Page Text
________________
३६०
निशीथ-छेदसूत्रम् -१-४/२१८ तुल्लभा वसही । अहवा - पञ्चंतियविसये सो गामो, तत्थ तेनगाति-भया वसहिं न लब्भति ताहे संजतीओ वसहिं मग्गंति ।जइ ताहिं पिन लद्धा तो बाहिं रुक्खमूलातिसु वसंतु। “तेन" त्तिजइ बाहिं सावय-तेनातिएहिं पच्चवाया भवेज्ज ताहे संजतीवसहीए चिलिमिलि अंतरिया चाउस्साले घरे वसेज्जा । हिं पायपूरणे॥पच्छिमा चिलिमिणी। जतो भन्नति[भा.१७२८] कुंटुंतरिया असती, कडओ पोत्ती व अंतरे थेरा ।
ते संतरिता खुड्डा, समणीण वि मग्गणा एवं ॥ चू-अन्नवसहीते अभावे संजता संजतीओय एक्कधरे वसंता कुटुंतरिया वसंति, पिहदुवारे असति कुड्डुस्स कडओ अंतरे दिज्जति, असति कडगस्स ताहे “पोत्ति"ति चिलिमिणि त्ति वुत्तं भवति, पोत्तीएतेण पत्ति-अभावे वा जओ दढकुटुं ततो तरुणीओ संजतीओ ठविजंति, ताहे मज्झिमा, ताहे थेरी, खुड्डी य । जतो संजतीतो, ततो अंतरे थेरा खुड्डा मज्झिमा तरुणा य । समणीण एस चेव मग्गणा । नवरं - सरिसवयं वज्जेजा ।। एसा पुण कुड्डघरे विधी[भा.१७२९] अन्नाते तुसिणीता, नाते सदं करेंति सज्झायं ।
अच्चव्वाता व सते, अच्छंति व अन्नहिं दिवसं॥ चू-जति अन्नाया जणेण ठिता तो राओ तुसिणीआ अच्छंति अह नाया तो सद्दसज्झायं करेंति, अतीव उव्वाय अच्चुव्वाता श्रांता इत्यर्थः । अच्चुव्वाता वा सुवंति, न परोप्परं संजया संजतीओ य उल्लवेति । एवं राओ जयणा एसा वुत्ता। कारणओ एगं दो तिन्नि वा दिने अच्छंता दिवसतो अन्नत्थ उज्जाणादिसु अच्छंति॥ [भा.१७३०] समणी जने पविटे, नीसंतु उल्लाव ऽकारणे गुरुगा।
पयला-निद्द-तुयट्टे, अच्छिचमढणे गिही मूलं ।। चू-गिहिजणेसु अप्पणो सयणीयघरेसु पविढेसु ताए निसंतवेलाए जति समणी संजतेन समं उल्लावं करेति तो चउगुरुं पच्छित्तं । अहवा - समणीजने समणजने य पविढे जइ एगा अनेगाओ वा एगेहिं वा अनेगेहि वा संजतेहिं समाणं निसंतवेलाए अंतो बहिं वा उल्लावं करेंति चउगुरु ते । दिवसतो अच्छंता जति पयला निद्द तुयट्टणे अच्छि चमढणे चउगुरुं । गिहिदिढे संकिते चउगुरुअंचेव । गिहिदिढे निस्संकिते मूलं । मत्तएसु वा काउं बाहिं परिट्ठवेंति, एवं जयंति । जति संजतिवसहिं संजता अदिट्ठा पविट्ठा तो अदिट्ठा एव निति निग्गच्छंति । अह दिट्ठा पविठ्ठा तो दिट्ठा वा अदिट्ठा वा निंति एस भयणा ।। [भा.१७३१] तत्थऽन्नत्थ व दिवसं, अच्छंता परिहरंति निद्दाती।
जतणाए व सुवंति, उभयं पिव मग्गते वसधिं ॥ चू- संजति-वसधीए राओ वसिता दिवसतो तत्थ वा संजतिवसधीए अच्छंति अन्नत्थ वा उजाणादिसु, पयलाणिद्दादिपए परिहरंति, जवणियंतरिया वा जयणाए सुवंति, जहा सागारिगो नपेच्छति। जतितेपाहुणगा तत्थ किं चि कालं कारणेण अच्छिउकामा तो उभयंसाहुसाहुणीओ यअन्नवसहिं मग्गंति तत्थ ते साहू ठायंति॥
इदानिं "गणधरे" ति दारं[भा.१७३२] उच्चारं पासवणं, अन्नत्थ व मत्तएसु व जतंति ।
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |