Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 110

१०७
उद्देशक : १५, मूलं-१००१, [भा. ४९९३] [भा.४९९३] उग्गम उप्पायण एसणा य तिविहेण तिकरणविसोही।
पासत्थ अहाछंदे, कुसील नितिए वि एमेव ।। [भा.४९९४] एयाणि सोहयंतो, चरणं सोहेति संसओ नत्थि ।
एएहि असुद्धेहिं, चरित्तभेयं वियाणाहि ।। [भा.४९९५] उग्गमदोसादीया, पासत्थादी जतो न वजेति ।
तम्हा उ तव्विसुद्धिं, इच्छंतो ते विवज्जेजा। [भा.४९९६] सूतिन्ति अनुरागो, दानेन पीतितो य गहणं तु ।
संसग्गता य दोसा गुण य इति ते परिहरेज्जा । [भा.४९९७] न वि रागो न वि दोसो, सुहसीलजणम्मि तह वितू वजा ।
वणसुगलद्धोवम्मा, नेच्छंति बुहा वइकरं पि॥ [भा.४९९८] पडिसेहे पडिसेहो, असंविग्गे दानमादि तिक्खुत्तो।
अविसुद्धे चउगुरुगा, दूरे साहारणं कातुं ॥ [भा.४९९९] असिवे ओमोयरिए, रायदुढे भए व गेलण्णे ।
सेहे चरित्त सावय, भए व देज्जा अधव गेण्हे ॥ चू-जत्थ सुलभं वत्थं तम्मि विसए अंतरे वा असिवादि कारणे हुञ्जा, एवमादिकारणेहिं तं विसयमागच्छंतो इह अलभंतो पासत्यादि वत्थं गेण्हेजा, देज वा तेसिं ।। अथवा[भा.५०००] अद्धाणम्मि विवित्ता, हिमदेसे सिंधुए व ओमम्मि।
गेलण्ण कोट्ठ कंबल, अहिमाइ पडेण ओमज्जे । धू-अद्धाणे वा ववित्ता, मुसिया, अन्नतो अलभंता पासत्यादि वत्थं गेण्हेज्जा । हिमदेसे वा सीताभिभूता पाडिहारियं गेण्हेज्जा ।एमेव सिंधुमादिविसए। ओमम्मि उज्जलवत्थो भिक्खं लभति, अप्पणो तम्मि उज्जलवत्थे असंते पासत्थादियाण गेण्हेजा । गेलण्णे वा किमिठादिए कंबलरयणं पासत्थादियाण देज गेण्हेज वा, गहिमादिडक्के वा सगलवत्येणं उमज्जणं कायव्वं, अप्पणो असंते पासत्थवत्थं गेण्हेजा देज्ज वा तेसिं॥
मू. (१००२)जे भिक्खूजायणावत्यं वा निमंतणावत्यं वा अजाणिय अपुच्छिय अगवेसिय पडिग्गाहेइ, पडिग्गाहेंतं वा सातिजति । से य वत्थे चउण्हं अन्नतरे सिया, तं जहा- निच्चनियंसणिए मज्झहिए छणूसविए राय-दुवारिए।
धू-जायणवत्थं जं मग्गिजइ “कस्सेयं" ति अपुच्छिय, “कस्सट्ठा कडं" ति अगवेसिय। नियंसणंजंदिया रातोय परिहिज्जेइ । “मजिउ"त्ति पहातो जंपरिहेति देवधरपवेसंवा करेंतोतं मजणीयं । जत्थ एकेण विसेसो कज्जति सो छणो, जत्य सामण्णभत्तविसेसो कज्जइ सो ऊसवो। अहवा - छणो चेव ऊसवो छन्नूसवो, तम्म जं परिहिजंति तंछनूसवियं । रायकुलं पविसंतो जं परिहेति तं रायदारियं। एयंवत्थं जो अपुच्छिय अगवेसिय गिण्हति तस्स चउलहुं, आणादिया य दोसा । एस सुत्तत्थो । इमो निजुत्तिवित्थरो[भा.५००१] तंपिय दुविहं वत्थं, जायणवत्थं निमंतणं चेव ।
निमंतणमुवरि वोच्छिहिति, जायणवत्थं इमं होइ ।