Page Text
________________
निशीथ - छेदसूत्रम् -२-१०/६४५
चू- “वावडो” व्यापृतः, अक्षणिकः, तस्य भिक्खुणो अन्नो भिक्खू जो न पडितप्ति तस्स
चउगुरुं परितावणातिनिप्फण्णं च । इमं च पावति
१५४
[भा. ३११५] सो आणा अणवत्थं, मिच्छत्त विराहणं तहा दुविहं । पावति जम्हा तेनं, तं पडितप्पे पयत्तेणं ॥
चू- तम्हा तस्स पडितप्पियव्वं सव्व पयत्तेण ॥ कारणे न पडितप्पिज्जा वि[ भा. ३११६] बितियपदं अणवट्ठो, परिहारतवं तहेव य वहंतो । अत्तट्ठियलाभी वा, सव्वहा वा अलंभंते ॥
चू- अणवट्ठतवं जो वहति साहू सो न पडितप्पेज्जा । अणवत्थो वा कारणे गिलाणवेयावच्चकरो कतो तस्स इयरे नो पडितप्पति, एवं परिहारिओ वि वत्तव्वो, अत्ताहिट्ठियजोगी अत्तलाभिओ अन्नरस संतियलाभं नो भुंजति अतो अपडितप्पेज्जा, तहावि अलब्धंते अपडितप्पमाणो वि सुद्धो । मू. (६१९) जे भिक्खू गिलाणवेयावच्चे अब्भुट्ठिए गिलाणपाउग्गे दव्वजाए अलब्भमाणे जो तं न पडियाइक्खइ, न पडियाइक्खंतं वा सातिज्जति ॥
- भिक्खू गिलाणो य पूर्ववत्, अब्भुट्ठितो वेयावच्चकरणोद्यतः, पाउग्गं ओसहं भत्तं पानं वा, तम्मि अलब्भते जति सो वेयावच्चकरो अन्नेसिं साहूणं न करेहि आयरियस्स वा, तो चउगुरुगं परितावमदिनिप्फण्णं च ।
[भा. ३११७] आउरपाउगगम्मी, दव्वे अलब्धंते वावडे तत्स । जो भिक्खू नातिक्खति, सो पावति आणमादीणि ॥
चू- वावडो व्यापृतः नियुक्तः, जति अन्नेसिं न कहेति तो आणादिणो दोसा ॥
"दव्वजाए" त् अस्य सूत्रपदस्य - व्याख्या
[भा. ३११८ ] जायग्गहणे फासु, रोगे वा जस्स जं च पाउग्गं । तं पत्थ-भोयणं वा, ओसह - संथार-वत्यादी ।।
चू- अलब्भमाणे अन्नेसिं साधूणं अकहिज्जंते इमे दोसा
[भा. ३११९] पारतावमहादुक्खे, मुच्छामुच्छे य किच्छपाणे य । किच्छुरसासे य तहा, समोहए चैव कालगते ॥
चू- परितावण दुविधा - अनागाढागाढा, पासे छप्पयाए गाहाए चेव गहिता ॥ एसु अट्ठसु पदेसु जहासंखं इमं पच्छित्तं
[भा. ३१२०] चउरो लहगा गुरुगा, छम्मासा होंति लहुग गुरुगा य । छेदो मूलं च तहा, अणवट्टप्पो य पारंची ॥
चू- जम्हा एते दोसा
[भा. ३१२१] तम्हा आलोएज्जा, संभोइय असति अन्नसंभोए । जइऊण च ओसन्ने, सच्चेव उ लद्धिहाणिधरा ॥
चू- आलोयणं नाम अन्नेसिं आख्यानं, तं च आख्यानं सगच्छे, तेसिमसति अन्नगच्छे संभोतियाणं, तेसिमसति अन्नसंभोतियाणं, तेसिमसति पणगपरिहाणीए जतितुं जाहे मासलहुं पत्तो ताहे ओसन्नाणं कहेंति, जइ एवं न करेति तो सच्चेव इहलोइय-परलोइयलद्धिहानीदोसो
Jain Education International
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |