Page Text
________________
उद्देशक : ३, मूलं- १९५, [भा. १५४१ ]
[भा. १५४१] आया संजम पवयण, तिविधं उवघाइयं तु नातव्वं । गिहमादिंगालादी, सुसाणमदी जहा कमसो ॥
चू-गिहे आउवाघातो । तं गिहं अपरिग्गहेतरं वा । अपरिग्गहे मासलहुं, सपरिग्गहे चउलहुँ, गेण्हण-कड्ढणादयो दोसा । एवं मडगातिसु वि सुसाणमातिएसुपवयणोवघातो, असुतिठाणासेविणो एते कापालिका इव । चउलहुं अवसेसा प्रायसो संजमोवघातिणो उवउज्ज अप्पणा जो जत्थ उवघातो सो तत्थ वत्तव्वो । इमे दोसा
[भा. १५४२ ] छड्डावण पंतावण, तत्थेव य पाडणादयो दिट्ठे । अदि अन्नकरणे, कायाकायाण वा उवरिं ।।
चू-गिहातिविरुद्धठाणे वोसिरंतो उड्डाविज्जति, पंताविज्जति वा, तत्थ वा पाडेइ, एते दिट्ठे दोसा । अदिट्ठे पुण अन्नं इंगालातिदाहट्ठाणं करेंति, कायविराहणा भवंति, तं वा सन्नं कायाण उवरिं छड्डेति ॥
[भा. १५४३] बितियपदमणप्पज्झे, ओसन्नाइन्न - रोहगद्धाणे । दुब्बल - गहणी गिलाणे, जयणाए वोसिरेज्जाहिं ॥
·
चू- अणप्पज्झे खित्ताती, ओसन्नमिति चिराययणं अपरिभोगट्ठाणं, आइन्नं आयरियं सव्वो जनो जत्थ वोसिरति । रोहगे वा अन्नं थंडिलं नत्थि, अद्धाण पडिवन्नो वा वोसिरति, दुब्बलगहणी वा अन्नं थंडिलं गंतुं न सक्केति, गिलाणो वा जं अप्पदोसतरं तत्थ वोसिरति । एस जयणा । अथवा
अन्नो अवलोएति, अन्नो वोसिरति । पउर - दवेणं कुरुकुयं करेत ॥
मू. (१९६) जे भिक्खू सपायंसि वा परपायंसि वा दिया वा राओ वा वियाले वा उब्बाहिज्ज्रमाणे सपायं गहाय परमायं वा जाइत्ता उच्चारं पासवणं वा परिट्ठवेत्ता अनुग्गऐ सूरिए एडेइ; एडतं वा सातिजति; तं सेवमाणे आवज्जति मासियं परिहारट्ठाणं उग्घातियं ॥
३२९
चू- राउ ति संज्झा, वियाले त्ति संज्झावगमो, तत्प्राबल्येन बाधा उब्बाहा, अप्पणिज्जो सन्नामत्तओ सगपायं भन्नति । अप्पणिज्जस्स अभावे परपाते वा जाइत्ता वोसिरइ । परं अजाइउं वोसिरंतस्स मासलहुं, अनुग्गए सूरिए छड्डेति मासलहुं, मत्तगे निक्कारणे वोसिरति मासलहुँ ।
निज़ुत्ती
[भा. १५४४] नो कप्पति भिक्खुस्सा, नियमत्ते तह परायए वा वि । वोसिरिऊणुच्चारं, वोसिरमाणे इमे दोसा ॥
चू-नियमत्त परायत्तए वा नो कप्पति भिक्खुस्स वोसिरिउं ।। जो वोसिरति तस्स इमे दोसा
[ भा. १५४५] सेहादीण दुगुंछा, निसिरिज्जंतं व दिस्सगारी न । उड्डाह भाण-भेद, विसुया वणमादिपलिमंथो ।
चू-संहो गंधेणं वा दद्दू वा विपरिणमेज्ज, दुगुंछं वा करेज, इमेहिं हड्डुसरक्खा वि जिता । अगरण वा निसिरिजंतं दड्ठ्ठे उड्डाहं करेञ्ज - अहो इमे असुइणो सव्वलोगं विट्टालेंति । भाणभेयं करेज्ज । उदिते आइच्चे जाव परिट्ठवेति । विसुआवेति त्ति-जाव-उव्ववेति वा ताव सुत्तत्थे पलिमंथो भवति । आदिसद्दातो परेण दिट्ठे संका, भोतिगादिपसंगो ॥
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |