Page Text
________________
१७४
निशीथ - छेदसूत्रम् -२-१०/६५०
त्ति । बीतीभयाओ उज्ज्रेणी किल असीतिमित्तसु जोयणेसु । तत्थ व अकम्हा रायसभाए पजोयस्स अग्गतो पुरिसा कहं कहंति - "बीतीभते नगरे देवावतारियपडिमाए सुस्सूसकारिगा कण्हगुलिगा देवतानुभावेण सुवण्णगुलिगा जाता, अतीव सोहग्गलावन्नजुत्ता बहुजनस्स पत्थनिज्जा जाता ।" तं सुत्ता पोओ तस्स गुलुम्मातितो दूतं विसज्जेति उदायनस्स- “एयं सुवण्णगुलियं समं विसज्जेसु" त्ति । गओ दूतो, विन्नतो उदायनो । उदायणेण रुट्टेण विसज्जितो, अस्सकारियाऽ सम्मानितो य दूतो । अहावत्तं दूतेन पज्जोयस्स कहियं ।
पुणो पोण रहस्सितो दूतो विसजिओ सुवण्णगुलियाए जइ मं इच्छसि वा तोऽहं रहस्सियमागच्छामि । तीए भणियं - जति पडिमा गच्छति तो गच्छामि, इयरहा नो गच्छे । गंतुं दूतेन कहियं पञ्जोयस्स । ततो पज्जोतोऽनलगिरिणा हत्थिरयणेण सण्णद्धणिमियगुडेण अप्पपरिच्छडेनागतो, अहोरत्तेण पत्तो, पओसवेलाए पविट्ठा चरा, कहियं सुवण्णगुलियाते । तत्थ य बालवसंतकाले लेपगमहे वट्टमाणे पुव्वकारिता पज्जोएण लेपगपडिमा मंडियपसाधिता गीताओज्जनिग्घोसेण रायभवणं पवेसिता देवतावतारियपडिमाययणं च । भवियव्वताए छलेण य तम्मि आययणे साठविता । इयरा देवावतारियपडिमा कुसुमोमालियगीयवाइत्तनिग्घोसेण सव्वजनसमक्खे लेप्पछलेण णिता सुवण्णगुलिगा य । पडिमं सुवण्णगुलिगं च पज्जोतो हरिजं - गतो । जं च रयणिऽनलगिरी वीतीभए नगरे पवेसिंतो तं रयणि अंतो जे गया तेऽनलगिरिणो गंधहत्थिणो गंधेण आलाणखंभं भंतुं सव्वे वि लुलिया सव्वजनस्स य जायंति। महामंतिजनेन य उन्नीयं - नूनं एत्थऽनल गिरी हत्थी खंभविप्पणट्ठो आगतो, अन्नो वा कोइ वणहत्थी ।
-
पभाए रन्ना गवेसावियं । दिट्ठोऽनलगिरिस्स आनिमलो । पवत्तिबाहतेनकहियं - रन्नो आगतो पज्जोतो पडिगओ य । गवेसाविता सुवण्णगुलिगा यत्ति, नायं तदट्ठा आगतो आसि त्ति । रन्ना भणियं - पडिमं गवेसहि त्ति । गविट्ठा। कुसुमोमालिया चिट्ठइ न व त्ति, देवतावतारियपडिमाए य गोसीसचंदनसीतानुभावेण य कुसुमा नो मिलायंति । ण्हायपयतोतराया मज्झण्ह देसकाले देवाययणं अतिगओ, पेच्छती य पुव्वकुसुमे परिमिलाणे । रन्ना चिंतियं किमेस उप्पातो, उत अन्ना चेव पडिम त्ति ? ताहे अवनेउं कुसुमे निरिक्खिता, नायं हडा पडिमा । रुट्ठो उदायनो दूतं विसजेति, जइ ते हडा दासचेडी तो हडा नाम, विसज्जेह मे पडिमं । गतपञ्च्चागतेन दूतेन कहियं उदायणस्स - न विसज्जेति पज्जोओ पडिमं । ततो उदायणो दसहिं मउडबद्धरातीसह सव्वसाहण - बलेण पयातो । कालो य गिम्हो वट्टति । मरुजणवयमुत्तरंतो य जलाभावे सव्वखंधवारो ततियदिने तिसाभिभूतो विसण्णो । उदायनस्स रन्नो कहियं ।
·
रन्ना वि अप्पबहुं चिंतिउं नत्थि अन्नो उवातो सरणं वा, नत्थि परं पभावतिदेवो सरणं ति, पभावतिदेवो सरणंसि कओ । पभावतिदेवस्स कयसिंगारस्सासणकंपो जाओ, तेन ओही, पउत्ता, दिट्ठा उदायनस्स रन्नो आवत्ती । ततो ओ आगतो तुरंतो पिनद्धंखं परं जलधरेहिं पुव्वं अप्पातितो जणवओ पविरलतुसारसीयलेण वायुणा । ततो पच्छा वालपरिक्खितं व जलं जलधरेहिं मुक्कं सरस्स तं च जलं देवता-कय-पुक्खरणीतिए संठियं, देवयकयपुक्खरणि त्ति अबुहजनेणं “ति पुक्खरं” ति तित्थं पवत्तियं । ततो उदायनो राया गतो उज्जेनिं । रोहिता उज्जेनी । बहुजनक्खए वट्टमाणे उदायनेन पज्जोतो भणिओ - तुज्झं मज्झ य विरोहो । अम्हे चेव दुअग्गा जुज्झामो, किं
For Private & Personal Use Only
www.jainelibrary.org
Jain Education International
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |