Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 153

१५०
निशीथ - छेदसूत्रम् -३-१६/१०५९
[भा. ५२१९]
चू- सन्निकाहिकतरुणी, असन्निकाहिकतरुणी, इत्थिवेसनपुंससन्निकाधिकतरुणी, सा चेव असन्निकाहिकतरुणी, एयासु चउसु वि जइ ठायंति तो मूलं । सेसासु सन्नि असन्निसु वा वीसा इत्थी चउगुरु । एयं समणाणं इत्थवग्गे ठायंताणं पच्छित्तं ॥
[भा. ५२२०] जह चैव य इत्थी, सोही तह चेव इत्थिवेसेसु । तेरासिएस सुविहिय, ते पुण नियमा उ पडिसेवी ।।
- जहा समणाणं इत्थी ठायमाणाणं सोधी भणिया तह चेव इत्थिवेसेसु नपुंसगेसु ठायंताण सोधी भाणियव्वा, जेन ते नियमा पडिसेवी ।। इमा तासु ठायव्वे जयणाविधीएमेव होइ इत्थी, बारस सन्नी तहेव अस्सन्नी । सन्नीसु पढमवग्गे, असति असन्नीसु पढमंमि ।।
[ भा. ५२२१]
काहीत तरुणी, चउसु वि मूलं ठायमाणाणं । सेसासु विचउगुरुगा, समणाणं इत्थिवग्गम्मि ।।
चू- जहा पुरिसेसु भेदा एवं इत्थीसु वि सन्नीसु बारस भेदा, असन्नीसु वि बारस। एयासु ठायव्वे जयणा “सन्नीसु पढमवग्गे' त्ति, मज्झित्थीसु थेरमज्झिमतरुणीसु, असति तेसिं असन्नीसु । पढमवग्गे असति तेसिं सन्नीसु बितियवग्गे । असति तेसिं असन्नीसु तितियवग्गे ॥ एवं एक्केक तिगं, वोच्चत्थगमेण होइ विन्नेयं ।
[भा. ५२२२]
मोत्तूण चरिम सन्नी, एमेव नपुंसएहिं पि ॥
- आहरणप्पियाणं असन्नीण असति सन्नीसु कंदप्पियासु त तियवग्गे ठाति । तेसिं असति असन्नीसु कंदप्पियासु, तेसिं असति सन्नीस काहियासु धेरमज्झिमासु । तेसिं असति असन्नीसु काहियासु थेरमज्झिमासु । ततो सन्नीसु तरुणीसु । ततो असन्नीसु तरुणीसु । एवमेव इत्थिनपुंसेसु विठायव्वे जयणा भाणियव्वा ।। एस पुरिसाण पुरिसेसु इत्थीसु य सोधी ठायव्वे जयणा भणिता । इदानं इत्थी पुरिसेसु य सोधी ठायव्वे जयणा भण्णति
[भा. ५२२३]
एसेव गमो नियमा, निग्गंथीणं पि होइ नायव्वो । जइ तेसि इत्थियाओ, तह तासि पुमा मुणेयव्वा ॥
चू-पुव्वद्धं कंठं । जहा तेसिं पुरिसाणं इत्थीओ गुरुगाओ तहा तेसिं इत्थियाणं पुरिसा गुरुगा मुणेयव्वा ॥ इत्थियाणं इमं सपक्खे पच्छित्तं
[भा. ५२२४ ]
काहीतातरुणीसुं, चउसु वि चउगुरुग ठायमाणीणं । सेसासु वि चउलहुगा, समणीणं इत्थिवग्गम्मि ॥
चू- पूर्ववत् कंठा । नवरं - इत्थियाओ भाणियव्वाओ ।। इमं पुरिसेसु ठायमाणीणं पच्छित्तं[भा. ५२२५] काहीगातरुणेसुं, चउसु वि मूलं तु ठायमाणीणं । सेसेसु विचउगुरुगा, समणीणं पुरिसवग्गम्मि ॥
चू- पूर्ववत् कंठा। नवरं - इत्थियाओ पुरिसेसु वत्तव्वा ।। अधवा - इमो अन्नो पायच्छित्तादेसो, सन्नीसु बारससु असन्नी य बारससु -
[भा. ५२२६]
थेरातितिविह अधवा पंचग पन्नरस मासलहुओ य । छेदो मज्झत्थादिसु, काधिगतरुणेसु चउलहुगा !!