Page Text
________________
८५
पीठिका - [भा. २६३]
चिरं आसमाणस्स जदा सरीरं दुक्खिउमारद्धं तदा परिवत्ति उमण्णा द्वाति त्ति वृत्तं होइ । उल्लंघणं एलुगस्स “आदि” सद्दाओ संथारगस्स भित्तिफलगाण वा । एवमादिसु चेट्ठासु ते संसत्तवसहीए पाणिणो वहति ॥
किंचजा एया ठाण-निसीयणादियाओ चेट्ठाओ भणिया जाओ संजमकरीओता इच्छिज्जूंति, न इयरातो । जओ भण्णति
[भा. २६४] जा चिट्ठा सा सव्वा, संजमहेउं ति होति समणाणं । संसत्तवस्सए पुण, पच्चक्खमसंजमकरी तु ॥
चू. जा इति अनिद्दिट्ठसरूवा चेट्ठा घेप्पति । अहवा "जा" इति कारणिककायक्रियाप्रदर्शनेत्यर्थः, कायक्रिया चेष्टा भण्णति । सव्वा असेसा । पावविणिवत्ती संजमो भण्णति । हेऊ कारणं । तु सद्दो अवधारणे । होइ भवति । समणाणं साहूणं ति वृत्तं भवति । इह पुण संसत्तुवस्सए पञ्च्चक्खमसंजमकरी किरिया साहूणं भवतीत्यर्थः । तु सद्दो अवधारणे । वसति त्ति दारं गतं ।
इदानिं उवहि त्ति दारं
[भा. २६५ ] छप्पति दोसा जग्गण, अजीर गेलण्ण तासिं परितावे । ओदणपडिते भुत्ते, उड्डुं डउरातिया दोसा ।।
चू. छप्पति त्ति जूआ भण्णंति, ताहिं जत्थ विसए उवहि संसज्जति तत्थ बहु दोसा भवंति इमे ताहिं खज्रमाणो जग्गति, जागर माणस्स भत्तं न जीरति, अजीरमाणे य गेलण्णं भवति, एत्थ गिलाणारोवणा भणियव्वा ।
अहवा ताहिं खज्जमाणो कंडूयति, कंडूयमाणस्स खयं भवति, एवं वा गिलाणारोवणा । तासिं परितावो त्ति तासिं छप्पयाणं कंडूडयमाणो परितावणं करेति, संघट्टति, उद्दवेइ वा । एत्थ तन्निफण्णं पायच्छित्तं दट्ठव्वं । इह पुव्वद्धे आयसंजमविराहणा दो वि दरिसिया । इमा पुण | आयविराहणा ओयणपडिते भुत्ते त्तिओदणो कुरो तत्थ पडिया छप्पतिता, सो य ओदणो भुत्तो, यि भुत्ते उड्डुं भवति, डउयरं वा भवति, “डउयरं” जयोयरं भण्णति । उवहि त्ति दारं गयं ॥ इयाणिं फलग-संथारे त्ति दारं
[भा. २६६ ]
संसत्तेऽपरिभोगो, परिभोगामंतरेण अधिकरणं । भत्तोवधि संथारे, पीढगमादीसु दोसाओ ॥
चू. संसत्ते त्ति फलगसंथारेसु संसत्तेसु अपरिभोगो त्ति अभुजमाणेसु, परिभोगमंतरेणं परिभोगस्स अंतरं परिभोगमंतरं परिभोगाभावेत्यर्थः, अधिकरणं ति अपरिभुज्जमानं अधिकरणं भवति । कहं ? यतोऽभिधीयते ।
“जं जुज्जति उवकारे, उवकरणं तं से होइ उवकरणं ।
अतिरेगं अहिकरणं, अजओ य जयं परिहरंतो” ॥
भत्तोवहिसंथारे पीढगमादीसु दोसाओ एते जे अधिकरणं ते भणिया । तु शब्दः दोसावधारणे अहवा इमे दोसा
[भा. २६७ ]
संसत्सु तु भत्तादिए, सव्वेसिमे भवे दोसा । संघट्टादि पमज्जण, अपमज्जण सज्जघातो य ॥
चू. पुव्वद्धं कंठं । संघट्टादि त्ति संघट्टणं फरिसणं, "आदि" सद्दातो परितावणोद्दवणं
For Private & Personal Use Only
www.jainelibrary.org
Jain Education International
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |