Page Text
________________
पीठिका - [ भा. ३४]
[भा. ३५] पणिघाणजोगजुत्तो, पंचहिं समितीहिं तिहिं य गुत्तीहिं । एस चरित्तायारो, अट्ठविहो होति नायव्वो ।
चू. पणिहाणं ति वा अज्झवसाणं ति वा चित्तं ति वा एगट्ठा। जोगा मण - वइ-काया । पणिहाणजोगेहिं पसत्थेहिं जुत्तो पणिहाणजोगजुत्तो । तस्स य पणिहाणजोगजुत्तस्स पंचसमितीओ तिन्निगुत्तीओ भवंति । ता य समितिगुत्तीओ-इमा - इरिया - समिई, भासा - समिई, एसणा - समिई, आयाण-भंड-मत्त-निक्खेवणा-समिई, परट्ठावणिया - समिई, मणगुत्ती, वयगुत्ती, कायगुत्ती । जीवसंरकखणजुगमेत्तंतरदिट्ठिस्स अप्पमादिणो संजमोवकरणुप्पायणणिमित्तं जा गमणकिरिया साइरियासमिती । कक्कस-निडर - कडु - फरुस-असंबद्ध बहुप्पलावदोसवजिता हियमणवज्जमितासंदेह - अणभिद्रोहधम्मा भासासमिती । सुत्तानुसारेण रयहरण-वत्थपादासन-पाणनिलय - ओसहण्णेसणं एसणासमिती । जं वत्थ - पाय- संथारग-फलग-पीढग - कारणट्ठ गहणनिक्खेवकरणं पडिलेहिय पमजिय सा आदाननिक्खेवणा समिती । जं मुत्त-मलसिलेस-पुरिस-सुक्काण जंव विवेगारिहाणं संसत्ताण भत्तपाणादीण जंतुविरहिए थंडिले विहिणा विवेगकरणं सा परिच्चागसमिती । कलुस - किलिठ्ठमप्पसंतसावज्जमण - किरियसंकप्पणगोवणं मनगुत्ती | चावल्ल - फरुस - पिसुण-सावज्जप्पवत्तणिग्गहकरणं मोणेण गोवणं वइगुत्ती । गमनागमनपचलणादानण्णंसणप्फंदणादिकिरियाण गोवणं कायगुत्तो ॥
119 11
समिति-गुत्तीणं विसेसो भन्नति ।
समितो नियमा गुत्तो, गुत्तो समियत्तणंमि भतियव्वो । कुसलवइमुदीरंतो, जं वइगुत्तो वि समिओ वि ॥ तणुगतिकिरयसमिती, तणुकिरियागोवणं तु तणुगुत्ती । वागवण वागुत्ती वा समिति पयारो तस्सेव ॥ संकष्पकिरियगोवण, मणगुत्ती भवति समिति - सुपयारो । भणिता अट्ठ वि माता, पवयणवणफलणतत्तातो ॥ समितीण य गुत्तीण य, एसो भेदो तु होइ नायव्वो । समिती पयाररूवा, गुत्ती पुण उभयरूवातु ॥ समितो नियमा गुत्तो, गुत्तो समियतणंमि भइयव्वो । कुसल वइ उदीरेंतो, जं वतिगुत्तो वि समिओ वि ।। समिती पयाररूवा, गुत्ती पुण होति उभयरूवा तु । कुसल वति उदीरेंतो, तेणं गुत्तो वि समिओ वि ।। गुण जो साधू, अप्पवियाराए नाम गुत्तीए ॥ सो न समिओति, वुच्चति तीसे तु वियाररूवत्ता ।। अधिकृतार्थावष्टंभनगाथा । इदाणिं चरित्तणायारे पच्छित्तं भण्णति
चू.
[भा. ४०] समितीसुय गुत्तीसु य, असमिते अगुत्ते सव्वहिं लहुगो । आणादिविराघणे तास, उदाहरणा जहा हेट्ठा ॥
चू. समितीसु असमियस्स गुत्तीसु य अगुत्तस्स मासलहु - सव्वहिं - सव्वसमितीसु सव्वगुत्तीसु
For Private & Personal Use Only
www.jainelibrary.org
॥२॥
२५
॥३॥
[भा. ३६]
[भा. ३७]
[भा. ३८]
[भा. ३९]
Jain Education International
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |