________________
निशीथ-छेदसूत्रम् -१-५/३७८
४३२
चत्तारि सता बत्तीसा भवंति ॥
" आहे" त्ति दारं गतं । इदामि " अभिग्गहे "त्ति दारं[भा.२१३८] अभिग्गहसंभोगो पुण, नायव्वो तवे दुवालसविधम्मि । दानग्गहेण दुविधो, सपक्खपरपक्खतो भइतो ।।
चू- अभिराभिमुख्येन अहो अभिग्गहो, सो वि तवे दुवालसविधे जहासत्तीए अभिग्गहो घेत्तव्वो, सत्तिं परिहावेमाणस्स पच्छित्तं । इदानिं “दानग्गहणे" त्ति दारं- दानग्गहणे दुविधो संभोग - सपक्खे परपक्खे य । एत्थ चउक्को भंगो - दानं गहणं, एत्थ संभोतिता । दानं नो गहणं, एत्थ संजतितो । नो दाणं गहणं, एत्थ गिहत्था । नो दानं नो गहणं, एत्थ पासत्थाती । पढमबितिया सवक्खे, ततितो परक्खे । चउत्थो संभोगं पति सुण्णो ॥ दानग्गहणे त्ति दारं गतं । इदानिं “ अनुपालन ”त्ति दारं
[भा. २१३९] अनुपालन-संभोगो, नायव्वो होति संजतीवग्गे । उववाते संभोगो, पंचविधुवसंपदाए तु ॥
चू- खेत्तोवहिसेज्जाइए खेत्तसंकमणेसु य संजतीओ विधीए अनुपालेयव्वातो । इदानिं “उववाते” ति पच्छद्धं - उववातो उवसंपज्जणं, उवसंपताए संभोगो भवति ।।
सा य उवसंपया इमा पंचविधा
[भा. २१४०] सुत सुह- दुक्खे खेत्ते, मग्गे विनए य होइ बोधव्वो । उववाते संभोगो, पंचविगप्पो भवति एसो ॥
चू- सुत्तत्थाण निमित्तं उवसंपया सुत्तोवसपया। सुहदुक्खोवसंपया घाउविसंवादादिएहिं अहिडक्कातीहिं वा आगंतुगेहिं बहुं पच्चवायं माणुस्सं जाणिऊण अन्नतरेण मे रोगातंकेण वाहियस्स ममेते वेयावच्चं काहिंति, अहं पि एतेसिं करिस्सामि अतो असहायो गच्छे उवसंपयं पवज्जति । एस सुहदुक्खोवसंपया ।
एक्स्स आयरियस्स बहुगुणं खेत्तं तमण्णो आयरिओ जाणिऊण अणुजाणावेऊण तस्स खेत्ते ठायत एस खेत्तोवसंपया । दुवे आयरिया आणंदपुरातो महुरं गंतुकामा ताण एक्को देसितो एक्को अदेसितो । सिओ अप्पणो पुरिसकारेण पत्थिओ | अदेसिओ विसण्णो, देसियं भणाति - अहं तुप्पभावेण तुमे समाणं महुरं गच्छे। देसितो तस्सोवसंपण्णस्स मग्गाणुरूवं उवएसं पयच्छति, एस मग्गोवसंपदा गया ।
सुरट्ठाविसए दवे आयरिया, एगो तत्थ वत्थव्वो, सो आगंतुगस्स सुगम-दुग्गमे मग्गे सुविहारे यखेत्ते सव्वं कति, सचित्ताइयं उप्पण्णं सव्वे तेण वत्थव्वस्स णिवेदियव्वं, एस विणओवसंपदा । एस पंचविधो उववायसंभोगो ॥
“उववाते” त्ति दारं गतं । इदानिं "संवासे” त्ति दारं
[भा. २१४१] संवासे संभोगो, सपक्ख-परपक्खतो य नायव्वो । सरिकप्पेसु सपक्खे, परपक्खम्म गिहत्थेसु ॥
चू-संवास-संभोगो दुविधो-सपक्खे परपक्खे य, सरिसो कप्पो जेसिं ते सरिसकप्पा संभोतिया इति यावत् । सपक्खे सरिसकप्पेसु संवासो, न अन्नसंभोतिआइसु, परपक्खे गिहत्थेसु संवासो ॥
Jain Education International
For Private & Personal Use Only
www.jainelibrary.org