________________
१८९
उद्देशक : १, मूलं-३९, [भा. ६९५]
चू. “पढमं" बहुपरिकम्मं, “बितियं" अप्पपरिकम्मं, सेसं कंठं॥
जम्हा एते दोसा, तम्हा[भा.६९६] घट्टित संठविते वा, पुव्वं जमिति य होति गहणं तु।
असती पुव्वकतस्स तु, कप्पति ताहे सयंकरणं॥ [भा.६९७] बितियपदमणिउणे वा, निउणे वा केणती भवे असहू ।
वाघातो व सहुस्सा, परकरणं कप्पती ताहे॥ [भा.६९८] पच्छाकड साभिग्गह, निरभिग्गह भद्दए य असण्णी ।
गिहि अन्नतिस्थिए वा, गिहि पुव्वं एतरे पच्छा ।। मू. (४०) जे भिक्खू दंडयंवा लठ्ठियं वा अवलेहणियं वा वेणुसूइयं वा अन्नउत्थिएण वा गरस्थिएण वा परिघट्टावेति वा संठवेतिं वा जमावेति वा अलमप्पमणो करणयाए सुहुममवि नो कप्पइ जाणमाणे सरमाणे अन्नमन्नस्स वियरति, वियरंतं वा सातिज्जति ॥
चू. "दंडो' बाहुप्पमाणो, “लट्ठी" आयपमाणा, “अवलेहणिया" वासासुकद्दमफेडिणी क्षुरिकावत्, “वेणू" वंसो, तम्मती सूती, परिघट्टणंअवलिहणं, संठवणंपासयादिकरणं, जमावेति उज्जगकरणं। [भा.६९९] डडग बिडंडए वा, लट्ठिविलट्ठी य तिविध तिविधातु।
वेलुमय-वेत्त-दारुग, बहु-अप्प-अहाकडा चेव ।। चू. एगेण तिविहसद्देण वेलुमयादी; बितियेण तिविहसद्देण बहुपरिकम्मादि । [भा.७००] तिन्नि उ हत्थे डंडो, दोन्नि उ हत्थे विदंडओ होति ।
लट्ठी आतपमाणा, विलट्ठि चतुरंगुलेणूणा ॥ [भा.७०१] अद्धंगुला परेणं, छिज्जेता होंति सपरिकम्मा उ ।
___ अद्धंगुलमेगं तू, छिजंता अप्पपरिकम्मा। [भा.७०२] जे पुव्ववड्डिता वा, जमिता संठवित तच्छित वा वि ।
होति तु पमाणजुत्ता, ते नायव्वा अहाकडगा॥ चू. पूर्ववत् । किं पुण लट्ठीए पओअणं? इमं[भा.७०३] दुपद-चतुप्पद-बहुपद, निवारणट्ठाय रक्खणाहेउं ।
अद्धाण-मरणभय-वुड्डवासवटुंभणा कप्पे॥ चू. "दुपाय" मणुस्सादि, “चउप्पदा" गाविमादि, बहुपया गंडयगोम्हिमादि । अद्धाणे पलंबमादि वुन्झति, मतो वा वुज्झति, बोहिगादिभयेवा पहरणं भवति, वडस्स वाअवटुंभणहेउं लट्ठी कप्पति घेत्तुं॥ [भा.७०४] पढमबितियाण करणं, सुहुममवी जो तु कारए भिक्खू।
गिहि अन्नतित्थिएण व, सो पावति आणमादीणि ॥ [भा.७०५] घट्टितसंठविते वा, पुट्विं मिताए होति गहणं तू।
असती पुव्वकयाए, कप्पति ताहे सयं करणं ।। [भा.७०६] परिघट्टणं तु निहणं मूलग्गा-पव्वमादिसंठवणं ।
Jain Education International
For Private & Personal Use Only
www.jainelibrary.org
