Page Text
________________
उद्देशक : ४, मूलं-२१८, [भा. १७०६ ]
गच्छंति । ठविएसु वा वा इदानिं गहणं करेहि त्ति अनुन्नवणट्ठा गच्छंति ॥ इदानं "उद्दे साणुन्न” त्ति दो दारा
[भा. १७०७ ] वसधी य असज्झाए, गारव भय सड्ड मंगले चेव । उद्देसादी काउं, वाएउं वा वि गच्छेज्जा ॥
- साधुवसहीए असज्झायं अप्पसत्था वा ताहे संजतिवसहिं गच्छति उद्देसाणुन्नट्ठा, गणधरा रायादि दिक्खितेहिं वा संजतिवसतिं गच्छंतेहिं ताण लोगे गारवं भवति, पडिनीयाण वा भयं भवति । अहवा - आयरियो उद्देसाति करेति, सुहं गारवभएहिं सिग्घं अहिज्जति, आयरिएण वा उद्दिट्ठे सद्धा भवति, संजतीण वा वसहीए मंगल्लं तत्थ उद्दिसति एतेहिं उद्दिसातिकारणेहिं गच्छति । पवत्तिणीए वा कालगयाए अन्ना वायंती य नत्थि ताहे गणधरो वायणट्ठा गच्छति ॥ इदानिं “भंडणे”त्ता दारं
[भा. १७०८] उप्पन्ने अधिकरणे, विओसवेउं तहिं पसत्थं तु । अच्छंति खउरिताओ, संजमसारं ठवेतुं जे ॥
३५७
चू- संजतीणं उप्पन्ने अधिकरणे ताओ संजमसारं ठवेत्तु अच्छंति, खउरिता खरंटिता रोषेणेत्यर्थः, ताण य ओसवणं संजतिवसहीए पसत्थं, अतो संजतिवसहिं ओसवणट्ठा गणधरो गच्छति ॥ इदानिं “गण" त्ति दारं
[भा. १७०९] जति कालगता गणिणी, नत्थि य अन्ना तु गणधरसमत्था । एतेण कारणेणं, गणचिंताए वि गच्छेज्जा ।।
चू- गणचिंताए गणधरो गच्छेज्ज || इदानं " अणपज्झत्ति दारं[भा. १७१०] अजं जक्खाइहं, खित्त-चित्तं व दित्त-चित्तं वा । उम्मतं पत्तं वा, काउं गच्छेज अप्पज्झं ॥
चू- जक्खेण आदिट्ठा गृहीता, ओमाणिया खित्त - चित्ता, हरिसेणंदित्त-चित्ता, अधिकतर प्रलापी मोहणियकम्मोदएण वा उम्मायं पत्ता वेदुम्मतेत्यथः । आयरिओ मंतेण वा तंतेण वा अप्पज्झं स्वस्थचित्तं काउकामो संजतिवसतिं गच्छेज्जा ॥
इदानं “ अगणि" त्ति दारं
[भा. १७११]जति अगणिणा तु दड्ढा, वसती दज्झाति व डज्झिहिति व त्ति । नाऊण व सोऊण व, संठविउं जे वि वच्चेज्जा ॥
चू- जति अगणिणा वसहीओ दड्ढाओ, डज्झति वा संपतिकाले, परो वा कहेंतो सुणाति दज्झति । अहवा - दज्झिस्सति, एवं सयं नाऊणं सोऊणं वा परसमीवाओ संठवणट्ठा उज्झवणट्ठा वा गच्छेज ॥ इदानिं “ आउ" त्ति दारं
[भा. १७१२] निदिपूरएण वसती, वुज्झति बूढा व वुज्झिहिति व त्ति । उदगभरितं व सोच्चा, उवघेत्तुं वा वि गच्छेज्जा ।।
चू- उदगभरिए उल्लंचणट्ठा उवघेत्तुं उवग्गहकरणट्ठा गच्छति ॥ इदानिं "वियार "त्ति दारं
[भा. १७१३] घोडेहि व धुत्तेहि व, आवाहिञ्जति वयारभूमीए ।
For Private & Personal Use Only
Jain Education International
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |