________________
३७८
निशीथ-छेदसूत्रम् -१-४/२३२
[भा.१८३४]मणउग्गमआहारादीया तिया तिन्नि तिकरणविसुद्धा ।
एक्कासीती भंगा, सीलंगगमेण नेतव्वा ॥ [भा.१८३५] आहारउग्गमेणं, अविसुद्धं न गेण्हे न वि य गेण्हावे।
नवि गेण्हंतणुजाणे, एवं वायाएकाएणं॥ [भा.१८३६] एमेव नव विकप्पा, उप्पातण एसणाए नव चेव ।
एए तिन्नि उ नवया, सगवीसाहारे भंगातु।। [भा.१८३७] एमेवोवधिंसेज्जा, एक्केक्क सत्तवीस भंगा तु।
एते तिन्नि वि मिलिता, एक्कासीती भवे भंगा ।। चू-मणाति-तियं । उग्गमाति-तियं, आहाराति-तियं, एते तिन्नि तिया तिकरणविसुद्धा कायव्वा । इमेण एक्कासीति भंगा - कायव्वा । आहारोवहिसेज्जा एयस्स हेट्ठा उग्गमाति-तियं । एयस्स विहेट्ठा मणाति-तियं । एयस्स वि हेट्ठा करणं-तियं । इमं च उच्चारणं। ___आहारं उग्गमेण असुद्धे मनेण न गेण्हति, न गेण्हावेति, गेण्हतं नानुमोयति । एते मनेन तिन्नि, वायाते तिन्नि, काएण वि तिन्नि । एते नव उग्गमेण लद्धा। उप्पादणाए विनव। एसणाए वि नव । एते सत्तावीसं आहारे।
उवकरणे वि सत्तावीसं । सेजाए वि सततावीसं । सब्वे एक्कासीति । जहा एते बायालीसं अवराहे एक्कासीतीएपरिहरति, एवंपासत्ये अहाछंदे कुसीले संसत्तेनितिए, अविसद्दाओओसन्ने, एतेसिं संघाडगं तिकरणविसोहीए न देजा, न पडिच्छेज्जा, एक्कासीतीए वा भंगविकप्पेहिं परिहरेज्जा ॥ [भा.१८३८] एताई सोहितो, चरणं सोहेंति संसओ नत्थि।
एतेहिं असुद्धेहिं, चरित्तभेदं वियाण हि॥ चू-एते आहारातीए एक्कासीतीए भंगेहिं सोघयंतो चरित्तं सोहेति ॥ एवं अत्येण पडिसिद्धे पासत्थत्तणे, जा तेहिं सह संसग्गी सा पडिसिज्झति - [भा.१८३९] पडिसेधे पडिसेहो, असंविग्गे दान माति-तिक्खुत्तो।
अविसुद्धे चतुगुरुगा, दूरे साधारणं काउं । [भा.१८४०] पासत्यादि-कुसीले, पडिसिद्धे जा तु तेहिं संसग्गी।
पडिसिज्झति एसो खलु, पडिसेहे होति पडिसेहो । चू-पासत्थेण न भवियव्वं एसुपडिसेहो । सेसं कंठं। "असंविग्गे दानं" ति अस्य व्याख्या[भा.१८४१] दानाई-संसग्गी, सई कयपडिसिद्धे लहुय आउट्टे ।
सब्भावति आउट्टे, असुद्धगुरुगो उ तेन परं ॥ चू-जति पासत्थातियाणं संघाडगस्स वत्थातियाण वा दानं करेति एस संसग्गी ।सई एक्कसिं संसगिंग करेति, पडिसिद्धो पचोइओ आउट्टो, मासलहुँ से पच्छित्तं, सब्भावति आउद्देति, एवं बितियवाराए विमासलहुं, ततियवारायए विआउट्टस्स मासलहुं, तेन परं चउत्थवाराए नियमा असुद्धे त्ति मायावी, आउट्ठस्स मासगुरुं ।।
For Private & Personal Use Only
Jain Education International
www.jainelibrary.org