Page Text
________________
उद्देशक : ८, मूलं-५७१, [भा. २४६३]
चू- बहिया वि इत्थियावातो ततियभंगो तो अनुण्णाओ ।। इदानं " गच्छस्स आणण" त्ति दारं
[भा. २४६४] पडिलेहियं च खेत्तं, संजतिवग्गस्स आणणा होंति । निक्कारणम्मि मग्गतो, कारण पुरतो व समगं वा ॥
चू- जया खेत्ताओ खेत्तं संजतीतो संचारिनंति तदा निभए निराबाहे साधू पुरओ ठिता ताओ य मग्गतो ठिता आगच्छंति । भयातिकारणे पुण साधू पुरतो मग्गतो पक्खापक्खियं वा समंतओ वा ठिया गच्छंति ॥
[भा. २४६५] निप्पच्चवाय संबंधि-भाविते गणधरप्पबितिय-ततिओ । ति भए पुण सत्थेण, सद्धिं कतकरणसहितो वा ॥
चू- संजतीण संबंधिणो जे संजता तेहिं सहितो गणधरो अप्पबितिओ अप्पततिओ वा निप्पच्चवाए नेति । सपच्चवाए सत्थेण सद्धिं नेति । जो वा संजतो सहस्सजोही सत्थे वा कयकरणो तेन सहितो नेति ॥
३७
[भा.२४६६] उभयट्ठातिनिविट्टं, मा पेल्ले वइणि तेन पुरएगे । तं तु न जुज्जति अवणय, विरुद्ध उभयं च जतणाए ।
धू- एगे आयरिया भणति - पुरतो वि ठिया संजतीतो गच्छंतु । किं कारणं ? आह काइयसण्णानिवेट्टं संजयं मा वइणी पेल्लिहिति, सो वा वइणिं, तम्हा पुरओ गक्छंतुं ।” तं न जुज्जति । कम्हा ? तासिं अविणतो भणति, लोगविरुद्धं च । तम्हा उभयं जयणाए करेज्ज । का जया ? जत्थ एगो काइयं सण्णं वोसिरति तत्थ सव्वे वि चिट्ठति, ततो वि चिट्टंते दद्धुं मग्गतो चेव चिट्ठति, ताओ वि पिट्ठतो सरीरचिंतं करेति । एवं दोसा न भवंति ॥
-
मू. (५७२) जे भिक्खू नायगं वा अनायगं वा उवासयं वा अनुवासयं वा अंतो उवस्सयस्स अद्धं वा राति कसिणं वा रातिं संवसावेइ संवसावेंतं वा सातिज्जति ॥
मू. (५७३) जे भिक्खू नायगं वा अनायगं वा उवासयं वा अनुवासयं वा अंतो उवस्सयस्स अद्धं वा रातिं कसिणं वा रातिं पडियाइखइ न पडियाइक्खंतं वा सातिज्जति ॥
चू- “नायगो” स्वजनो, “अनायगो” अस्वजनः, “उवासगो" श्रावकः, इयरो अनुवासगो । “अर्द्ध" रातीए दो जामा, “वा" विकप्पेण एगं वा जामं, चउरो जामा कसिणा राती, वा विकप्पेण तिन्नि जामा । एगवसहिए संवासो “वसाहि" त्ति भणाति, अन्नं वा अनुमोदति । जो तं न पडिसेधेति, अन्नं वा अपडिसेघंतं अनुमोयति तस्स चउगुरु ।
[भा.२४६७] नातगमनातगं वा, सावगमस्सावगं च जे भिक्खू । अद्धं वा कसिणं वा, रातिं तू संवसाणादी ।।
- आणा अनवत्थिया दोसा ।।
[भा. २४६८] साधुं उवसमाणो, उवासतो सो वती य अवती वा । सो पण नात इतरे, एवऽनुवासे वि दो भंगा ॥
चू- साधुं उवासतीति उवासगो, धूलगपाणवहादि वता जेन गहिता सो वती, इयरो अवती । सो दुविहो वि सयणो असयणो य । एवं अनुवासए वि दो भंगा । "भंगा" इति प्रकारा
Jain Education International
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |