________________
३४२
निशीथ-छेदसूत्रम् -२-१२/७८१ आणादिया य दोसा। [भा.४१९६] दियराओ गोमतेणं, चउक्कभयणा तुजा वणे वुत्ता ।
एतो एगतरेणं, मक्खेंताणादिणो दोसा॥ चू-चउक्कमयमा चउभंगो ततिओद्देसए जा व्रणे वुत्ता, इहं पि सन्चेव ।। [भा.४१९७] नच्चुप्पतितं दुक्खं, अभिभूतो वेयणाए तिव्वाए।
अद्दीनो अव्वहितो, तंदुक्खऽहियासते सम्मं ॥ [भा.४१९८] अव्वोच्छित्तिनिमित्तं, जीयट्ठीए समाहिहेउं वा ।
एएहिं कारणेहिं, जयणा आलिंपणं कुज्जा ।। घू-गोमयगहणे इमा विधी[भा.४१९९] अभिनववोसिट्ठासति, इतरे उवओग काउ गहणं तु ।
माहिस असती गव्वं, अनातवत्थं च विसघाती॥ घू-वोसिरियमेत्तं घेत्तव्वं, तं बहुगुणं । तस्सासति इयरं चिरकाल वोसिरियं, तंपि उवओगं करेत्तुं गहणं । जदि न संसत्तं पि माहिसं घेत्तव्वं । माहिसासति गव्वं । तं वि अनायवे ठियं, छायायामित्यर्थः, तं असुसितं विसघाति भवति, आयवत्थं पुण सुसियरसं न गुणकारी ॥
मू. (७८२) जे भिक्खू दिया आलेवणजायं पडिग्गाहेत्ता दिया कायंसि वणं आलिंपेज वा विलिंपेज वा आलिंपंतं वा विलिंपंतं वा सातिञ्जति ॥
मू. (७८३) जे भिक्खू दिया आलेवणजायं पडिग्गाहेत्ता रत्तिं कांसि वणं आलिंपेज वा विलिंपेज वा आलिंपंतं वा विलिंपंतं वा सातिञ्जति ॥
म. (७८४) जे भिक्खू रत्तिं आलेवणजायं पडिग्गाहेत्ता दिया कायंसि वणं आलिपेज वा विलिंपेज वा आलिंपंतं वा विलिंपतं वा सातिजति ॥
मू. (७८५) जे भिक्खू रत्तिं आलेवणजायं पडिग्गाहेत्ता रत्तिं कायंसि वणं आलिंपेज वा विलिंपेज वा आलिंपंतं वा विलिंपंतं वा सातिजति ॥
चू-आलेवणजातं आलेवणप्पगारा। [भा.४२००] दियरातो लेवणं, चउक्कभयणा तुजा वणे वुत्ता।
एतो एगतरेणं, मक्खेंताणादिणो दोसा ।। [भा.४२०१] सो पुण लेवो चउहा, समणो पायी विरेग संरोही।
वडछल्लितुवरमादी, अनाहारेण इह पगतं ॥ चू-वेदनंजोउवसमेति, १।पायिपागंकरेति, २॥विरेयणो पुव्वं रुधिरंदोसेवा निग्घाएति, ३। संरोही रोहवेति, ४। जावइया वडछल्लिमादी तुवरा वेयणोवसमकारगा । इह अनाहारिमं परिसावेत॥ [भा.४२०२] नचुप्पतितं दुक्खं, अभिभूतो वेयणाए तिव्वाए।
अद्दीनो अव्वहितो, तंदुक्खऽहियासए सम्मं ॥ [भा.४२०३] अव्वोच्छित्तिनिमित्तं, जीयट्ठीए समाहिहेतुं वा ।
एएहि कारणेहिं, जयणा आलिंपणं कुजा ।।
For Private & Personal Use Only
Jain Education International
www.jainelibrary.org
