Page Text
________________
उद्देशक : ५, मूलं-३३९, [भा. १९६९]
४०३
चू- नाणादि-कारणेहिं जता गम्मति तता अद्धाणोवकरणोग्गाहितेण पडिलेहितेण सत्त्रण सुद्धेण जयणाए गंतव्वं । एसा गाहा उवरिं सवित्थरा वन्निज्जेहिति ॥ [भा.१९७०] सत्थे वि वच्चमाणे, अस्संजत-संजते तदुभए य।
मग्गंते जयणदाणं, छिन्नं पिहु कप्पती घेत्तुं॥ चू-नाणाति-कारणेहिं गम्ममाणे अंतरा तेणा भवंति, ते य चउव्विहा- अस्संजय - पंता पढमो भंगो, संजय-पंता बितियभंगो । तदुभयपंता-ततिय भंगो, तदुभयभद्दा चउत्थो भंगो॥
एतेसिं भंगाण फुडीकरणत्यं इमा गाहा[भा.१९७१] संजत-भद्दा गिहि-भद्दगा य पंतोभए उभय-भद्दा ।
तेना होंति चउद्धा, विगिंचणा दोसुतु यतीणं॥ चू-संजयभद्दा नो गिहिभद्दा, नो संजयभद्दा गिहिभद्दा । उभयपंता, उभयभद्दा । बितियततिएसुजतीण विकिंचणा भवति ।। [भा.१९७२]जइ देंत ऽजाइया जा, इयत्ति न विदेति लहुग-गुरुगा य।
सागारदान गमणं, गहणं तस्सेव न ऽन्नस्स ॥ चू- साहू अजातिता गिहीहिं जति ताण चीरे देति तो चउलहुं । अह जातिता न देंति तो चउगुरुगं । अदिन्ने उड्डाहं, पदोसंवा करेज्ज । “सागारं" पडिहारियं देंति, जस्स तं चीरं दिन्नं सो जतिअन्नेण पहेण गच्छति साधूण विततोगमणंचीरट्ठा, जाहेअद्धाणातो विनिग्गतो तस्समीवातो साधूतमेव चीरं गेण्हति, नो अन्नं ॥
“जयणादानं" इमं। [भा.१९७३] दंड-पडिहार-वजं, चोल-पडल-पत्तबंध-वजंच।
परिजुन्नाणं दाणं, उड्डाह पदोस रक्खट्ठा । चू- महंता जुन्न कंबली सरडिता डंडपरिहारो भन्नति । डंडपरिहारो, चोलपट्टो, पडला, पत्तगबंधो एते न दिजंति । अवसेसा पडिजुन्ना दिज्जंति - उड्डाह - पदोस - रक्खट्ठा ।।
“छिन्नं पि हु कप्पते घेत्तुं" तमेव, अविसद्दातो[भा.१९७४] धोतस्स व रत्तस्स व, अन्नस्स व गेण्हणम्मि चउलहुगा।
तंचेव घेत्तु धोत्तं, परिभुंजे जुन्नमुझे वा॥ . चू-जति तेन गिहत्थेण धोअं रत्तं वा अन्नहा वा असाहुपाओग्गं कतं ति न गेण्हाति तो चउलहुगा, अतो तमेव घेत्तुं धोतं साधुपओग्गं काउं परिभुंजति, अतिजुन्नं वा उज्झति ॥
पढमो भंगो गतो । इदानि बितियभंगो । तत्थ पुणो चउभंगो संभवति-संजतीतो विवित्ता, नो संजता । नो संजतीओ विवित्ता, संजता। संजतीतो संजता विवित्ता । नो संजतीओ नो संजता विवित्ता। [भा.१९७५] सट्ठाणे अनुकंपा, संजति पडिसारिते निसड्डे य।
असती तदुभए वा, जतणा पडिसत्थमादीसु॥ चू-जत्थ संजता गिही य उद्दूढा न संजतीओ तत्थ संजतीण सट्ठाणं साहू ते अनुकंपियव्वा तेषां दातव्यमित्यर्थः । साहूहिं संजतिसंतियं पाडिहारियं घेत्तव्वं । जत्थ संजतीओ निहत्था य
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |