Agam Suttani Satikam Part 16 Nishitha

SR No.: 003320
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 412
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 20 MB

Page 273

२७०
निशीथ - छेदसूत्रम् - २ - ११ / ७३८
कज्जाकज्जं वच्चावच्चं गम्मागम्मं न याणति । भावे अट्ठविहमयमूढो परलोगहियं न पस्सति ॥ [भा. ३७०१ ] अन्नाण कुतित्थिमते, कोहे मानातिमत्तेण वि चेतो । वियडेण व जो मत्तो, न वेयती एस बारसमो ॥
चू- मूढपदे पव्वज्जारिहा भन्नंति
[भा. ३७०२]
मोत्तूण वेदमूढं, आदिल्लाणं तु नत्थि पडिसेहो । वुग्गाहणमण्नाणे, कसायमूढा तु पडिकुट्ठ ।।
चू- वेदमूढो अनरिहो । वेदपदस्स जे आदिल्ला पदा ते सव्वे अरिहा पव्वज्जाए वुग्गाहणअन्नाणकसायमूढा तब्भावणपडिकुट्ठ । मत्तो वि मदत्यो पडिकुट्ठे । वेदवुग्गाहण-अन्नाण-कसायमत्तगमूढं च पव्वावेंतस्स चउगुरुगं आणादिया य दोसा अयस अकित्तीय, बितियपदं असिवादी ।। "मूढे "त्ति गयं । इदानिं "अनत्ते"
[भा. ३७०३]
सच्चित्तं अच्चित्तं, व मीसगं जो अनं तु धारेति । समनाण व समणीण व, न कप्पती तारिसे दिक्खआ ।।
चू- इमे दोसा
[भा. ३७०४]
अयसो य अकित्ती या, तम्मूलागं तहिं पवयणस्स । अन पोच्चड झंझडिया, सव्वे एयारिसा मण्णे ।
- अनंरिणं, पोच्चडं मइलं, दव्वमइलं चक्कियादिपरिहणं, भावे अन्नाणपोच्चडो । “झंझडिए "त्ति झंझडिया रिणे अदिजंते वणिएहिं अणेगप्पगारेहिं दुव्वयणेहिं झडिया झंझडिया, लताकसादिएहिं वा झडिता । सव्वे एयारिसा एते गणेहणकड्डणादिया दोसा ।।
इमं बितियपदं
[भा. ३७०५ ] दानेन तोसितो वा, अहवा वीसज्जितो पहूणं तु । अद्धाणपरविदेसे, दिक्खा से उत्तमट्ठे वा ॥
चू- अद्धपदत्ते दाणेण तोसिएण धणिएण विसज्जितो, “पभु”त्ति धणितो, सव्वम्मि अदिन्ने तेन विसज्जितो पव्वाविज्जत ।। सेसं कंठं । अदाने त्ति गतं । इदानिं जुंगितो
[भा. ३७०६ ]
जाती कम्मे सिप्पे, सारीरे जुंगियं वियाणाहि । समनाण व समणीण व, न कप्पती तारिसे दिक्खा ||
धू- जातिजुंगितो नियमा कुलेण जुंगितो त्ति तम्हा दो वि एकं पदं ॥ सो जुंगितो चउव्विहो इमो
-
[भा. ३७०७] चउरो य जुंगिया खलु, जाती कम्मे य सिप्प सारीरे । नेक्कारपाणडोंबा, वरुडा वि य जुंगिता जाती ॥
चू- जातिजुंगितो पच्छद्धेण भण्णति । जुगुच्छितो कोलिगजातिभेदो नेक्कारो । अन्ने भणंति - लोहकारा हरिएसा मेया पाणा आगासवासिणो डोंबा सुप्पादिया रुडं करेत्ता वरुडातंतिवरत्ता उवलित्ता । एते सब्वे जातिजुंगिता ॥ कम्मजुंगिता
[भा. ३७०८] पोसग-संपर-नड- लंख - वाह- सोगरिग-मच्छिया कम्मे । पदकारा य परीसह, रयगा कोसेज्जगा सिप्पे |