________________
१९०
निशीथ-छेदसूत्रम् -१-१/४०
उज्जूकरणं जमणं, दंडगमादीण सव्वेसि ।। [भा.७०७] बितियपदमनिउणे वा, निउणे वा केणती भवे असहू ।
वाघातो व सहुस्सा, परकरणं कप्पी ताहे ॥ [भा.७०८] पच्छाकड साभिग्गह, निरभिग्गह भद्दए य असण्णी ।
गिहि अन्नतित्थिएण व गिहि पुव्वं एतरे पच्छा। [भा.७०९] उडुबद्ध रयहरणं, वासावासासुपादलेहणिया।
वडउंबरे पिलक्खू, तेसि अलंभम्मि अंबिलिया । चू.उदुबद्धे रयहरणेण पादप्पमज्जणंकज्जति, वासासुपायलेहणियाए कद्दमो अवनिज्जति; सा भवति वडमती उंबरमती पिप्पलो "पिलक्खू" तं मई। एतेसिं अलंभे अंबिलियमती॥ [भा.७१०] बारसअंगुलदीहा, अंगुलमेगंतु होति विच्छिन्ना ।
घणमसिणनिव्वणा विय, पुरिसे पुरिसे य पत्तेयं । चू. “घणा" अज्झुसिरा, “मसिणा" लण्हा, “निव्वणा" खयवज्जिया, पुरिसे पुरिसे य एक्केका भवति॥ [भा.७११] एक्केक्का सा तिविधा, बहुपरिकम्मा य अप्पपरिकम्मा ।
अप्परिकम्मा य तधा, जलभावित एतरा चेव ।। चू. जलमज्झ उसिते कट्टे जा कज्जति सा जलभाविता । इतरा अभाविता ।। [भा.७१२] अद्धंगुला परेणं, छिज्जंती होति सपरिकम्मा तु ।
अद्धंगुलमेगं तू, छिज्जंती अप्पपरिकम्मा। [भा.७१३] जा पुव्ववढिता वा, जमिता संठवित तच्छिता वा वि।
लब्मति पमाणजुत्ता, सा नातव्वा अधाकडया ॥ [भा.७१४] पढमबितियाण करणं, सुहुममवी जो तु कारए भिक्खू ।
गिहि अन्नतिथिएण व, सो पावति आणमादीणि ॥ [भा.७१५] घट्टितसंठविताए, पुट्विं जमिताए होति गहणं तु ।
___ असती पुव्वकडाए, कप्पति ताहे सयं करणं ॥ [भा.७१६] बितियपदमनिउणे वा, निउणेवा केणती भवे असहू ।
वाघातो व सहुस्सा, परकरणं कप्पती ताहे ।। [भा.७१७] पच्छाकड साभिग्गह, निरभिग्गह भद्दय य असण्णी।
गिहि अन्नतिथिएण व, गिहि पुव्वं एतरे पच्छा ।। [भा.७१८] वेलुमयी लोहमयी, दुविधा सूयी समासओ होति ।
चउरंगुलप्पमाणा, सा सिव्वणसंघणट्टाए । ___ चू. लोहमती सूती साहुणा न घेत्तव्वा परं आयरियस्स एक्का भवति, सेसाण वेलुमती सिंगमती वा गणणप्पमाणेण एक्केक्का भवति । पमाणप्पमाणेण चतुरंगुलं भवति । किं कारणं घेप्पति? इमं-तुण्णणं उक्कइयकरणं वा सिव्वणं, दुगातिखंडाण संघणं ।। कंठा ।
[भा.७१९] एकेक्का सा तिविधा, बहुपरिकम्मा य अप्पपरिकम्मा ।
Jain Education International
For Private & Personal Use Only
www.jainelibrary.org
