Page Text
________________
२१
पीठिका - [भा.२७]
चू. “खमणित्ति' चउत्थं छठें अट्ठमं दसमं दुवालसमं अद्धमासखमणं मास-दुमासतिमास-चउमास-पंचमास-छम्मासा। सव्वं पि इत्तरं, आवकहियंवा। "वेयावच्चेति" आयरियवेयावच्चे दसमए। एसि पुरिसाणं इमेणं वेयावच्चं करेति, असनादिया वत्थाइणा पीढ-फलगसेजा-संयारग-ओसह-भेसज्जेणयविस्सामणेणय। विनओत्ति नाण-विणओ, दंसण-विणओ, चरित्त-विणओ, मण-विणओ, वइ-विणओ, काय-विणओ उवचारिय-विणओ य, एस विणओ सवित्थरो भाणियव्यो जहा दसवेयालिए । सज्झाएत्ति वायणा १ पुच्छणा २ परियट्टणा ३ अनुप्पेहा ४ धम्मकहा ५ यपंचविहो सज्झाओ, आदिसद्दाओ जे अन्ने तवभेया ओमोयरियाइ ते धिप्पंति, तहा खमादओ य गुणा । जुत्तं त्ति एतेहिं जहाभिहिएहिं गुणेहिं उववेओ जुत्तो भन्नति जोइति अनिदिट्ठसरूवोसाहूधेप्पइ ।तंसद्देण खमणादिगुणोववेयस्स गहणं पसंसतेश्लाघयतीत्यर्थः एस त्ति पसंसाए णिद्देसो । होइ भवति, किं ? उववूहणा विणओ, णिद्देसवयणं, विनयणं विणओ-कम्मावणयणद्वारमित्यर्थः । उववूहण त्ति दारंगयं ॥ इदाणिं थिरीकरणत्ति दारं[भा. २८] एतेसुं चिअखमणादिएसु सीदंतचोयणा जा तु ।
बहुदोसे माणुस्से, मा सीद थिरीकरणमेयं ॥ चू. सीतंतो नाम जो थिरसंघयणो धितिसंपण्णो हट्ठो य न उजमति खमणादिएसु एसा सीयणा ।चोयणाप्रेरणा नियेजनेत्यर्थः । तंपुणचोयणंकरेतिअवायं दंसेउं।जओभण्णति-बहुदोसे माणुस्से। दोसाअवाया तेय-“दंडक ससत्थ-" गाहा।अहवाजर-सास-कास-खयकुट्ठादओ संपओगविप्पओगदोसेहि य जुत्तं । मा इति पडिसेहे । एवं वयण-किरियासहायत्तेण जं संजमे थिरं करेतित्ति थिरीकरणं सेसं कंठं । थिरीकरणे त्ति दारं गयं ॥ इदाणिं वच्छल्ले त्ति दारं[भा. २९] साहम्मिय वच्छल्लं, आहारातीहिं होइ सव्वत्थ ।
आएसगुरुगिलाणे, तवस्सिबालादि सविसेसं ॥ समाणधम्मो साहमिओ तुल्लधम्मो । सो य साहू साहुणी वा । च सद्दातो खेत्तकालमासज्ज सावगो विधेप्पति । वच्छल्लभावो वच्छल्लं आदरेत्यर्थः । कहं केण वा, कस्स वा, कायव्वं । साहूण साहुणा सव्वथामेणएवं कायव्वं । आहारादिना दब्वेणआहारो आदिजेसिंतानिमानिआहारादीनि, आदि सद्दातोवत्थपत्त-भेसजोसह-पाद-सोयाब्भंगण-विस्सामणादिसु य । एवं ताव सव्वेसिं साहमियाणं वच्छल्लं कायव्वं । इमेसिं तु विसेसओ-आएसो-पाहुणओ, गुरु-सूरी, गिलाणोज्वरादिगहितोतओ विमुक्कोवा, तवस्सी विकिट्ठतवकारी, बालो, आदिसद्दातो बुड्डो सेहो महोदरो यः । सेहो अभिनव-पव्वइतो, महोदरो जो बहुं भुंजति । 'सविसेसं' त्ति एसिं आएसादिआणं जहाभिहिताणं सह विसेसेण सविसेसं सादरं साहिगयरं सातिसयतरमिति॥
जो एवं वच्छल्लंपवयणे न करेति तस्स पच्छित्तं भन्नति । सामण्णेण साहम्मियवच्छल्लं न करेति मासलहु विसेसओ भण्णति[भा. ३०] आयरिए य गिलाणे, गुरूगा लहुगा य खमगपाहुणए।
गुरुगो य बाल-बुड्ढे, सेहे य महोदरे लहुओ॥ चू.आयरिय-गिलाणवच्छल्लंन करेति चउगुरुगा पत्तेयं । खमगस्स पाहुणगस्स य वच्छल्लं न करेति चउलहुगा पत्तेयं । बालबुड्डाण पत्तेयं मासगुरुगो । सेह-महोयराणं पत्तेयं मासलहुगो।
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |