया कया तस्स छम्मासे अपूरेंतस्स चउगुरुगा चेव, तस्सेव बारससमाओ चउलहुगा ।। एससोही गच्छतो नितस्स भणितो । गच्छे पुण वसंतस्स इमे गुणाभीतावासो रतीधम्मे, अनायतणवज्जणं । निग्गहो य कसायाणं, एवं धीराण सासणं ॥
[भा. ५४५४ ]
" भीतावासो "त्ति अस्य व्याख्या
[भा. ५४५५ ]
आयरियादीण भया, पच्छित्तभया न सेवति अकज्जं । यावच्चऽज्झणे सज्जते तदुवयोगेणं ।।
चू- पुव्वद्धं कंठं । रतीधम्मे अस्य व्याख्या- "वेयावच्च" पच्छद्धं । आयरियादीणं वेयावच्चं करेति । अज्झयणं ति सज्झायं करेति । तदुवओगो सुत्तत्थोवओगो, तेन सुत्तत्थोवओगेण