Page Text
________________
उद्देश : ११, मूलं- ७३८, [भा. ३७२२]
[भा. ३७२२]
छिन्नमछिनने व धने, वावारे काल इस्सरे चेव . सुत्तत्थजाणएणं, अप्पबहुयं तु णायव्वं ॥
चू-पुव्वद्धस्स इमा विभासा[भा. ३७२३]
वावारे काल धने, छिन्नमछिन्ने व अट्ठ भंगा तु । सावित गहिते अकए, मोतुं सेसेसु दिक्खति ॥
चू- छिन्नो वावारो, छिन्नो कालो, छिन्नं धणं, छिन्नं नाम अमुगं कम्मं कायव्वं, एत्तिगं कालं एत्तिएण धनेनं ति । एस पढमभंगो | बितियभंगे - धणं अछिन्नं एवं अट्ठभंगा कायव्वा । एतेसिं अट्ठण्हं भंगाणं वावारे छिन्ने अछिन्ने वा काले विछिन्नाच्छिन्ने सक्खीण पुरतो साविते धणे छिन्ने गहिते अकए य कम्मे न दिक्खंति, सेसेसु दिक्खेंति । ते य सेसा वि चउत्थ छट्टभंगा । अधवा - "सेस"त्ति अट्ठसु वि भंगेसु सक्खिपुरतो असविए धणे छिन्ने अछिन्ने वा अगहिते कए अकए वा कम्मे दिक्खेंति । इदानिं पुणो एयं चेव विसेसेति
[भा. ३७२४] गहिते व अगहिते वा, छिन्नधणे साविए न दिक्खति । अछिन्नधणे कप्पति, गहिते वा अगहिते वा वि ॥
२७३
चू-पढम-ततिय-पंचम-सत्तमे य वावारकालेसु छिन्नाछिन्नेसु सक्खिपुरतो सावितेसु गहिते अगहिते वा छिन्ने धने न दिक्खति । किं कारणमुच्यते - सो भणेज्ज - “मए सक्खिपुरतो सावितं” ति, अन्नं च "मए अन्नो वि न गहितो तुज्झ अब्भाए" त्ति । अछिन्ने पुण धने कप्पति, किं कारणं? जम्हा मोल्लस्स परिमाणं न कयं अकते य परिमाणे ववहारो लब्भति ।।
"इस्सरे" त्ति अस्य व्याख्या
[भा. ३७२५] जत्थ पुण होति छिन्नं, थोवो कालो व होति कम्मस्स । तत्थ अनिस्सरे दिक्खा, ईसरो बंधं पि कारेज्जा ।।
चू- धणं च छिन्नं, बहुं च कम्मं कयं, थोवं च सेसं, कालो वि थोवो अच्छति, एरिसे कम्मे कप्पति जति अनीसरो तो दिक्खिज्जति । ईसरो पुण थोवं कम्मसेसं बला बंधितुं पि कारावेज ।। किं कारणं - इस्सरे न कप्पति । अणीसरे कप्पइ ? ततो भन्नति[भा. ३७२६] घेत्तुं समयसमत्थो, रायकुले अत्तहाणि कढते । फेल्लस्स तेन कप्पति, रोद्दोरसवीरिते वा वि ।।
चू-ते पव्वावितं सेहं सो दरिद्दो सयं अप्पणी घेत्तुमसमत्थो । अध सो दरिद्दो रायकुलं गच्छति दूतगेण कड्डति, तत्थ धनक्खतो भवति, द्रव्याभावात्तं न करोति फेल्लो दरिद्दो, तस्स तेन कप्पति । इस्सरो पुण कढइ अभिनिवेसा उक्कोडं (चं) पि दातुं । जो पुण दरिद्दो रौद्रः उरस्सेण वा जुत्तोमा वधबंधोद्दवणं करेस्सति, तेन फेल्लस्स वि न कप्पति ॥ “भयगे” त्ति गतं । इदानिं सेहनिप्फेडिता'[भा. ३७२७]
ततियव्ववाइयारे, निप्फडग तेणियं वियाणाहि । अतिसेसियम्मि भयणा, अमूढलक्खे य पुरिसम्मि ॥ चू- सेहनिप्फेडियं जो करेति सो ततियं वयं अदिन्नादानवेरमणं अतिचरति । तं केरिसं ?
16 18
Jain Education International
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |