________________
६४
निशीथ-छेदसूत्रम् -१नीहारिया जा सा वा घेप्पति । तस्सासति वंमीए वम्मितो रप्फो, ततो वा घेप्पति । तस्सासति पंथे तत्थ वा जनपद-निग्घात–विद्धत्था घेप्पति । तओ हलस्स चउयादिसु जा लग्गा सा वा घेप्पति खणणं अलिप्तं तस्स वा जा अग्गे लग्गा सा वा घेप्पति । नवेसु वा गामागरादिनिवेसेसु घराण कुड्डेसुघेप्पति । अंगुलमादी अहो खणति । खित्तादिणिमित्तं गिलाणणिमित्तं लोणंघेप्पति, एते दो गिलाणदारा ॥ एतेसिं सत्थहताण असती य कतो घेतव्वा ? अतो भणति[भा. १७२] सत्थहताऽऽसति, उवरिंतु गेण्हति भूमि तस दयट्ठाए।
उवयारनिमित्तं वा, अह तंदूरं व खणितूणं ॥ चू. दड्डाति सत्थहताणं असती सचित्तपुढवीए उवरिल्लं गेण्हति अखणित्ता, खम्ममाणाए पूण भूमीए जे तसा मंडुक्कादि ते विराहिजंति। अहवा भूमिट्ठियाणं तसाणंच दयाणिमित्तं अहो न खण्णति, उवरिल्लं गेण्हति । उवयारणिमित्तं नाम जा अहया अणुहता सती पुढवी, तीए कज्जं परिमंतेऊण किंचि कज्जं कायव्वं, अओ एतेण कारणेण अंगुलं वा दोवा तिन्नि वा खणिऊण गेण्हेज्जा । अंगुले त्ति गतं॥खित्तादिति-कोइ गच्छे खित्तचित्तो दित्तचित्तोजक्खाइट्ठो उम्मायपत्तो वा होज्जा । सो रक्खियव्वो इमेण विहिणा[भा. १७३] पुव्वखतोवर असती, खित्ता दट्ठा खणिज वा अगडं।
अतरंतपरियरट्ठा, हत्यादि जतंति जा करणं॥ चू. पुव्वखओ जो भूधरोव्वरो तंमि सो हविजति । असति पुव्व-खयस्स भूघरोव्वरस्स। खित्तादीणं अट्ठा, अट्ठा निमित्तेणखणेज्जा वा अगडं-अगडो कूवो । एस आदि सद्दो वक्खाओ। हत्थादि त्ति गयं । अतरंतपरियरट्ठा वा, अतरतो गिलाणो, तं परिचरंता, तस्सट्टा अप्पणट्ठा वा संसरक्खहत्यादिदारेहिं जयंति, सव्वेहिं दारेहि-जाव-करणदारं ।। इदाणिं गिलाणे त्ति दारं[भा. १७४] लोणं व गिलाणट्ठा, धिप्पति मंदग्गिणं व अट्ठाए।
दुल्लह लोणे देसे, जहिं व तं होति सच्चित्तं ॥ चू. गिलाणनिमित्तं वा लोणं घेप्पति । अगिलाणो वि जो मंदग्गी तस्सट्टा वा घेप्पति ।तं पुण दुल्लभलोणे घेप्पति । तत्थ पुण दुल्लभलोणे देसे उक्खडिज्जमाणे लोणं न छुब्भति, उवरि लोणं दिज्जति । तेण तत्थ मंदग्गी गेण्हति । तं पुण गेण्हमाणो जत्थ सचित्तं भवति तत्थ न गेण्हति । तं सचित्तट्ठाणं परिहरति । इमा जयणा घेत्तव्वा - [भा. १७५] सीतं पउरिघणता, अचेलकनिरोध भत्त घरवासे ।
. सुत्तत्थ जाणएणं, अप्पा बहुयं तु नायव्वं ॥ चू. जंमि देसे सीयं पउरं, जहा उत्तरावहे, तत्थ जे मंदपाउरणा ते पउरिंधणेहिं अग्गिं करेंति, तंमि उच्चरगेज लोणं तं ताव घूमादिहिं फासुतीभूतं गेण्हति । गाहा पुव्वद्धऽत्थो सव्वो एत्थ भावेयव्यो । अहवा सीतेण जं घत्थं तं घेप्पति । घूममाइणा वा पउरिघणेण जं मीसं तं घेप्पति । अचेलगनिरोहे पुव्ववक्खाणं । भत्तघरए वाजंट्ठियं तं घेप्पि । एतेसिं असति अनिव्वणं पिघेप्पति सच्चित्तं । तं पुण सुत्त जाणएण । अप्पा-बहुयं नाऊण घेत्तव्वं । किं पुण अप्पाबहुयं? इमं, “जइत्तं तं लोणं न गेण्हति तो गेलण्णं भवति । गेलण्णे यबहुतरा संजमविराधना । इतरहा न भवति।" गेलण्णे ति दारं गयं ॥इदानिं ओमे त्ति दारं
Jain Education International
For Private & Personal Use Only
www.jainelibrary.org