Agam Suttani Satikam Part 15 Nishitha

SR No.: 003319
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 484
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 22 MB

Page 380

उद्देशक ः ४, मूलं-२२७, [भा. १८२७]
३७७
मू. (२२८) जे भिक्खू कुसीलस्स संघाडयं पडिच्छइ, पडिच्छंतं वा सातिजति ।।. मू. (२२९) जे भिक्खू नितयस्स संघाडयं देइ, देंतं वा सातिजति ।। मू. (२३०) जे भिक्खू नितियस्स संघाडयं पडिच्छइ, पडिच्छंतं वा सातिज्जति ॥ मू. (२३१) जे भिक्खू संसत्तस्स संघाडयं देइ, देंतं वा सातिजति ॥ मू. (२३२) जे भिक्खू संसत्तस्स संघाडयं पडिच्छइ, पडिच्छंतं वा सातिजति.।
चू-नाण-दंसण-चरित्ताण पासे ठितो पासत्थो, ओसन्नदोसो उस्सन्नो, उयो वा संजमो तम्मि सुन्नो उस्सन्नो, कुच्छियसीलो कुसीलो, बहुदोसो संसत्तो, दव्वाइए अमुयत्तो नितिओ, एतेसिं संघाडयं देति पडिच्छति वा तस्स मासलहुं । [भा.१८२८] पासत्थोसन्नाणं, कुसील-संसत्त-नितियवासीणं ।
जे भिक्खू संघाडं, दिज्जा अहवा पडिच्छेज्जा । [भा.१८२९] सो आणवत्थं, मिच्छत्त-विराधनं तहा दुविधं ।
पावति जम्हा तेनं, नो दिज्जा नो पडिच्छेज्जा । चू-“तेणं" ति संघाडएण । इमा चारित्त विराहणा[भा.१८३०]अविसुद्धस्स तु गहणे, आवजण अगहिते य अहिगरणं ।
अप्पच्चओ गिहीणं, किं नु हु धम्मो दुहाऽऽदिट्ठो॥ चू- साहू तेन संघाडएण समं हिंडतो जेन दोसेणासुद्धं गेण्हति तमावज्जत । अह साहू न गेण्हति तो पासत्थस्स अचियत्तं, कलहं वा करेति । साहुणा पडिसिद्धे पासत्थेण गहिते जति साहू तुसिणीओ अच्छति एत्थ अमुमतीदोसो भवति । अपच्चओ गिहीणं भवति, इमं च भणिज्जा- किं तित्थकरेण दुविध धम्मो कहितो ।। एवं भणिए - [भा.१८३१]जति अच्छती तुसिणिओ, भणति त एवं पि देसिओ धम्मो।
___आसातणा सुमहती, सोच्चिय कलहो तु पडिघाते॥ चू-पासत्थाणुअत्तीएजइ साधूतुसिणिओअच्छति, अनुमतींवा करेति, तोसुमहतीआसायणा दीहं च संसारं निव्वत्तेति ।अहवा-साधूभणति-“न वट्टति, पासत्थवयणंच पडिघाएति", ताहे पासत्थो चिंतेति मं ओभासेति, सो चेव कलहो ।
पासत्थाइया इमेण दोसे परिहरंति[भा.१८३२] पासत्थोसन्नाणं, कुसील-संसत्त-नितियवासीणं ।
उग्गम उप्पादण एसणाए बातालमवराधा। चू-अहाच्छंदो अहासे अप्पणोछंदोअभिप्पाओतहा पनवेति-उग्गमदोसा सोलस, उप्पादना दोसा सोलस, दस एसणा दोसा ।।
संविग्गा पुण इमेण विधिणा परिहरंति[भा.१८३३] उग्गम उप्पायण एसणाए तिण्हं पि तिकरणविसोधी ।
पासत्थे सच्छंदे कुसीलनितिए वि एमेव ।। चू-तिण्हं त्ति आहार उवहि सेज्जा, तिन्नि कारणा तिकारणा, तेहिं सुद्धं तिकरणसुद्धं ।। एयस्स पुव्वद्धस्स इमा वक्खा.