Page Text
________________
निशीथ-छेदसूत्रम् -२-१०/६४२
जइ एयं नातियामि तो मे रयणोवज्जणं निरत्थयं सव्वं, कामभोगाण य अनाभागी भवामि, ताहे तं पिवता अडविं नित्थिण्णो । सयणधण कामभोगाण य सव्वेसिं आभोगी भवति ॥ इदानिं दिट्ठतोवसंहारो
१२८
[भा.२९६४] वणिउव्व साहु रयणा, महव्व अडवि (य] ओममादीणि । उदगसरिसं च वंतं, तमादियं रक्खए ताणि ॥
चू- वणिय- सरिच्छो साहू, रयण-सरिच्छा महव्वता, उवसग्गपरिसह- सरिच्छा तक्करा, ओमादि सरिच्छा अडवी, वंतं मडगतोयसमं, फुट्टपत्थरसमाणे सादियारा महव्वया । कारणे वंतमादियंतो महव्वए - रक्खति । अद्धाणसीसए मणुण्णं आहारियं वंतं च ॥ ताहे
[भा. २९६५ ] दिवसतो अन्नं गेण्हति असति तुरंते य सत्थे तं चेव । निसि लिंगेणऽन्नं वा, तं चैव सुगंधि दव्वं वा ॥
चू- दिवसतो अन्नं गेण्हति, अन्नंमि वा अलभंते रातो अन्नं गेण्हति, तस्स वि अभावे सत्थे वा तुरियं पधावमाणे ताहे तं चैव बंतं घेत्तुं चाउज्जातगादिणा सुगंधदव्वेण वासित्ता भुंजति, न दोषेत्यर्थः ॥
मू. (६४३) जे भिक्खू गिलाणं सोच्चा, न गवेसति न गवेसंतं वा सातिज्जति ॥
चू- जे त्ति निद्दिसे । भिक्खू पुव्ववण्णिओ । ग्लै हर्षक्षये । इमस्स रोगातंकेण वा सरीरं खीणं, सरीरक्खयो भवति तं गिलाणं, अन्नसमीवाओ सोच्चा सयं वा नाऊणं जो न गवेसति तस्स चउगुरुं, जं सो गिलाणो अगविट्ठो पाविहिति परितावादि तन्निष्फण्णं पच्छित्तं पावेति, तम्हा गवेसियव्वो ।
[भा. २९६६ ]
सग्गामे सउवस्सए, सग्गामे परउवस्स चेव । खेत्तंतो अन्नगामे, खेत्तबहि सगच्छ-परगच्छे ।।
[भा. २९६७] सोच्चाणं परसमीवे, सयं च नाऊण जो गिलाणं तु । न गवेसयती भिक्खू, सो पावति आणमादीणि ।।
- सग्गा सवउस्सए गिलाणो गवेसियव्वो । सग्गामे परउवस्सए तत्थ वि गवेयव्वो । खेत्तंतो अन्नगामे एत्थ गिलाणो गवेसियव्वो । अह अन्नगामे खेत्तबहि एत्थ वि गिलाणो गवेसियव्वो । एतेसु ठाणेसु सगच्छिल्लो परगच्छिल्लो वा भवतु गवेसियव्वो । अहवा बहुगिलाण - संभवे इमा विधी - अहवा- सग्गामउवस्सए सगच्छिल्लो परगच्छिल्लो य दो वि गिलाणा । पुव्वं सगच्छिल्लो गदेसियव्वो, पच्छा परगच्छिल्लो । एवं सव्वट्ठाणेसु पुव्वं आसन्नतर गवेसियव्वो । बितियपदेण असिवादिकारणेहिं अगवेसंतो सुद्धो ।
[भा. २९६८ ]
असिवे ओमोयरिए, रायट्ठे भए व गेलण्णे । अद्धाण रोहए वा, न गवेसेज्जा य बितियपदं ॥
मू. (६४४) जे भिक्खू गिलाणं सोचा उम्मग्गं वा पडिपहं वा गच्छति, गच्छंतं वा साति० ॥ [ भा. २९६९ ] सोऊण जो गिलाणं, उम्मग्गं गच्छे पडिपहं वा वि ।
माओ वा मग्गं, संकमती आणमादीणि ।।
धू- उम्मग्गा नाम अडविपहेण गच्छति । अहवा - अपंथेण चेव, “पडिहेणं" ति जेनागतो
Jain Education International
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |