Page Text
________________
पीठिका - [भा. २१० ]
७३
1
थुतीतो वा तत्तिया मासलहु भवंति । अह करेति तं चेव य मासलहुं । संडासगपमज्जणे अपमज्जणे विमासो ॥ निक्खमण - पवेसे त्ति दो दारा - इमा व्याख्या - आवस्सिया निसीहिय, पमज्जासज्ज करणे इमं तु । पणगं पणगं लहु लहु, आवडणे लहुगं जं चण्णं ॥
[भा. २११]
चू. निक्खमंतो आवस्सियं न करेति, पविसंतो निसीहियं न करेति, निंतानितो वा न पमज्जति, आसज्जं वा न करेति, एतेसिमं पायच्छित्तं आवासिगातिसु जहासंखेण पणगं, पणगं, मासलहु, मासलहु । अहावस्सिणीसीहिया न करेति तो पनगं चेव असमायारिनिप्फण्णं वा । पमज्जासज्जाणं पुण करणे अगिनिनिप्फण्णं । निक्खमण - पवेसे त्ति दारा गया ।
आवडण - पडणे त्ति दारा । आवडणं पक्खलणं, तं पुण भूमिअसंपत्तो, संपत्ती वा जाणुक्कोप्परेहिं । पडिओ पुण सव्वगत्तेण भूमीए । एत्थ आवडणे लहुग त्ति आवडणे पडणे वा चहुत्ति भणितं भवति । "जंचण्णं त्ति" आवडितो पडिओ वा छण्ह जीविणिकायाण विराहणं करिस्सती तं निप्फण्न त्ति भणियं होति । अहवा आत्मविराहणानिष्फण्णं, अहवा अगणिनिप्फण्णं || आवडण - पडण त्ति दारा गता । गतं च संघट्टन दारं । इयाणिं तावणे त्ति - दारं -
[भा. २१२]
सेहस्स विसीदणता, उसक्कतिसक्कनऽन्नहिं नयनं । विज्झविऊण तुयट्टन, अहवा वि भवे पलीवणता ॥ सच्चित्तमीस अगणी निक्खित्ते संतणंतरे चैव । सोधी जह पुढवी तावणदारस्सिमा वक्खा ॥
[भा. २१३]
चू. अगणिसहितोवस्सए ट्ठिताणं सीयत्तो सेहो अप्पाणं पि तावेजा, हत्थपादे वा । तावणे त्ति दारं गयं ।
उक्कमेणं इंधणे त्ति दारं वक्खाणे त्ति - इंधण तमेवं दारुयं करेति । उसक्कतिसक्कन त्ति लहुं विज्जाउत् जलमाणिंधणाणं उकट्टणा उसक्कणा भन्नति, जलउ त्ति तेसिं चेव समीरणा अतिसक्कणा भन्नति, अन्नं वा इंधणं पक्खिवइ । इंधणे त्ति दारंगयं ।
इदाणि संकमणेत्ति दारं - अन्नहिं नयनंति स्थानात्स्थानान्तरं संक्रमेत्यर्थः । तत्पुनः शयनीयस्थानाभावात्करोति, प्रदीपनकभयाद्वा । संकमणे त्ति दारं गयं ।
इदाणि संकमणेत्ति दारं-विज्जवितूण तुयट्टणे त्ति पलिवणगभया निव्वावेतुं छारधूलीहिं स्वपितीत्यर्थः । इह वक्खाणुक्कमकरणं ग्रंथलाघवार्थ । निव्वावणे त्ति दारं गतं ।
इदाणिं करणंचत्ति दारं- अलातचक्रादिकरणं करणेत्यर्थः । तत्रात्मविराधना अग्निविराघना वा | अहवा विभवे पलीवणय त्ति तेनालातेन भ्राम्यमाणेन प्रदीपनं स्यात् ॥
तत्थ इमं पायच्छित्तं
[भा. २१४]
गाउय दुगुणा दुगुणं बत्तीसं जोयणाई चरिमपदं । दण व वते तुसिणी य पओस उड्डाहे ॥
चू. पुव्वद्धं कंठं । नवरं - चउलहुगादी पच्छित्तं । दवण व वच्चंते तुसिणीए त्ति देवउलादिंमि प्रलित्ते आत्मोपकरणं गृहीत्वा आत्मापराधभयात्साधवः प्रयाताः, ते य वच्चंते तुसिणीए दहूणं गिहत्था पदोसं गच्छेज्जा उड्डाहं वा करेज्जा । ते य पदुट्ठा भत्तोवकरणं वसहिं वा न देजा, पंतवणा
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |