Page Text
________________
पीठिका - [भा. १६७ ]
६३
ततो तस्स वेयणा भवति मरति वा, एतेण कारणेणं पुत्तलगं पि पडिणीय - मद्दण - निमित्तं कज्जति, दंडिय -वशीकरण- निमित्तं वा कज्जति खरणे त्ति दारं गयं । एवं ताव अद्धाणदारे ससरक्खादिया सव्वे दारा अववदिता । अद्धाणे ति दारं गयं ॥
इयाणि कज्ज-संभमा दो वि दारा जुगवं वक्खाणिज्जंति - असिवादियं कज्जं भन्नति । अग्गि- उदग - चोर- बोधिगादियं संभमं भन्नति । एतेसु गाहा -
[ भा. १६८ ] जह चेव य अद्धाणे, अलाभगहणं ससरक्खमादीहिं । तह कज्जसंभमंमि वि, बितियपदे जतन जा करणं ।।
चू. जहा अद्धाणदारे अलाभे सुद्धभत्त - पाणस्स असंथरंताण ससरक्खामादी दारा अववतिता तहा कज्जसंभमदारेसु वि “बितियं पयं” अववायपयं-तं पतेण ससरक्खादिदारेहिं "जयणा" कायव्वा "जाव करणं" । करणं ति वाओउल्लगकरणं । कजसंभमे त्ति दारा गता । इदाणिं सागारिय पडिपह फिडिय दारा तिन्नि वि एगगाहाए वक्खाणिज्जंति
[ भा. १६९]
पडिवत्तीइ अकुसलो, सागारिए वेत्तु तं परिठावे । दंडियमादिं पडिप, उव्वत्तण मग्गफिडिता वा ॥
चू. कोइ साहू भिक्खाए अवइण्णो । तस्स य ससरक्खमट्टियालित्तेहिं हत्थेहिं भिक्खा निप्फेडिया । तओ स साहू चिंतयति- “एस तत्थ धिज्जाति, तो विदू चिट्ठति, एस इमं पुच्छिस्सति "कीस न गेण्हसि” ? अहंच पडिवत्तीए अकुसलो, “पडिवत्ती" प्रतिवचनं, जहा एतेण कारणेण न वट्टति तहा अकुसलो उत्तरदानासमर्थ इत्यर्थः । ततो एवं सागारिए तमकप्पियं भिक्खं घेत्तुं पच्छा परिट्ठवेति । एवं करेंतो सुद्धो चेव । सेसा पदा पायसो न संभवंति । सागारिए त्ति दारं गयं इदानिं पडिप त्ति दारं- पडिपहेण दंडिओ इति, आस-रह-हत्थिमाइएहिं पडिणीओ वा पडिपण एति, ताहे उव्वतति पहाओ, न पमज्जए वा पादे, एवं सच्चित्त- पुढवीए वच्चेज्जा । पडिपत्ति दारं गयं ।
इदानिं फिडिए त्ति दारं - मग्गातो विपणट्टो सच्चित्तमीसाए “वा" पुढवीए गच्छेज्जा, पप्पडएण वा गच्छेज्जा । फिडिए त्ति दारं गयं ॥ इदाणिं दीहाति त्ति दारं तत्थ - रक्खाभूसणहेउं, भक्खणहेउं व मट्टिया गहणं । दीहादीहि व खइए, इमाए जतणाए नायव्वं ॥
[भा. १७० ]
चू. दीहादिणा खइए मंतेणाभिमंतिऊण कडगबंधेण रक्खा कज्जति, मट्टियं वा मुहे छोढुं sat आसिजति आलिप्पति वा विसाकरिसणणिमित्तं मट्टियं वा भक्खयति, सप्पडक्को मा रित्तकोट्ठो विसेण भाविस्सति । दीहाइणा खइए एसा जयणा । जया पुण सा मट्टिया घेप्पइ तया इमाए जयणा ॥ १७० ॥
[भा. १७१]
दड्ढे मुत्ते छगणे, रुक्खे सुणाणे वंमिए पंथे ।
हल - खणण - कुडुमादी, अंगुल खित्तादि लोणे य।
चू. पढमं ताव जो पएसो अग्गिणा दड्ढो तओ घेप्पति । तस्सासति गोमुत्ताति भावियातो वा । ततो जंमि पदेसे छगणछिप्पोल्ली वरिसोवट्ठावया ततो घेप्पति । पिचुमंद - करीर - बब्बूलादि तुवररुक्खहेट्ठातो वा घेप्पति । अलसो त्ति वा, गडूलो त्ति वा, सुसुणागो त्ति वा एगठ्ठे । तेणाहारेउं
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |