Page Text
________________
३५८
निशीथ - छेदसूत्रम् -२-१३/८०४
[भा. ४२८३] आगाढ फरुस मीसग, दसमुद्देसम्मि वन्नितं पुव्वं । गिहिअन्नतित्थिएहि व, तं चैव य होति तेरसमे ॥
चू- जहा दसमुद्देसे - भदंतं प्रति आगाढ- फरुस-मीसगसुत्ता भणिता तहा इहंगिहत्य अन्नउत्थियं प्रति वक्तव्याः ॥ इमेहिं जातिमादिएहिं गिहत्थं अन्नतित्थियं वा ऊणतरं परिभवंतो आगाढं फरुसं वा भणति ।
[भा. ४२८४] जाति कुल रूव भासा, धंण बल पाहन्न दाण परिभोगे । सत्त वय बुद्धि नागर, तक्कर भयके य कम्मकरे ॥
- जाति कुल रूप भासा - धणेण, बलेण, पाहन्नत्तणेण य । एतेहिं दानं प्रति अदाता सति विधने । किमन्नत्तणेण ? अपरिभोगी, हीनसत्वः, वयसा अपडुप्पन्नो मंदबुद्धि, स्वतः नागरो तं ग्राम्यं परिभवति, तथा गिहत्थं अन्नतित्थियंवा तक्कर- भृतक कर्मकरभावेहि ठियं परिभवति ॥ [भा. ४२८५] जति ताव मम्मपरिघट्टियस्स मुणिणो वि जायते मंतुं मन्नुं । किं पुण गिहीण मंतुं (मन्नुं], न भविस्सति मम्मविद्धाणं ॥
चू- जति ताव कोहणिग्गहपरा वि जतिणा जातिमादिमम्मेण घट्टिया कुप्पंति किं पुण गिहिणो? सुतरां कोपं करिष्यन्तीत्यथः ।। सो य उप्पन्नमंतू इमं कुज्जा
[भा. ४२८६ ]
खिप्पं मरेज मारेज, वा वि कुज्जा व गेण्हणादीणि । देसच्चागं व करे, संतासंतेण पडिभिन्ने ।
चू- अप्पणा वा मन्नुप्पन्नो मरेज्ज, कुवितो वा साहुं मारेज, रुट्ठो वा स हु रायकुलादिणा गेहावेजा, साधुणा वा सेहिओ देसच्चागं करेज, संतेण असंतेण वा प्रत्याभिन्नो एवं कुर्यात् ॥ मू. (८०५) जे भिक्खू अन्नउत्थियाण वा गारत्थियाण वा कोउगकम्मं करेति, करेंतं वा सातिजति ॥
मू. (८०६) जेभिक्खू अन्नउत्थियाण वा गारत्थियाण वा भूइकम्मंकरेति, करेंतं वा सातिज्जति ।। मू. (८०७) जे भिक्खू अन्नउत्थियाण वा गारत्थियाण वा पसिणं वागरेइ वागरेंतं वा साति०॥ मू. (८०८) जे भिक्खू अन्नउत्थियाण वा गारत्थियाण वा पसिणापसिणं वागरेइ वागरेंतं वा सातिजति ॥
मू. (८०९) जे भिक्खू अन्नउत्थियाण वा गारत्थियाण वा तीयं निमित्तं करेइ, करेंतं वा सातिज्जति ॥
मू. (८१०) जे भिक्खू अन्नउत्थियाण वा गारत्थियाण वा लक्खणं करेइ, करेंतं वा सातिज्जति।। मू. (८११) जे भिक्खू अन्नउत्थियाण वा गारत्थियाण वा सुमिणं करेइ करेंतं वा सातिज्जति ।। मू. (८१२) जेभिक्खू अन्नउत्थियाणवा गारत्थियाण वा विज्जं पउंजइ, परंजंतं वा सातिज्जति।। मू. (८१३) जे भिक्खू अन्नउत्थियाण वा गारत्थियाण वा मंतं पउंजइ, पउंजंतं वा साइज्जति ।। मू. (८१४) जे भिक्खू अन्नउत्थियाण वा गारत्थियाण वा जोगं पउंजइ, परंजंतं वा साइज्जति ।। चू-इमा सुत्तपदसंगहणी
[ भा. ४२८७] कोउग-भूतीकम्मं, पसिणापसिणं निमित्ततीतं वा । लक्खणं वंजण सुमिणं, विज्जा मंतं च जोगं च ॥
For Private & Personal Use Only
Jain Education International
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |