________________
उद्देशक : १०, मूलं-६२१, [भा. २८०५] पज्जोसवणकालदिवसे तिमासगुरू भवति । [भा.२८०६] मूलं तु पडिक्कते, पडिक्कमंते व होज अहिगरणं ।
संवच्छरमुस्सग्गे, कयम्मि मूलं न सेसाई।। चू-पडिक्कते मूलं भवति । एसा ठवणदिवसविधी । अह अद्धपडिक्कंताण चेव अधिकरणं भवे संवत्सरीए काउस्सगे कते मूलमेव केवलं, न सेसा पच्छित्ता भवति॥ [भा.२८०७] संवच्छरंच रुटुं, आयरिओ रक्खती पयत्तेमं ।
जति नाम उवसमेज्जा, पव्वतराजी सरिसरोसो॥ चू- एवं आयरिओ तं रुटुं संवत्सरं पयत्तेण रक्खति । किमर्थं ? उच्यते-जति नाम उवसमेज । अह नो उवसमति संवच्छरेण वि तो सो पव्वतराईसरिसरोसो भवति॥ [भा.२८०८] अन्नदो आयरिया, एक्केकं वरिसमुवसमेंतस्स।
तेन परं गिहि एसो, बितियपदं रायपव्वतिए। चू-मूलायरियसमीवावो निग्गयंअन्ने दोआयरिया कमेण एकेक्कवरिसंपयत्तेणचेव विधिणा संरक्षति । जेण उवसामितो तस्सेव सीसो । तेणं ति तस्मात् तृतीयवर्षात् परतः “सो"त्ति स गृही क्रियते । संघस्तस्य लिंगमवहरतीत्यर्थः । बितियपदेण वा दंडियपव्वइयस्स लिंगं न हिजति ॥ एसा विही भिक्खुस्स भणिया । उवज्झायरियाण वि एसेव विही । नवरि-इमो विसेसो[भा.२८०९] एमेव गणायरिए, गच्छम्मि तवो तु तिन्नि पक्खाइ।
दो पक्खा आयरिए, पुच्छा य कुमारदिटुंतो॥ चू-इह गणाचार्यग्रहणादुपाध्यायः परिगृह्यते, तस्स अनुवसमंतस्स गच्छे वसंतस्स तिन्नि पक्खा तव भवति, परतो छेदो । आयरियस्स अनुवसमंतस्स दो पक्खतवो भवति, परतो छेदो। सीसोपुच्छति-"किं सरिसावराहे विसमं पच्छित्तं देह? तम्हा रागदोसीभवंतो" एत्थ आयरिओ कुमार-दिलुतं देति ॥जे ते उवज्झायस्स तिन्नि पक्खा ते दिवसीकता। [भा.२८१०] पणयालदिने गणिणो, चउहा काउं सपाय एक्कारा।
भत्तट्ठणसज्झाए, वंदनऽलावे य हावेंति॥ चू-तेचउभागेण कता सपाता एक्कारसदिवसा भवंति।तत्थ गच्छो उवज्झाएणं समंवसधीए एक्कारसदिणं भत्तहँ करेति एवं सज्झायवंदनालावे वि, परतो पणयालदिणाण दसगो छेदो । आयरियस्स दो पक्खा दिवसीकता । [भा.२८११] तीसदिने आयरिए, अद्धट्ठदिना उ हावणा तत्थ ।
परतो गच्छेण चउपदेहिं तु, निजूढे लग्गती छेदो॥ चू-ते चउभाएण विभत्ता अद्धट्ठमादिणा भवंति, तत्थ गच्छो आयरिएण सह अट्ठमे दिने भत्तं करेति, एवं सज्झाए वंदनालावे य, गच्छेण निसेहो चउहि भत्तट्ठाणादिएहिं पदेहिं । पन्नरसराइंदिए छेदे लग्गति ।। भिक्खू उवज्झायायरियाणंअन्नगमसंकंताणं सामण्णं भण्णति[भा.२८१२] संकमतो अन्नगणं, सगणेण य वज्जितो चउपदेहिं ।
आयरिओ पुण वरिसं, वंदनऽऽलावेहिं सारेति ।। चू-सगच्छेणंजदा भत्तट्ठानादिएहिं पदेहिं वञ्जितोतदा अन्नगणं संकेतो।तंअन्नगणायरिओ
Jain Education International
For Private & Personal Use Only
www.jainelibrary.org