________________
३५६
निशीथ - छेदसूत्रम् -१-४/२१८
[भा. १६९९ ] गम्मति कारणजाते, पाहुणए गणहरे महिड्डीए । पच्छादणा य सेहे, असहुस्स चउक्क भयणा तु ॥ चू- कारणजाए त्ति दारं । एयस्स इमाओ दो दारगाहाओ - [भा. १७०० ] उवस्सए य संथारे, उवधी संघ-पाहुणे । सेहे ठवणुसे, अनुन्ना भंडणे गणे ॥ [भा. १७०१] अणपज्झ अगणि आऊ, वियारे पुत्त-संगमे । संलेहण वोसिरणे, वोसिट्टे निट्ठितै तिहिं ॥
चू-उवस्सए संथारे त्ति दो दारा वक्खाणेंति
[भा. १७०२] अजाणं पडिकुट्ठ, वसधी- संथारगाण गहणं तु । ओभासित दातव्वा, वच्चेजा गणधरो तेणं ॥
चू- संजतीण वसहीए संथारगाण य सयं गहणं पडिसिद्धं । वसहिं ओभासिओ अक्खा वच्चति । संथारगाण य ओभट्ठसमप्पियाणं दानट्ठा गच्छति गणधरो । संथारगे सयं विभयंतीओ मा अधि करिस्संति, तेन गणधरो गच्छति ॥
"उवहि" त्ति दारं
[भा. १७०३] पडितं पम्हुट्टं वा, पलावितं वा हितं व उग्गमितं । उवधिं भाएउंजे, दाउ जे वा वि वच्चेज्जा ॥
चू- भिक्खादि - प्रडंतीण पडिता उवही, सज्झायभूमीए वा पम्हुट्ठा विस्सरिया, साणमाइ पलाविता, तेणगेहिं वा अवहरिता, सा साधूहिं लद्धा, गुरुणं समप्पिया, अपुव्वा वा उवही उग्ग पडिय - पम्हुट्ठादियाण भायणं, अपुव्वाए दाणं, एतेहिं कारणहिं गणधरो वच्चेज्जा ।।
इदानं " संघपाहुण "त्ति दारं
[भा. १७०४ ] ओहाणाभिमुहीणं, थिरिकरणं कातुमज्जियाणं तु । गच्छेज्जा पाहुणओ, संघकुल- थेर गण-थेरो ॥
चू-क -काओ य संजतीओ परिसहबाहिताओ संजमसारपरम्मुहीओ ओहाणाभिमुहीओ अच्छंति थिरीकरणट्ठा संघपाहुणं गच्छेज्ज। कुल-गण-संघ-थेरा संघपाहुणा भन्नंति । अन्नो वा थिरीकरणलाति गच्छेज्ज ॥
इदानं “ सेहे "त्ति दारं
[भा. १७०५] अन्नत्थ अप्पसत्था, होज पसत्था व अजिओवसए । एतेण कारणेणं, गच्छेज उवट्ठवेउं जे ।।
चू- सेहस्स उवट्ठावणाहेउं अजिओवस्सयं गच्छेज्ज ।। इदानिं "ठवणे" त्ति दारं
[भा. १७०६] ठवण - कुलाइ ठवेउं, तासिं ठविताणि वा निवेएउं । परिहरिउं ठविताणि व, ठवणाऽऽदियणं व वोत्तुं जे ॥
चू- सेज्जातर मामगाइ ठवण-कुला भन्नंति । ते संजतिवसहीए गंतुं गाणं पुरतो ठवेंति, स वसहीए वा ठिएण ठविया ताण गंतुं निवेएति, इमाणि वा ठवियाणि, मा पविसह त्ति निवारणट्ठा
Jain Education International
For Private & Personal Use Only
www.jainelibrary.org
