Agam Suttani Satikam Part 16 Nishitha

SR No.: 003320
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 412
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 20 MB

Page 277

२७४
कहं वा निष्फडेंतो ततियव्वतं अतिचरति ?
[भा. ३७२८] अपडुप्पण्णो बालो, बिअट्ठवरिसूणी अहव अणिविट्टे । अम्मापितु-अविदिन्नो, न कप्पति तत्थ वऽन्नत्थ ।।
चू- अपडुप्पण्णो अट्ठवरिसो किंवाधिको वा बिअट्ठवरिसूणं वा सोलसवरिसूणं अवंजणजातं । अहवा - अनिविट्टं अविवाहितं एतप्पगारं अम्मापितिअविदिन्नं । तत्थ वा गमे अन्नत्थ नेतुं न कप्पति पव्वावेतुं । अह निप्फेडे तो तं निप्फेडगतेनं वियाणाहि ।।
इमे एत्थ तेनगविगप्पा
[भा. ३७२९]
चू- इमं वक्खाणं
[भा. ३७३०]
निशीथ-छेदसूत्रम् -२-११/७३८
तेने य तेनतेने, पडिच्छगपडिच्छगे य नायव्वे । एते तु सेहनिप्फेडियाए चत्तारि उ विगप्पा ॥
जो तं तु सयं नेती, सो तेनो होति लोगउत्तरिते । भिक्खातिए गतम्मि उ, हरमाणो तेनतेनो उ ॥
चू- अपडुप्पन्नं बालं हरतो तेनो । स तेनो तं सेहं बाहिं गामादियाण ठवेत्ता अप्पण्णा भिक्खस्स पविट्टे, एत्यंतरे जो तं सेहं अन्नो उप्पोसेत्ता हरति सो तेनतेनो ॥
[भा. ३७३१] तं पुण पडिच्छमाणो, पडिच्छतो तस्स जो पुणो मूला । हति एगंतरितो, पडिच्छगपडिच्छगो सो उ ॥
चू-तेनस्स तेनतेनस्स वा जो पडिच्छति स पडिच्छगो, पडिच्छगस्स जो पुणो अन्नो पडिच्छाति स पडिच्छगपडिच्छगो भण्णति । इह संतरमेव एगंतरं भण्णति । अन्ने भणंति- “गेण्हति एगंतरिउ " त्ति, तेनस्स पडिच्छमाणो तेनपडिच्छओ एक्केकेण अंतरिता पडिच्छगा भवंतीत्यर्थः ॥ सेहनिप्फेडियं करेंतस्स चउगुरुं । आणादी दोसा इमे य
[ भा. ३७३२]
अम्मा पियरो कस्स ति, विपुलं घेत्तूण अत्थसारं तु । रायादीणं कहए, कहियम्मि य गिण्हणादीया || विप्परिणमेव सण्णी, कोई संबंधिणो भवे तस्स ।
[भा. ३७३३]
विप्परिणता य धम्मं, मुएज्ज कुज्जा व गहणादी ।।
चू- सेहमवह नातुं सन्नी विपरिणमेज्जा, सेहस्स वा संबंधी ते य विपरिणता धम्मं मुएज, रायमादिहिं वा गहणादि कारवेज्जा ॥
[भा. ३७३४] निप्फेडणे सेहस्स तु, सुयधम्मो खलु विराहितो होति । सुयधम्मस्स य लोवा, चरित्तलोवं वियाणाहि ॥
[भा. ३७३५] आयरिय उवज्झाया, कुलगणसंधो तहेव धम्मो य । सव्वे वि परिच्चत्ता, सेहं निप्फेडयंतेनं ॥
चू- रायादि रुट्ठे स तेसिं कडगमद्दं करेज । तम्हा मातापित्रेण अदत्ता सेहनिप्फेडिया न कायव्वा ॥ बितियपदेण य करेज्जा । “अतिसेसगम्मि भयणे" त्ति अस्य व्याख्या
[भा. ३७३६ ] होहिति जुगप्पहाणो, दोसा य न केयि तत्थ होहिंति । तेन तसेसी दिक्खे, अमोहहत्थो उ तत्थेव . ।