________________
निशीथ-छेदसूत्रम् -१
६०
करेंतस्स अट्टमवाराए पारंचियं भवति ।
इदाणि मीसगपुढविक्कायं खणंतस्स पायच्छित्तं भन्नति - मीसे पुढविक्काए पढमं चउक्कं खणंतस्स मासलहुं, बितियचउक्के मासगुरु, ततियचउक्के चउलहुं, चउत्थचउक्के चउगुरुं, पंचमे चउक्के छलहुँ, छट्टे चउक्के छगुरुं, पणछव्वीसंगुलेसु छेओ, सत्तट्ठवीसेसु मूलं, अउणतीस-तीससु अणवट्ठो, अतो परं पारंचियं । मीसाभिक्खसेवाए दसमवाराए पारंचियं पावति । अन्ने पुण आयरिया-सच्चित्त-पुढविक्काए खणणाभिक्खासेवं एवं वण्णयंति-अभिक्खणेणं अंगुलं एक्कसिं खणतिङ्क । बितिय वाराएङ्का । ततिय वाराए फुं । चउत्थ वाराए फुं । एवं- - जाव- - चउवीसतिवाराए पारंचियं पावति । एवं मीसेवि बत्तीसतिवाराए पारंचियं पावति ॥ १५६ ।। सीसो पुच्छति कीस उवरि चउरंगुलिया वुड्ढी कता अहे दुयंगुलिया ? आयरिओ भणति - [भा. १५७] उवरिं तु अप्पजीवा, पुढवी सीताऽऽतावऽनिलाऽभिहता । चउरंगुलपरिवुड्डी, तेणुवरिं अहे दुअंगुलिया ।।
चू. कंठा । अंगुले त्ति दारं गतं ।। इयाणि पमाणे त्ति दारं । तत्थ गाहा [ भा. १५८ ] कलमत्तातो अद्दामल चतुलहु दुगुणेण अट्ठहिं सपदं । मीसंमि दसहिं सपदं, होति पमाणंमि पत्थारो ।।
चू. "कलो" चणगो । तप्पमाणं सचित्त - पुढविक्कायं गेण्हति चउलहुयं । उवरिं कलमत्तातो - जावअद्दामलगप्पमाणं एत्थ वि “चउलहुयं" चेव । दुगुणेणं ति अओ परं दुगुणा बुड्ढी पयट्टति दो अद्दामलगप्पमाणं सचित्त- पुढविक्कायं गेण्हति चउगुरुयं । चउ अद्दामलगप्पमाणं पुढविक्कायं गेण्हति छल्लहुअं । अट्ठ अद्दामलगप्पमाणं गेण्हति छगुरुं । सोलस अद्दामलगप्पमाणं गेण्हति तस्स छेदो । बत्तीसादादमलगप्पमाणं गेण्हति मूलं । चउसट्ठि - अद्दामलग प्पमाणं गेहति अणवट्टप्पो । अट्ठीसुत्तरसयअद्दामलगप्पमाणं गेण्हति पारंचियं । एवं अट्ठहिं वारेहिं सपयं पत्तो । मीसंमि दसहिं सपदं होति । पमाणंमि त्ति पमाणदारे । पत्थारो त्ति अद्दामलगादि दुगुणा दुगुणेणं जाव - पंचसयारसुत्तरा । एतेसु मासलहुगादी पारंचियावसाणा पच्छित्ता । एवं दसहि सपदं ॥ एसेव अत्थो पुणो भन्नति अन्याचार्यरचित-गाहासूत्रेण[भा. १५९] कलमादद्दामलगा, लहुगादी सपदमट्ठीउवीसएणं । पंचे वारसुत्तर, अभिक्खट्टहिं दसहिं सपदं तु ॥
चू. कंठा । नवरं - अभिक्खट्ठहिं दसहिं सपदं तु । एसा अभिक्खसेवा गहिता । सचित्त पुढविक्काते अभिक्खसेवाए अट्ठहि सपदं, मीसेअभिक्खसेवाए दसहिं सपदं । पमाणेत्ति दारं गयं ।। इदाणिं गहणे त्ति दारं । तं च इमं -
[भा. १६०]
गहणे पक्खेवंमि य, एगमनेगेहिं होति चतुभंगो ।
दि गहणा तति मासा एमेव य होति पक्खेवे ॥
चू. गहणं हत्थेण, पक्खेवो पुण मुहे भायणे वा । एतेसु य गहण - पक्खेवेसु चउभंगो । सो इमो, एगं गहणं एगो पक्खेवो, एग गहणं अनेगपक्खेवा, अनेगाणि गहणाणि एगो पक्खेवो, अनेगाणि गहणाणि अनेगे पक्खेवा । एवं चउभंगेषु पूर्ववत् स्थितेषु पढमभंगे दो मासलहु, सेसेहिं तिहिं भंगेहिं जत्तिय गहणा पक्खेवा तत्तिया मासलहु । एवं भायणपक्खेवे मासलहुँ,
Jain Education International
For Private & Personal Use Only
www.jainelibrary.org