Page Text
________________
उद्देशक : १२, मूलं-७७७, [ भा. ४१६८ ]
३३७
चू- अच्छतु ता परमद्धजोयणं, अग्गुज्जाणा परेणं जो उवाइणावेति तस्स चउगुरुगा आणादिया य दोसा, आयसंजमविराधणा य दुविधा भवति ॥ सा इमा
[भा. ४१६९ ] भारेण वेयणाए, न पेहए खाणुमाइ अहिघातो । इरिया-पलिय-तेणग-भायणभेदेण छक्काया ॥
चू- भारक्कंतो वेयणाभिभूतो खाणूमादी न पेखति, अस्सादीहिं वा अभिहन्त्रइ । अधवा - मारक्कंतो अनुवउत्तो वडसालादिणा सिरंसि घट्टिज्जइ, इरिय वा न विसोधेति, दूरवहणेण पगलिते पुढवादि विराधना, तेणेहि वा समुद्देसो हरिज्जति, खुहापिवासत्तस्स भायणंपि भिजेज, तत्थ छक्कायविराधणासंभवो, भायणभेदे अप्पणो परस्स य हानी, जे य दोसा तमावज्जति सावं ।।
चोदगाह - [भा. ४१७०]
उज्जाणा आरेणं, तहियं किं ते न जायते दोसा । परिहरिता ते दोसा, जति वि तहिं खेत्तमावज्जे ॥
चू- पुव्वद्धं कंठं । आचार्याह- पच्छद्धं अनुन्नाए खेत्ते जदि वि दोसे आवज्जति तदावि निद्दोसो ॥ चोदकाह[ भा. ४१७१ ]
·
एवं सुत्तं अफलं, सुत्तनिवातो इमो उ जिनकप्पे । गच्छम्म अद्धजोयण, केसिं ची कारणे तं तु ।
चू- उज्जाणादिक्कमे जदि भारादिए दोसे भणह, तो “परमद्धजोयणातो "त्ति जं सुत्तं एवं निरत्थयं कहं (न] भवतु ? आयरिओ भणति - "जं अग्गुज्जाणं नातिक्कमति" इमो सुत्तत्थो जिनकप्पो । “जो पुण अद्धजोयणमेर "त्ति सुत्तत्थो एवं गच्छवासियाणं । केई पुण आयरिया भणंति-जहा गंच्चवासीणं वि उत्सग्गेणमग्गुज्जामं नातिक्कमति कारणे अद्धजोयणं । एवं अववादियं सुत्तं । अववादेण अववादाववादेण वा अतरपल्लियातो वा परतो वा दूरतो वि आनेंति ।। - जतो भन्नति
[भा. ४१७२] सक्खेत्ते जइ न लब्भति, तत्तो दूरे वि कारणे जतती । गिहिणो वि चिंतणमणा, गतम्मि गच्छे किमंग पुण ||
16 22
Jain Education International
चू- अह अंतरपल्लियाओ जदा खेत्ते न लब्भति तदा कारणे दूरातो वि आनिति, उस्सग्गेण गच्छवासी अद्धजोयणातो आणेंति । सग्गामे न हिंडति । किं कारण ? भन्नति - जइ ताव गिहिणो कयविक्कयसंपउत्ता अगागयमत्थ चितेउं घत-गुल- कडु-लवणतंदुलादी ठवेंति अब्भरहियपाहुणगाऽऽगमणट्ठा । गच्छे किमंग पुण जेसिं कयविक्कयो जेसिं कयविक्कयो संचयो य नत्थि तेहिं सखेत्तं रक्खियव्वं ॥ इमो विधी
[भा. ४१७३]
संघाडेगोठवणा, कुलेसु सेसेसु बालवुढादी । तरुणा बाहिरगामे, पुच्छा नातं अगारीए ॥
- सग्गामे जे सङ्घादी ठवणकुला तेसु गुरुसंघाडो एक्को हिंडत्ति, जाणि सग्गामे सेसाणि कुलाणि तेसु बालवुडसेह असहुमादी हिंडंति । पुच्छति “किं आयरेण खेत्तं पडिलेहितुं रक्खह, बाहिरगामे हिडहं ? " ।। एत्थ आयरिया अगारिदिद्वंतं करेंति
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |