________________
पीठिका - [भा. १३]
१३
तहा दिट्ठतो भण्णति हरिएसो । :- 'रायगिहं' नयरं । 'सेणिओ' राया । सो य भजाए भण्णति- एगखंभं मे पासायं करेहि । तेण वड्ढइणो आणत्ता । गया कट्ठछिंदा । सलक्खणो महादुमो दिट्ठो । धूवो दिन्नो । इमं च तेहिं भणियं - जेण एस परिग्गहिओ भूतादिणा सो दरिसावं देउ, जाव न छिंदामो । एवं भणिऊण गता तद्दिणं । जेण य सो परिग्गहितो वाणमंतरेण तेण अभयस्स रातो दरिसाओ दिन्नो । इमं च तेण भणियं - अहं एगखंभं पासायं करेमि, स्ववोउय- पुप्फफलोववेएण वनसंडेण सपायार - परिक्खेवंच, 'नवरं' मा मज्झ णिलओ चिरट्ठिओ रुक्खो छिज्जउ । 'अभयेण' डिस्सुयं । कओ य सो तेण । आरक्खियपुरिसेहि य अहोरायं रक्खिज्जइ । अन्नया एक्कीए मायंगीए अकाले अंबsोहलो । भत्तारं भणइ - आनेहि । सो भणति - अकालो अंबगाणं । तीए पलवियं जतो जाणसि ततो आनेहि । सो गओ रायारामं । तस्स य दो विज्जातो अत्थि । ओनामणी १ उनामणी य २ । ओणामित्ता गहियाणि पचत्तगाणि । उण्नामणीए - उण्णामिआ साहा । दिट्ठो य रनो अंबग्गहणपरित्थडो, चिंतियं च जस्स एस सत्ती सो अंतेउरं पि धरिसेहित्ति । अभयं भगति -सत्त रत्तस्स अब्भंतरे जति न चोरं लभसि ततो ते जीवियं नत्थि । गवेसेति । अभओ पेच्छइ य एगत्थ लोगं मिलितं । न ताव गोजो आगच्छति । तत्थ आगंतु अभओ भणति जाव गोज्जो आढवेइ गेयं ताव अक्खाणयं सुणेह ।
।
1
मिरि-सेकुले ढकुमारी रूववती । सा य एत्थ आरामे चोरियाए कुसुमाई गेण्हइ । ताणि य घेत्तुं कामदेवं अच्चेति । सा य अन्नया आरामिएण गहिया । असुभभावो य सो कढिउमारद्धो । साभणति मा मे विनासेहि । तव विभगिणी भागिणीज्जा वा अत्थि । सो-भणति किमेतेण, एक्कहा मुयामि, जया परिणीया तया जति पढमं मम समीवमागमिस्ससि तो ते मुयामि । तीए पडिस्सुयं विसज्जिया । परिणीया य । वासघरं पविट्ठा। भत्तारस्स सब्भावं कहियं । तेण विसज्जिया आरामं जाति । अंतरा चोरेहिं गहिया । सब्भावे कहिए तेहिं मुक्का पुणो गच्छति । अंतरा रक्खसो आहारत्थी छण्हमासामंणीति । तेण य गहिता । सब्भावे सिट्ठे मुक्का । गया आरामियस्स पासं । दिट्ठा, कतो सि । भणति । सो समयो। कहं मुक्का भत्तारेण ? सव्वं कहेति । अहो सच्चपइण्णा एसत्ति मुक्का कहमहं दुहामि । मुक्का य। पडिइंती सव्वेहिं वि मुक्का । भत्तारसगासमक्खत्ता गया । अभओ पुच्छति - एत्थ केण दुक्करं कयं ।
जे तत्थ इस्सालू ते भांति-भत्तारेण । छुहालू-रक्खसेणं । पारदारिया - मालिएणं । 'हरिएसो' भणति-चोरेहिं । 'अभयेण' गहितो । एस चोरोत्ति रन्नो उवणीओ । पुच्छीओ सब्भावो कहिओ । 'राया भणति - जइ विज्जाओ देसि तो जीवसि' । तेण पडिस्सुयं - देमित्ति | आसणत्थो पढियो वाहेति, न वहइ । 'अभओ' पुच्छिओ- किं न वहति । 'अभओ' भणति - अविनय गहिया, एस हरिकेसो भूमित्थो तुमं सीहासणत्थो । तओ तस्स अणं असणं दिन्नं । राया णीततरो ठितो । सिद्धा । एवं नाणं पि विणय-हियं फलं देति । अविणय - हियं णदेति । तम्हा विणएण गहियव्वं ।
विनएत्ति दारं गयं । इयाणि बहुमाणे त्ति दारं । बहुहा माणणं बहुमाणो । सो य बहुमाणो नाणाइसंजुत्ते कायव् । सो दुविहो भवति भत्ती बहुमाणं च । को भत्तीबहुमाणाणं विसेसो । भन्नति गाहापच्छद्धं । अब्भुट्ठाणं डंडग्गह-पाय-पुंच्छणासणप्पदाणग्गहणादीहिं सेवा जा सा
For Private & Personal Use Only
www.jainelibrary.org
Jain Education International